簡簡單單不簡單－Nissan Note Nismo S

文：MenClub John Chan　　圖：MenClub

POSTED ON 27 Jun 2016

從揸辣車、勁車、跑車、改車、落track鬥車，回到揸斯文房車、MPV或小車代步，好多人一聽到咁嘅case，第一時間會問：「喂！係唔係呢排唔順手呀？」

有呢種咁嘅諗法，好正常，亦係電視劇常見嘅老土橋段。事實係，好多曾經熱衷買車、玩車嘅巴打，去到某一個位，突然發現身邊有好多人、事、計劃比汽車重要得多，唔再將咁多錢拎去買新車、整車或花喺唔等使嘅汽車精品上。我唔會稱呢種轉變做「醒覺」，因為佢哋一路所做嘅嘢係冇錯嘅。轉變，係出於想變，或者只不過係，汽車再畀唔到驚喜同激情，甚至係唔想生活咁多「牽掛」，你知啦，有得10部8部車，搵車位、傾租約、驗車、續牌費，仲要輪流著吓揸吓佢哋，真係疲於奔命，就算部部「尖卡」都係咁話（題外話：老婆唔使多，兩個就夠）。

玩車呢回事，總冇可能個個都由年青玩到七老八十，能夠喺某一個時刻有「夠皮」嘅感覺，絕對係福氣……唔再狂熱至上，做返個普通汽車用家，儲多啲錢畀仔女出國留學，又或者兩口子去多啲旅行，環遊世界，更可能係捐畀社會上喺經濟有逼切需要嘅人。總之，車以外嘅世界係好大好大。不過，講就輕鬆，當呢啲要求同理論多多嘅車迷，轉去買部「簡簡單單可靠嘅代步車」嗰陣，其實都有唔少「奄尖位」，例如： 1.有個Turbo好啲喎！ 2.都係想揸返棍仔（手動轉波）車 3.啲懸掛可唔可以硬淨啲？ 4.外形唔好太「薯仔」喎！ 5.有冇啲有原裝aero kit架？ 6.司機位張櫈可以包得實少少嘅！ 7.咁又唔使一定Recaro嘅

數吓數吓，分分鍾愈買愈辣，本來買Camry Hybrid，變咗買Audi S4 最近有位MenClub巴打PM我哋，佢買咗部日產（Nissan）Note Nismo S，簡單了解吓佢以前玩過咩車，原來都相當多，唔少都係玩樂指數極高，又或者辣到噴火。呢幾年，佢揀車嘅方向都係簡簡單單就算，例如福士Polo GTI……咦！Polo GTI好鬼好玩，唔係簡單嘢嚟過喎！ OKOK！佢話睇中Nismo呢部JDM，主要都係想有支「棍仔」過吓手癮，揸吓棍波車。啱晒Channel啦，WE LOVE MT ALSO！

而家想買部新年份或全新棍波車仔，好難，車主話鍾意Note Nismo S後座夠闊落，可以做到家庭車，泊位輕輕鬆鬆，而且行李空間都唔錯咁。哈哈！大家都係男人，好多嘢唔使講到出口，呢位哥哥揀得Note Nismo S，多多少少對Nismo肯定係有啲好感嘅。Note Nismo S喺2014年10月推出，加齊option要接近283萬日圓，用執筆時（24/6）嘅匯價計算，車價接近22萬港元。22萬買部Note，實畀人話你黐線。

不過，Nismo插手，一定交足功課，保證你「gur」，喺部車外圍行個圈望望，套原裝包圍同裙腳真係好靚仔，白色車身、紅色裙腳同門邊鏡罩，醒目搶眼，車身骨線「彈」晒出嚟，籠統啲講：「好大陣東京改裝車展味呀！」

