虛名嘅嘢…－Ford Focus RS x Ford Escort RS Cosworth

文：MenClub John Chan　　

POSTED ON 29 Aug 2016

Photos & Video(HK): Heat Production/Ford Europe 講到高性能車，身邊總有三幾個花生友會話：「有啲brand做咗幾十年，車，佢唔係最好，人造，佢又造，究竟搞乜，執咗佢算啦！」個point係：「唔係最好，咁就所以執咗佢？吓！」咁請問，點為之最好？呢啲所謂最好、最佳、最強、最優質，有冇準則㗎？都有嘅！例如引擎動力輸出數字、起跑加速時間、中段加速時間、車重、剎車距離，仲有一樣，大家口講話唔係咁重要，但實際喺心裡往往好關鍵嘅因素，就係品牌價值與形像。莫講話普羅大眾消費者，有時從事新車試駕嘅汽車傳媒工作者（包括我），都會因為汽車品牌形象，而喺評論過程中不自覺「格外開恩」，儘管大多數汽車傳媒工作者都經常警惕自己「要中立啲，中立啲」。所以，即使你捧MenClub場，Like我哋嘅汽車文章及Video，我哋衷心感激你。但好希望你只係參考吓就算，太投入，「跟車太貼」，好易會愈睇愈火滾。
[Youtube]https://youtu.be/Wr5FlQ8LA5A[/Youtube]

喺購買高性能汽車，包括高性能四驅掀背車時，我建議大家以自己嘅駕駛感受為選擇依歸。如果你擁有過高性能或講求操控表現汽車，一定明白品牌價值同你「feel good」指數未必成正比，有啲例子更可能呈反比。所以，遇到想買啲代理「冇得畀你試車」嘅型號，就要刨多啲文，本地、海外嘅都要去刨，從人話、鬼話、客套話之中分析邊句係真。今次試車嘅Ford Focus RS，佢四份一世紀前嘅「前輩」Escort RS Cosworth喺九十年代唔算好威水巴閉。理由係，呢款為參加世界越野錦標賽（WRC）A組賽事嘅「街車」，其賽車版成績平平，九十年代初中期嘅WRC，由意大利領先（Lancia）Delta HF Integrale同豐田（Toyota）Celica稱王稱霸，福特（Ford）只算係中游份子，年尾埋數，只位列年度車手及製造商績分榜三、四位。

咁Escort RS Cosworth喺「街道」嘅人氣程度又點？普普通通囉，尤其喺香港，嗰時開始有少量行貨及大量水貨三菱Lancer Evolution，後來行貨富士Impreza WRX亦相繼抵港，點會揀Ford？但我一路好鍾意Escort RS Cosworth嘅外形，2003年左右，仍喺South China Morning Post年代嘅《車主》雜誌任職編輯，當時向讀者借咗一部尚算原裝嘅白色Escort RS Cosworth試揸，試車感同今次呢部深藍色直版好相似，Turbo Lag好大，低轉表現有啲呆滯，表現平平，就好似揸住唔太精神嘅Ford第一代Mondeo四速自動波房車，上佛光街長命斜一樣；當Turbo全力介入之後，成部車好似發咗癲咁，軚盤有少少抖動，但只要路面暢通，keep住喺動力最旺盛嘅轉速帶，Escort RS Cosworth係好好揸，好爽，動力好澎湃。

嗰部白色嘅，車身唔算好靚仔，頭唇有少少爛，但懸掛狀態好精神，乘坐感、懸掛反應、支承力都好好，底盤同車體算硬淨紮實（比EVO、WRX尤甚）。我記得試車日係星期六清晨，由維園出發沿東半山一路揸上山頂，Escort RS Cosworth好易揸得快，而且係流暢。入彎出彎嘅推頭情況雖然好明顯，有奧迪（Audi） Quattro Coupe同領先(Lancia)Delta HF Integrale（包括後期EVO版）嗰種老派四驅味。但前輪嘅抓著力仍算係豐富，出彎時預多少少走盞位，大膽啲畀油出彎，佢嘅四驅系統會派多啲動力畀後輪，呢個狀態下嘅Escort RS Cosworth好正。

