【「廟細燈籠大」之後】Mercedes-AMG C 63 S Coupe

文：MenClub John Chan　　

POSTED ON 02 Nov 2016

Photos & Video: Heat Production 我仲記得好多人話要買C 63 AMG房車嘅2007/2008年，嗰時雷曼仲未爆煲。 2007年秋季我採訪完德國法蘭克福車展（IAA）後，去咗AMG總部試C 63 AMG同一系列嘅AMG辣車，仲漏低咗副新買嘅太陽眼鏡喺部G-Wagen…… 冇幾耐之後，香港通街見到C 63 AMG，嗰時聽過幾個車主講，話原裝車要「四個半一公里」，我冇問到佢嗰一公里，係唔係用超能力熄晒啲快相機同鐳射槍，飛到250km/h，所以先咁貴。大c.c.自然吸氣引擎嘅電油車，喺巿區開開停停，話知你有幾精準嘅燃油噴注系統都好，始終慳極有個譜，或者應該老老實實講，邊有可能慳。

坦白講，當前唔再係「搵錢風咁快　使錢快過風」嘅日子，而新一代C 63同新加嘅C 63 S亦都唔再配M156型6.2公升V8自然吸氣引擎，變成全新嘅4公升V8 Twin Turbo機器，我亦唔再輕易聽到有人話：「我要買『63』！！」無論站喺車迷或新車評論嘅角度，「新63」轉用4公升V8引擎冇乜唔妥，我唔係貪新忘舊，只係「63」喺我心目中已有好清楚嘅定義：必須配6公升以上嘅V8自然吸氣引擎。所以平治拎住「63」呢個光環發展後續，我唔care，亦都冇得care，反正，C-Class始終要有高性能級別，你咪話知佢鐘意叫「63」又好、「72」又好，平治揸莊嘛。

「新63」加多一級「C 63 S」，最大馬力510匹/5500rpm-6250rpm，峰值扭力71.4kgm/1750-4500rpm。喺7前速SPEEDSHIFT MCT自動波箱配合，0至100km/h加速為3.9秒。SPEEDSHIFT MCT都係自動波箱，只不過唔係配扭力轉換器（Torque Converter），而係以類似行星齒嘅濕式離合器代替，好處係轉波反應更直接，但請唔好誤會佢係雙離合器自動波箱。
[Youtube]https://youtu.be/_0hD17GgpaY[/Youtube]
講真，我唔係好在乎佢升級至510匹、530匹，又或者550匹，甚至原地踏步，好似以前嘅460匹都ok。我只係想高性能版C-Class房車同C-Class Coupe好揸啲。如果你一路留意W203型及W204型C-Class嘅發展，C-Class嘅操控係一路有明顯進步，雖然我唔係死忠嘅平治粉，但見到C-Class好揸咗，職業病驅使我希望佢再好啲，好啲，再好啲。 MenClub點解唔試咗C 63 S房車，再試C 63 S Coupe，我會答你，因為我哋覺得Coupe版靚，係㗎嘞，呢句擺到明我哋係偏心Coupe。

我哋日前喺試車片段提到，轉用全新4公升（3982c.c.）V8 Twin Turbo機器之後，引擎喺6500rpm至紅區前嘅上衝勁度同鬆油再加速嘅猛勁，明顯優於上代6.2公升V8自然吸氣引擎。咁樣係好正常，以前嘅M156型機器，氣缸口徑足足有102.2mm，咁大個活塞，唔通你想佢好似Honda S2000轉數上得咁癲咩？事隔八、九年，引擎科技有咗重大進步，而家副Twin Turbo引擎，由低轉到高轉，順暢無比，大力滑溜，轟完一轉落車望吓車尾「63」兩個字，既開心，又有少少感慨、失落。

無論喺行車模式揀「Comfort」「Sport」「Sport+」或「Race」，排氣喉喺縮油後都有不同程度嘅「霹靂啪啦」，氣氛一流，係唔係高級飛仔味，由你自己判斷。我最鍾意「Sport+」行車模式，油門反應好敏感直接，我未試過咁嘅「Benz」。

今次試嘅Edition 1，外表同內裝嘅嘢唔再多講，只係想集中講整部車相當好揸，冇咗以前高性能FR平治嗰種，動態太過穩陣，甚至有人批評佢「死實實」嘅缺點。呢一部Edition 1，配前19吋後20吋車胎配搭，前255/35 R19後285/30 R20，屬Michelin Pilot Sport Cup 2車胎。整體嚟講，抓著力強勁之餘，唔會過於束縛，四個角嘅懸掛都好靈巧，grip得嚟係生猛「活潑」，而且當你升級到更辣嘅行車模式時，大體上你可以清楚感應佢邊一部份敏感咗，例如入彎或出彎反應，呢一點幾有驚喜。