未著車，望吓內籠，Recaro櫈、波棍台，中控台都有唔少火紅鋁金屬飾件，望埋個Nismo波棍頭，唉！個心軟晒，肯肯定中咗日本改裝complete car嘅毒啦。唔知係我已經「毒氣攻心」，抑或Nissan同Nismo喺Note Nismo S嘅造工特別認真，車廂門板接口位、座椅、地氈都特別企理，對位又零舍整齊。

Note Nismo S配一副HR16DE型嘅1.6公升（1597c.c.）直四自然吸氣引擎，最大馬力140匹/6400rpm，峰值扭力16.6kgm/4800rpm，五前速手動波箱，前輪驅動。好耐冇揸過日本1.6公升嘅棍波車仔，對上一次已經喺2012年任職《壹週刊》時所試揸嘅Suzuki Swift Sport。呢副引擎始終顧及到小車嘅日用性，亦因屬於長衝程設計，比較著重低、中轉表現，數字上，佢嘅峰值扭力只有16.6kgm（1.6公升自然吸氣引擎算唔錯），但兩個人，3波由芙蓉山上荃錦公路光板田村，好輕鬆，未到朗逸峰嘅一段長命斜，畀油、縮油，再畀油，唔使拖波，有足夠低扭。

對部份人嚟講，佢嘅2波可能長氣咗少少，但我覺得佢2、3波嘅齒比設定同引擎仲算幾匹配。另外，值得留意呢款引擎喺4500rpm至6500rpm呢一段，運轉得好穩定，力量發放嘅質感意想唔到咁紮實。睇返廠嘅資料，原來Nismo改動過活塞及凸輪軸，而風格同進氣歧管亦都採用來自Nismo嘅零件。

整體嚟講，呢款HR16DE好爽，轉數算上得快，中尾段嘅爆發力同力嘅質感都有驚喜，純為引擎舉分牌，可以畀到90分。車主話：「如果有Turbo就好喇！」嘩！呢位師兄，你好貪心喎！

Note Nismo S喺車底排氣喉拱槽嘅前、後兩部份加裝咗補強金屬片、前後懸掛亦都添加補強桿，車廂地台下方亦加裝咗V型金屬桿，所以，喺荃錦公路一啲落差大嘅S彎，你明顯feel得到底盤硬淨結實咗好多，即使刻意喺啲凹位「鋤落去」，底盤受壓都冇雜聲，但又畀到日本小車嘅輕巧動態（車重1080kg），first impression已相當討好。

Note Nismo S採用電力輔助轉向系統，而轉向系統嘅設定數值亦係由Nismo重新整調，成堂軚嘅軚感比一般Note豐富得多，應該話豐富好多好多先啱。如果要講Note Nismo S整體嘅駕駛感，佢嘅主調都係輕鬆易揸，下盤經過強化，入彎嘅進取程度，可以同傳統五門掀背車（例如上一代Mazda 2、Swift Sport或Vitz RS）睇齊，我幾欣賞佢堂電軚同石橋Potenza S007結合而來嘅路感同軚感，feel多咗條路發生緊咩事，講真，有六、七成似揸番九十年代嘅歐、日棍波車仔。

無端端試駕Note Nismo S，好明顯唔係廣告，更加唔係幫Nismo貼金，我亦都唔介意你話：「我Chiu！Nismo改GT-R先掂㗎傻佬，其他嗰啲一律冇料到」，只係想講，有時好揸好玩而且結構簡單嘅車，好多車廠其實都識造，只係睇佢哋行唔行出呢一步。

Nissan Note Nismo S規格售價：283萬日圓車型：五門五座體積：（長）4190mm x （闊）1695mm x （高）1515mm 軸距：2600mm 引擎：1597c.c. 直4汽缸，前置引擎壓縮比：11.2:1 馬力：140匹/6400rpm 扭力：16.6kgm/4800rpm 波箱：5前速手動，前輪驅動懸掛：（前）麥花臣支柱；（後）扭力桿制動：（前）透氣碟；（後）實心碟油缸：41公升車重：1080kg 輪胎：Bridgestone Potenza S007 205/45 R17 84W（前、後）