引擎最大馬力雖然只有227匹，比同期部份對手少幾十匹，而且為咗遷就賽車版，街車版早期配用大Turbo，結果頭段呆、中尾段癲，用今日標準睇，「勁唔user-friendly」，但咁嘅配搭，反而令佢有鮮明性格。 Escort RS Cosworth喺1996年停產，之後無以為繼，原因眾多，當中包括WRC改用World Rally Car賽例，製造商唔需要再生產性能同規格咁強勁嘅街車。另外，福特喺1999年之後亦進入調整期，直至曾任職波音飛機嘅福特前任CEO Alan Mulally及掌管新產品策劃嘅Mark Fields（現任CEO）上場，先至大力發展福特經典車系，例如推出第二代Ford GT，將Mustang GT銷售到更多國家，再次發展福特高性能四驅掀背車，亦即是最新嘅Focus RS。

近望Focus RS，好大部，有啲論盡，實在難以同昔日身型勁fit嘅Escort RS Cosworth相比。不過，你睇吓而家嘅高性能掀背車（有冇四驅都係），例如平治（Mercedes-Benz）A 45 AMG、奧迪（Audi）RS3、本田（Honda）Civic Type R、福士（Volkswagen）Golf R，有邊部唔係五門版（Golf R有三門版）、「肥嘟嘟」同「漲卜卜」。話到底，呢類車打住「玩樂車」牌頭，又有高性能，如果賣得貴兼且得三門，好易畀人唔實用嘅感覺，車廠「買個保險」兼擴闊客路，無可厚非。

Focus RS配一副2.3公升直四Turbo引擎，最大馬力350匹，峰值扭力45kgm/2000rpm-4500rpm。相比同級對手，佢大咗約300c.c.，喺第二代Focus RS，更加係配2.5公升直五Turbo引擎。睇番今代同上代Focus RS，引擎好強調低、中段扭力輸出，要夠闊，昔日源自Volvo嘅直五Turbo機器（福特Premier Automotive Group年代），我始終覺得佢有少少懶，勁度有餘唔夠爽，而家副2.3直四新機器，爽咗好多，但骨子裡，你仍感覺到福特工程師首要想副偈torquey、torquey & torquey，尤其係接近中段至中尾段（同Audi RS3相似）。

純粹站在個人立場，我大概認同福特呢種引擎調校取向，籠統啲講，咁tuning style仍然好有傳統德國味、英國味、北歐味，我嘅角度，唔會話佢舊。對於揸開近10年日本2公升四汽缸Turbo/2.5公升四汽缸Turbo四驅快車嚟講，可能會嫌佢引擎轉數上衝速度唔夠快同狠。事實上，你睇返Focus RS嘅6前速棍波設定，二、三波未至於長氣，但一定有空間可以縮短啲，咁嘅設定或多或少影響咗佢短途加速表現。類似情況亦見於富士出口版Impreza WRX STI都有，撇開啲所謂乜味乜味，咁嘅安排就係想有更高極速，而且要令各個波檔有更闊更平均嘅分布。

Focus RS只有6速棍波，無自動波版，擺明「啱你就埋嚟」，站喺玩樂趣味同襟玩角度，我認同咁嘅安排。可能你嫌我保守，但我喺50萬至80萬級高性能玩樂車嘅波檔配搭上，始終以耐用、容易及相對低廉維修成本為出發點，即使抱住「揸兩年零三年就賣」都係咁話。三個踏板擺位合理清晰，離合器行程可以短少少，尤其係「無效」行程部份。波檔閘嘅「推」「拉」質感幾豐富，尤其接近檔閘末段部份。

今代Focus RS配四驅系統，Normal Mode表現無乜特別，只不過係一部好grip嘅大馬力四驅掀背車。轉到Sport Mode，好玩好多，首先，轉向快咗，你明顯覺得扭「少少軚」，轉向快咗唔少，即使我冇將懸掛設定調到Sport。 turn-in入彎嗰刻，車頭好肯入彎，車頭外側，以至車身整體都唔覺有大幅度外傾，同時feel到車尾有股動力好配合入彎，係唔係去到「大力推」嘅境界呢？今次喺街道試都仲未覺。