喺類似石澳道、荃錦公路、大埔道一帶嘅舊式山路，懸掛模式揀「Comfort」最穩陣，但我始終嫌佢搖曳多咗啲，咁嘅tuning soft得有少少刻意、過火。不過，咁有咁好，乘客（尤其是後座乘客）會坐得舒服啲，但從駕駛者角度，入彎冇咗份猛勁，算啦，留番慢揸嗰時先用！

轉去「Sport」好好多，即時覺得部車生猛晒，雖然車重接近1800kg，實時感覺話你知：「佢邊有咁重呀！」「Sport +」行街有啲偏硬，但喺靚路或新鋪裝嘅柏油路高速公路，Sport +嘅路面感零舍強，嗰陣Hardcore味湧住湧住嚟。碳陶合成制動碟制動效果好好，制動力強大而踏感具清晰比例（$55,000），好Like。

有讀者問我哋C 63 S Coupe同寶馬（BMW）M4，邊部好啲。不如話你知我哋會點揀。喺呢代C 63 S Coupe推出之前，我哋會毫不猶疑揀M4，因為M4嘅直六Twin Turbo引擎，集Turbo引擎牛勁同癲狂轉數上衝反應於一身，而且軚感豐富。但係今代C 63 S Coupe，喺mechanical grip同生猛動態之間，取得咗幾好嘅平衡，進步神速，人與車嘅溝通大大改善，快車時得到嘅訊息豐富咗，大大追近M4（只係軚感未夠好），係一件可以教到你揸快車嘅辣玩具。今次嘅Edition 1好搶眼、精緻，又辣又靚嘅「Benz」真係好吸引，我哋忍唔住企咗去C 63 S Coupe嗰邊。寶馬fans請諒。

Mercedes-AMG C 63 S AMG Coupe規格售價：$1,498,000起代理：Zu Fung www.zungfu.com 車型：雙門四座體積：（長）4686mm x （闊）1810mm x （高）1405mm 軸距：2840mm 引擎：3982c.c. V型8汽缸渦輪增壓，前置引擎壓縮比：10.5:1 馬力：510匹/5500rpm-6250rpm 扭力：71.4kgm/1750-4500rpm 波箱：7前速自動，後輪驅動懸掛：（前）多連桿；（後）多連桿制動：（前）透氣碟；（後）透氣碟 0至100km/h加速：3.9秒極速：250km/h 車重：1789kg（歐盟標準）油缸容積：66公升耗油：8.6l-8.9l/100km（公路巿區混合計算模式）輪胎：Michelin Pilot Sport Cup 2 255/35 R19、285/30 R20（前、後）

MERCEDES-BENZ E500 AMG

LAND ROVER DISCOVERY SPORT SE

download menclub auto

Photos & Video: Heat Production 我仲記得好多人話要買C 63 AMG房車嘅2007/2008年，嗰時雷曼仲未爆煲。 2007年秋季我採訪完德國法蘭克福車展（IAA）後，去咗AMG總部試C 63 AMG同一系列嘅AMG辣車，仲漏低咗副新買嘅太陽眼鏡喺部G-Wagen…… 冇幾耐之後，香港通街見到C 63 AMG，嗰時聽過幾個車主講，話原裝車要「四個半一公里」，我冇問到佢嗰一公里，係唔係用超能力熄晒啲快相機同鐳射槍，飛到250km/h，所以先咁貴。大c.c.自然吸氣引擎嘅電油車，喺巿區開開停停，話知你有幾精準嘅燃油噴注系統都好，始終慳極有個譜，或者應該老老實實講，邊有可能慳。

坦白講，當前唔再係「搵錢風咁快　使錢快過風」嘅日子，而新一代C 63同新加嘅C 63 S亦都唔再配M156型6.2公升V8自然吸氣引擎，變成全新嘅4公升V8 Twin Turbo機器，我亦唔再輕易聽到有人話：「我要買『63』！！」無論站喺車迷或新車評論嘅角度，「新63」轉用4公升V8引擎冇乜唔妥，我唔係貪新忘舊，只係「63」喺我心目中已有好清楚嘅定義：必須配6公升以上嘅V8自然吸氣引擎。所以平治拎住「63」呢個光環發展後續，我唔care，亦都冇得care，反正，C-Class始終要有高性能級別，你咪話知佢鐘意叫「63」又好、「72」又好，平治揸莊嘛。

「新63」加多一級「C 63 S」，最大馬力510匹/5500rpm-6250rpm，峰值扭力71.4kgm/1750-4500rpm。喺7前速SPEEDSHIFT MCT自動波箱配合，0至100km/h加速為3.9秒。SPEEDSHIFT MCT都係自動波箱，只不過唔係配扭力轉換器（Torque Converter），而係以類似行星齒嘅濕式離合器代替，好處係轉波反應更直接，但請唔好誤會佢係雙離合器自動波箱。
[Youtube]https://youtu.be/_0hD17GgpaY[/Youtube]
講真，我唔係好在乎佢升級至510匹、530匹，又或者550匹，甚至原地踏步，好似以前嘅460匹都ok。我只係想高性能版C-Class房車同C-Class Coupe好揸啲。如果你一路留意W203型及W204型C-Class嘅發展，C-Class嘅操控係一路有明顯進步，雖然我唔係死忠嘅平治粉，但見到C-Class好揸咗，職業病驅使我希望佢再好啲，好啲，再好啲。 MenClub點解唔試咗C 63 S房車，再試C 63 S Coupe，我會答你，因為我哋覺得Coupe版靚，係㗎嘞，呢句擺到明我哋係偏心Coupe。