MERCEDES-BENZ E500 AMG

LAND ROVER DISCOVERY SPORT SE

download menclub auto

從揸辣車、勁車、跑車、改車、落track鬥車，回到揸斯文房車、MPV或小車代步，好多人一聽到咁嘅case，第一時間會問：「喂！係唔係呢排唔順手呀？」

有呢種咁嘅諗法，好正常，亦係電視劇常見嘅老土橋段。事實係，好多曾經熱衷買車、玩車嘅巴打，去到某一個位，突然發現身邊有好多人、事、計劃比汽車重要得多，唔再將咁多錢拎去買新車、整車或花喺唔等使嘅汽車精品上。我唔會稱呢種轉變做「醒覺」，因為佢哋一路所做嘅嘢係冇錯嘅。轉變，係出於想變，或者只不過係，汽車再畀唔到驚喜同激情，甚至係唔想生活咁多「牽掛」，你知啦，有得10部8部車，搵車位、傾租約、驗車、續牌費，仲要輪流著吓揸吓佢哋，真係疲於奔命，就算部部「尖卡」都係咁話（題外話：老婆唔使多，兩個就夠）。

玩車呢回事，總冇可能個個都由年青玩到七老八十，能夠喺某一個時刻有「夠皮」嘅感覺，絕對係福氣……唔再狂熱至上，做返個普通汽車用家，儲多啲錢畀仔女出國留學，又或者兩口子去多啲旅行，環遊世界，更可能係捐畀社會上喺經濟有逼切需要嘅人。總之，車以外嘅世界係好大好大。不過，講就輕鬆，當呢啲要求同理論多多嘅車迷，轉去買部「簡簡單單可靠嘅代步車」嗰陣，其實都有唔少「奄尖位」，例如： 1.有個Turbo好啲喎！ 2.都係想揸返棍仔（手動轉波）車 3.啲懸掛可唔可以硬淨啲？ 4.外形唔好太「薯仔」喎！ 5.有冇啲有原裝aero kit架？ 6.司機位張櫈可以包得實少少嘅！ 7.咁又唔使一定Recaro嘅

數吓數吓，分分鍾愈買愈辣，本來買Camry Hybrid，變咗買Audi S4 最近有位MenClub巴打PM我哋，佢買咗部日產（Nissan）Note Nismo S，簡單了解吓佢以前玩過咩車，原來都相當多，唔少都係玩樂指數極高，又或者辣到噴火。呢幾年，佢揀車嘅方向都係簡簡單單就算，例如福士Polo GTI……咦！Polo GTI好鬼好玩，唔係簡單嘢嚟過喎！ OKOK！佢話睇中Nismo呢部JDM，主要都係想有支「棍仔」過吓手癮，揸吓棍波車。啱晒Channel啦，WE LOVE MT ALSO！

而家想買部新年份或全新棍波車仔，好難，車主話鍾意Note Nismo S後座夠闊落，可以做到家庭車，泊位輕輕鬆鬆，而且行李空間都唔錯咁。哈哈！大家都係男人，好多嘢唔使講到出口，呢位哥哥揀得Note Nismo S，多多少少對Nismo肯定係有啲好感嘅。Note Nismo S喺2014年10月推出，加齊option要接近283萬日圓，用執筆時（24/6）嘅匯價計算，車價接近22萬港元。22萬買部Note，實畀人話你黐線。

不過，Nismo插手，一定交足功課，保證你「gur」，喺部車外圍行個圈望望，套原裝包圍同裙腳真係好靚仔，白色車身、紅色裙腳同門邊鏡罩，醒目搶眼，車身骨線「彈」晒出嚟，籠統啲講：「好大陣東京改裝車展味呀！」