喺幾個上/落斜大彎快跑，我刻意遲啲扭軚入彎，之後靠扭多啲軚修正。呢一刻會感到車尾有輕微浮升，但馬步依然好穩陣，而且有股算幾滑溜嘅推力「傍」住車身中後半部過彎。我亦覺得四驅系統喺派畀後軸嘅動力上，同扭軚嘅、畀油嘅幅度幾協調，反應亦都快。我相信大部份人喺咁嘅設定之下，會覺得Focus RS係易揸，而且係喺彎路易揸得快。

以Sport Mode快劈攻彎，好清楚後軸同你配合，呢種反應完全係基於有機械連結，而唔係好似寶馬M2嗰種，車尾動態流麗暢滑得一feel就知係懸掛幾何同輪胎雙劍合壁嘅威力，所以，我好希望你Focus RS同M2係兩種好唔同嘅汽車至於Race Mode及Drift Mode，由於本港代理唔容許傳媒喺道路上使用，恕難評價。

唔少外國及本港揸過Focus RS嘅傳媒同用家都認為，輸港版本呢張Recaro椅，櫈架太高，再加上座墊兩側嘅承托位稍高，進出駕駛座同前排乘客席的確有少少「揩」大髀底，呢一點，無得駁。但係，類似Focus呢類帶有MPV廣體車廂空間佈局嘅歐洲掀背車（包括十多年前嘅EP3本田Civic Type R，該型號建基於歐洲版Civic），普遍都希望駕駛者坐得高啲，睇位清楚啲，因而有hip point偏高情況。另外，車控台偏向肥大，倘若櫈架set得低矮，身形矮細嘅駕駛者可能會覺得視線唔夠清晰，好侷促。到時又可能有人話：「喂！點解個櫈架咁矮㗎！」話分兩頭，呢張Recaro嘅坐墊雖然薄啲，但乘坐感同擁抱力幾好，屁股同膊頭位夠晒闊，好啱我，但瘦仔同fit佬可能會嫌大咗啲。
呢對Recaro座椅都係optional，輸港版本已包埋， Standard嗰張雖然都係Recaro出品（見下圖），但好臃腫，唔有型後座椅背唔可以完全放平，如果得就正到死喇
另外，要話吓Focus RS嘅中控台同軚盤，家庭掀背車味太濃，主要係控制鍵太多，太「busy」，三個獨立儀錶，size太細喇，想點，擺喺度，hea味好勁，如果福特總廠話幾個月後嗰批會刪除咗呢三個錶，相信唔會有幾多車迷覺得可惜。

Focus RS售價接近54萬，第一眼望埋去，會諗：「你畀到啲咩嘢我先？」事關，Golf R六速棍波版只係40零萬，吸引。但試揸過Focus RS之後，我幾like佢副四驅系統，霎時令我諗起三菱昔日Lancer Evolution VI Tommi Makinen Edition（六代半），就係後驅動輪應該做多啲嘢，要主動啲、醒啲，搞活整體彎路表現同增加駕駛趣味。雖然，Focus RS同「六代半」嘅神級境界仍有一定距離，但揸過Focus RS，好難再對德國掀背車樂意採用嘅Haldex式四驅提起興趣，儘管Focus RS嘅波箱二、三、四波唔算好緊密，喺短途加速表現打咗折扣。
輸港版本配備好多option，例如Michelin Pilot Sport Cup 2，標準配備只有Michelin Pilot Super Sport
Ford Focus RS規格售價：$539,000 代理：Future Motors www.hkford.com 車型：五門五座體積：（長）4390mm x （闊）1823mm x （高）1472mm 軸距：2648mm 引擎：2261c.c. 直列4汽缸渦輪增壓直噴，前置引擎口徑 x 衝程：87.6mm x 94.0mm 壓縮比：9.4:1 馬力：350匹/6000rpm 扭力：45kgm/2000rpm-4500rpm (Overboost 48kgm）波箱：6前速手動，四輪驅動懸掛：（前）麥花臣支柱；（後）多連桿 0至100km/h加速：4.7秒極速：266km/h 制動：（前）350mm x 25mm透氣碟；（後）302mm x 11mm實心碟車重：1599kg 行李艙：260公升（五座位），1045公升（雙座位）油缸容積：51公升耗油：13km/L 輪胎：Michelin Pilot Sport Cup 2 235/35 R19 （前、後）