我哋日前喺試車片段提到，轉用全新4公升（3982c.c.）V8 Twin Turbo機器之後，引擎喺6500rpm至紅區前嘅上衝勁度同鬆油再加速嘅猛勁，明顯優於上代6.2公升V8自然吸氣引擎。咁樣係好正常，以前嘅M156型機器，氣缸口徑足足有102.2mm，咁大個活塞，唔通你想佢好似Honda S2000轉數上得咁癲咩？事隔八、九年，引擎科技有咗重大進步，而家副Twin Turbo引擎，由低轉到高轉，順暢無比，大力滑溜，轟完一轉落車望吓車尾「63」兩個字，既開心，又有少少感慨、失落。

無論喺行車模式揀「Comfort」「Sport」「Sport+」或「Race」，排氣喉喺縮油後都有不同程度嘅「霹靂啪啦」，氣氛一流，係唔係高級飛仔味，由你自己判斷。我最鍾意「Sport+」行車模式，油門反應好敏感直接，我未試過咁嘅「Benz」。

今次試嘅Edition 1，外表同內裝嘅嘢唔再多講，只係想集中講整部車相當好揸，冇咗以前高性能FR平治嗰種，動態太過穩陣，甚至有人批評佢「死實實」嘅缺點。呢一部Edition 1，配前19吋後20吋車胎配搭，前255/35 R19後285/30 R20，屬Michelin Pilot Sport Cup 2車胎。整體嚟講，抓著力強勁之餘，唔會過於束縛，四個角嘅懸掛都好靈巧，grip得嚟係生猛「活潑」，而且當你升級到更辣嘅行車模式時，大體上你可以清楚感應佢邊一部份敏感咗，例如入彎或出彎反應，呢一點幾有驚喜。

喺類似石澳道、荃錦公路、大埔道一帶嘅舊式山路，懸掛模式揀「Comfort」最穩陣，但我始終嫌佢搖曳多咗啲，咁嘅tuning soft得有少少刻意、過火。不過，咁有咁好，乘客（尤其是後座乘客）會坐得舒服啲，但從駕駛者角度，入彎冇咗份猛勁，算啦，留番慢揸嗰時先用！

轉去「Sport」好好多，即時覺得部車生猛晒，雖然車重接近1800kg，實時感覺話你知：「佢邊有咁重呀！」「Sport +」行街有啲偏硬，但喺靚路或新鋪裝嘅柏油路高速公路，Sport +嘅路面感零舍強，嗰陣Hardcore味湧住湧住嚟。碳陶合成制動碟制動效果好好，制動力強大而踏感具清晰比例（$55,000），好Like。

有讀者問我哋C 63 S Coupe同寶馬（BMW）M4，邊部好啲。不如話你知我哋會點揀。喺呢代C 63 S Coupe推出之前，我哋會毫不猶疑揀M4，因為M4嘅直六Twin Turbo引擎，集Turbo引擎牛勁同癲狂轉數上衝反應於一身，而且軚感豐富。但係今代C 63 S Coupe，喺mechanical grip同生猛動態之間，取得咗幾好嘅平衡，進步神速，人與車嘅溝通大大改善，快車時得到嘅訊息豐富咗，大大追近M4（只係軚感未夠好），係一件可以教到你揸快車嘅辣玩具。今次嘅Edition 1好搶眼、精緻，又辣又靚嘅「Benz」真係好吸引，我哋忍唔住企咗去C 63 S Coupe嗰邊。寶馬fans請諒。

Mercedes-AMG C 63 S AMG Coupe規格售價：$1,498,000起代理：Zu Fung www.zungfu.com 車型：雙門四座體積：（長）4686mm x （闊）1810mm x （高）1405mm 軸距：2840mm 引擎：3982c.c. V型8汽缸渦輪增壓，前置引擎壓縮比：10.5:1 馬力：510匹/5500rpm-6250rpm 扭力：71.4kgm/1750-4500rpm 波箱：7前速自動，後輪驅動懸掛：（前）多連桿；（後）多連桿制動：（前）透氣碟；（後）透氣碟 0至100km/h加速：3.9秒極速：250km/h 車重：1789kg（歐盟標準）油缸容積：66公升耗油：8.6l-8.9l/100km（公路巿區混合計算模式）輪胎：Michelin Pilot Sport Cup 2 255/35 R19、285/30 R20（前、後）