MERCEDES-BENZ E500 AMG

LAND ROVER DISCOVERY SPORT SE

download menclub auto

Photos & Video(HK): Heat Production/Ford Europe 講到高性能車，身邊總有三幾個花生友會話：「有啲brand做咗幾十年，車，佢唔係最好，人造，佢又造，究竟搞乜，執咗佢算啦！」個point係：「唔係最好，咁就所以執咗佢？吓！」咁請問，點為之最好？呢啲所謂最好、最佳、最強、最優質，有冇準則㗎？都有嘅！例如引擎動力輸出數字、起跑加速時間、中段加速時間、車重、剎車距離，仲有一樣，大家口講話唔係咁重要，但實際喺心裡往往好關鍵嘅因素，就係品牌價值與形像。莫講話普羅大眾消費者，有時從事新車試駕嘅汽車傳媒工作者（包括我），都會因為汽車品牌形象，而喺評論過程中不自覺「格外開恩」，儘管大多數汽車傳媒工作者都經常警惕自己「要中立啲，中立啲」。所以，即使你捧MenClub場，Like我哋嘅汽車文章及Video，我哋衷心感激你。但好希望你只係參考吓就算，太投入，「跟車太貼」，好易會愈睇愈火滾。
[Youtube]https://youtu.be/Wr5FlQ8LA5A[/Youtube]

喺購買高性能汽車，包括高性能四驅掀背車時，我建議大家以自己嘅駕駛感受為選擇依歸。如果你擁有過高性能或講求操控表現汽車，一定明白品牌價值同你「feel good」指數未必成正比，有啲例子更可能呈反比。所以，遇到想買啲代理「冇得畀你試車」嘅型號，就要刨多啲文，本地、海外嘅都要去刨，從人話、鬼話、客套話之中分析邊句係真。今次試車嘅Ford Focus RS，佢四份一世紀前嘅「前輩」Escort RS Cosworth喺九十年代唔算好威水巴閉。理由係，呢款為參加世界越野錦標賽（WRC）A組賽事嘅「街車」，其賽車版成績平平，九十年代初中期嘅WRC，由意大利領先（Lancia）Delta HF Integrale同豐田（Toyota）Celica稱王稱霸，福特（Ford）只算係中游份子，年尾埋數，只位列年度車手及製造商績分榜三、四位。

咁Escort RS Cosworth喺「街道」嘅人氣程度又點？普普通通囉，尤其喺香港，嗰時開始有少量行貨及大量水貨三菱Lancer Evolution，後來行貨富士Impreza WRX亦相繼抵港，點會揀Ford？但我一路好鍾意Escort RS Cosworth嘅外形，2003年左右，仍喺South China Morning Post年代嘅《車主》雜誌任職編輯，當時向讀者借咗一部尚算原裝嘅白色Escort RS Cosworth試揸，試車感同今次呢部深藍色直版好相似，Turbo Lag好大，低轉表現有啲呆滯，表現平平，就好似揸住唔太精神嘅Ford第一代Mondeo四速自動波房車，上佛光街長命斜一樣；當Turbo全力介入之後，成部車好似發咗癲咁，軚盤有少少抖動，但只要路面暢通，keep住喺動力最旺盛嘅轉速帶，Escort RS Cosworth係好好揸，好爽，動力好澎湃。

嗰部白色嘅，車身唔算好靚仔，頭唇有少少爛，但懸掛狀態好精神，乘坐感、懸掛反應、支承力都好好，底盤同車體算硬淨紮實（比EVO、WRX尤甚）。我記得試車日係星期六清晨，由維園出發沿東半山一路揸上山頂，Escort RS Cosworth好易揸得快，而且係流暢。入彎出彎嘅推頭情況雖然好明顯，有奧迪（Audi） Quattro Coupe同領先(Lancia)Delta HF Integrale（包括後期EVO版）嗰種老派四驅味。但前輪嘅抓著力仍算係豐富，出彎時預多少少走盞位，大膽啲畀油出彎，佢嘅四驅系統會派多啲動力畀後輪，呢個狀態下嘅Escort RS Cosworth好正。

引擎最大馬力雖然只有227匹，比同期部份對手少幾十匹，而且為咗遷就賽車版，街車版早期配用大Turbo，結果頭段呆、中尾段癲，用今日標準睇，「勁唔user-friendly」，但咁嘅配搭，反而令佢有鮮明性格。 Escort RS Cosworth喺1996年停產，之後無以為繼，原因眾多，當中包括WRC改用World Rally Car賽例，製造商唔需要再生產性能同規格咁強勁嘅街車。另外，福特喺1999年之後亦進入調整期，直至曾任職波音飛機嘅福特前任CEO Alan Mulally及掌管新產品策劃嘅Mark Fields（現任CEO）上場，先至大力發展福特經典車系，例如推出第二代Ford GT，將Mustang GT銷售到更多國家，再次發展福特高性能四驅掀背車，亦即是最新嘅Focus RS。

近望Focus RS，好大部，有啲論盡，實在難以同昔日身型勁fit嘅Escort RS Cosworth相比。不過，你睇吓而家嘅高性能掀背車（有冇四驅都係），例如平治（Mercedes-Benz）A 45 AMG、奧迪（Audi）RS3、本田（Honda）Civic Type R、福士（Volkswagen）Golf R，有邊部唔係五門版（Golf R有三門版）、「肥嘟嘟」同「漲卜卜」。話到底，呢類車打住「玩樂車」牌頭，又有高性能，如果賣得貴兼且得三門，好易畀人唔實用嘅感覺，車廠「買個保險」兼擴闊客路，無可厚非。

Focus RS配一副2.3公升直四Turbo引擎，最大馬力350匹，峰值扭力45kgm/2000rpm-4500rpm。相比同級對手，佢大咗約300c.c.，喺第二代Focus RS，更加係配2.5公升直五Turbo引擎。睇番今代同上代Focus RS，引擎好強調低、中段扭力輸出，要夠闊，昔日源自Volvo嘅直五Turbo機器（福特Premier Automotive Group年代），我始終覺得佢有少少懶，勁度有餘唔夠爽，而家副2.3直四新機器，爽咗好多，但骨子裡，你仍感覺到福特工程師首要想副偈torquey、torquey & torquey，尤其係接近中段至中尾段（同Audi RS3相似）。

純粹站在個人立場，我大概認同福特呢種引擎調校取向，籠統啲講，咁tuning style仍然好有傳統德國味、英國味、北歐味，我嘅角度，唔會話佢舊。對於揸開近10年日本2公升四汽缸Turbo/2.5公升四汽缸Turbo四驅快車嚟講，可能會嫌佢引擎轉數上衝速度唔夠快同狠。事實上，你睇返Focus RS嘅6前速棍波設定，二、三波未至於長氣，但一定有空間可以縮短啲，咁嘅設定或多或少影響咗佢短途加速表現。類似情況亦見於富士出口版Impreza WRX STI都有，撇開啲所謂乜味乜味，咁嘅安排就係想有更高極速，而且要令各個波檔有更闊更平均嘅分布。

Focus RS只有6速棍波，無自動波版，擺明「啱你就埋嚟」，站喺玩樂趣味同襟玩角度，我認同咁嘅安排。可能你嫌我保守，但我喺50萬至80萬級高性能玩樂車嘅波檔配搭上，始終以耐用、容易及相對低廉維修成本為出發點，即使抱住「揸兩年零三年就賣」都係咁話。三個踏板擺位合理清晰，離合器行程可以短少少，尤其係「無效」行程部份。波檔閘嘅「推」「拉」質感幾豐富，尤其接近檔閘末段部份。

今代Focus RS配四驅系統，Normal Mode表現無乜特別，只不過係一部好grip嘅大馬力四驅掀背車。轉到Sport Mode，好玩好多，首先，轉向快咗，你明顯覺得扭「少少軚」，轉向快咗唔少，即使我冇將懸掛設定調到Sport。 turn-in入彎嗰刻，車頭好肯入彎，車頭外側，以至車身整體都唔覺有大幅度外傾，同時feel到車尾有股動力好配合入彎，係唔係去到「大力推」嘅境界呢？今次喺街道試都仲未覺。

喺幾個上/落斜大彎快跑，我刻意遲啲扭軚入彎，之後靠扭多啲軚修正。呢一刻會感到車尾有輕微浮升，但馬步依然好穩陣，而且有股算幾滑溜嘅推力「傍」住車身中後半部過彎。我亦覺得四驅系統喺派畀後軸嘅動力上，同扭軚嘅、畀油嘅幅度幾協調，反應亦都快。我相信大部份人喺咁嘅設定之下，會覺得Focus RS係易揸，而且係喺彎路易揸得快。

以Sport Mode快劈攻彎，好清楚後軸同你配合，呢種反應完全係基於有機械連結，而唔係好似寶馬M2嗰種，車尾動態流麗暢滑得一feel就知係懸掛幾何同輪胎雙劍合壁嘅威力，所以，我好希望你Focus RS同M2係兩種好唔同嘅汽車至於Race Mode及Drift Mode，由於本港代理唔容許傳媒喺道路上使用，恕難評價。

唔少外國及本港揸過Focus RS嘅傳媒同用家都認為，輸港版本呢張Recaro椅，櫈架太高，再加上座墊兩側嘅承托位稍高，進出駕駛座同前排乘客席的確有少少「揩」大髀底，呢一點，無得駁。但係，類似Focus呢類帶有MPV廣體車廂空間佈局嘅歐洲掀背車（包括十多年前嘅EP3本田Civic Type R，該型號建基於歐洲版Civic），普遍都希望駕駛者坐得高啲，睇位清楚啲，因而有hip point偏高情況。另外，車控台偏向肥大，倘若櫈架set得低矮，身形矮細嘅駕駛者可能會覺得視線唔夠清晰，好侷促。到時又可能有人話：「喂！點解個櫈架咁矮㗎！」話分兩頭，呢張Recaro嘅坐墊雖然薄啲，但乘坐感同擁抱力幾好，屁股同膊頭位夠晒闊，好啱我，但瘦仔同fit佬可能會嫌大咗啲。
呢對Recaro座椅都係optional，輸港版本已包埋， Standard嗰張雖然都係Recaro出品（見下圖），但好臃腫，唔有型後座椅背唔可以完全放平，如果得就正到死喇
另外，要話吓Focus RS嘅中控台同軚盤，家庭掀背車味太濃，主要係控制鍵太多，太「busy」，三個獨立儀錶，size太細喇，想點，擺喺度，hea味好勁，如果福特總廠話幾個月後嗰批會刪除咗呢三個錶，相信唔會有幾多車迷覺得可惜。

Focus RS售價接近54萬，第一眼望埋去，會諗：「你畀到啲咩嘢我先？」事關，Golf R六速棍波版只係40零萬，吸引。但試揸過Focus RS之後，我幾like佢副四驅系統，霎時令我諗起三菱昔日Lancer Evolution VI Tommi Makinen Edition（六代半），就係後驅動輪應該做多啲嘢，要主動啲、醒啲，搞活整體彎路表現同增加駕駛趣味。雖然，Focus RS同「六代半」嘅神級境界仍有一定距離，但揸過Focus RS，好難再對德國掀背車樂意採用嘅Haldex式四驅提起興趣，儘管Focus RS嘅波箱二、三、四波唔算好緊密，喺短途加速表現打咗折扣。
輸港版本配備好多option，例如Michelin Pilot Sport Cup 2，標準配備只有Michelin Pilot Super Sport
Ford Focus RS規格售價：$539,000 代理：Future Motors www.hkford.com 車型：五門五座體積：（長）4390mm x （闊）1823mm x （高）1472mm 軸距：2648mm 引擎：2261c.c. 直列4汽缸渦輪增壓直噴，前置引擎口徑 x 衝程：87.6mm x 94.0mm 壓縮比：9.4:1 馬力：350匹/6000rpm 扭力：45kgm/2000rpm-4500rpm (Overboost 48kgm）波箱：6前速手動，四輪驅動懸掛：（前）麥花臣支柱；（後）多連桿 0至100km/h加速：4.7秒極速：266km/h 制動：（前）350mm x 25mm透氣碟；（後）302mm x 11mm實心碟車重：1599kg 行李艙：260公升（五座位），1045公升（雙座位）油缸容積：51公升耗油：13km/L 輪胎：Michelin Pilot Sport Cup 2 235/35 R19 （前、後）