未著車，望吓內籠，Recaro櫈、波棍台，中控台都有唔少火紅鋁金屬飾件，望埋個Nismo波棍頭，唉！個心軟晒，肯肯定中咗日本改裝complete car嘅毒啦。唔知係我已經「毒氣攻心」，抑或Nissan同Nismo喺Note Nismo S嘅造工特別認真，車廂門板接口位、座椅、地氈都特別企理，對位又零舍整齊。

Note Nismo S配一副HR16DE型嘅1.6公升（1597c.c.）直四自然吸氣引擎，最大馬力140匹/6400rpm，峰值扭力16.6kgm/4800rpm，五前速手動波箱，前輪驅動。好耐冇揸過日本1.6公升嘅棍波車仔，對上一次已經喺2012年任職《壹週刊》時所試揸嘅Suzuki Swift Sport。呢副引擎始終顧及到小車嘅日用性，亦因屬於長衝程設計，比較著重低、中轉表現，數字上，佢嘅峰值扭力只有16.6kgm（1.6公升自然吸氣引擎算唔錯），但兩個人，3波由芙蓉山上荃錦公路光板田村，好輕鬆，未到朗逸峰嘅一段長命斜，畀油、縮油，再畀油，唔使拖波，有足夠低扭。

對部份人嚟講，佢嘅2波可能長氣咗少少，但我覺得佢2、3波嘅齒比設定同引擎仲算幾匹配。另外，值得留意呢款引擎喺4500rpm至6500rpm呢一段，運轉得好穩定，力量發放嘅質感意想唔到咁紮實。睇返廠嘅資料，原來Nismo改動過活塞及凸輪軸，而風格同進氣歧管亦都採用來自Nismo嘅零件。

整體嚟講，呢款HR16DE好爽，轉數算上得快，中尾段嘅爆發力同力嘅質感都有驚喜，純為引擎舉分牌，可以畀到90分。車主話：「如果有Turbo就好喇！」嘩！呢位師兄，你好貪心喎！

Note Nismo S喺車底排氣喉拱槽嘅前、後兩部份加裝咗補強金屬片、前後懸掛亦都添加補強桿，車廂地台下方亦加裝咗V型金屬桿，所以，喺荃錦公路一啲落差大嘅S彎，你明顯feel得到底盤硬淨結實咗好多，即使刻意喺啲凹位「鋤落去」，底盤受壓都冇雜聲，但又畀到日本小車嘅輕巧動態（車重1080kg），first impression已相當討好。

Note Nismo S採用電力輔助轉向系統，而轉向系統嘅設定數值亦係由Nismo重新整調，成堂軚嘅軚感比一般Note豐富得多，應該話豐富好多好多先啱。如果要講Note Nismo S整體嘅駕駛感，佢嘅主調都係輕鬆易揸，下盤經過強化，入彎嘅進取程度，可以同傳統五門掀背車（例如上一代Mazda 2、Swift Sport或Vitz RS）睇齊，我幾欣賞佢堂電軚同石橋Potenza S007結合而來嘅路感同軚感，feel多咗條路發生緊咩事，講真，有六、七成似揸番九十年代嘅歐、日棍波車仔。

無端端試駕Note Nismo S，好明顯唔係廣告，更加唔係幫Nismo貼金，我亦都唔介意你話：「我Chiu！Nismo改GT-R先掂㗎傻佬，其他嗰啲一律冇料到」，只係想講，有時好揸好玩而且結構簡單嘅車，好多車廠其實都識造，只係睇佢哋行唔行出呢一步。

Nissan Note Nismo S規格售價：283萬日圓車型：五門五座體積：（長）4190mm x （闊）1695mm x （高）1515mm 軸距：2600mm 引擎：1597c.c. 直4汽缸，前置引擎壓縮比：11.2:1 馬力：140匹/6400rpm 扭力：16.6kgm/4800rpm 波箱：5前速手動，前輪驅動懸掛：（前）麥花臣支柱；（後）扭力桿制動：（前）透氣碟；（後）實心碟油缸：41公升車重：1080kg 輪胎：Bridgestone Potenza S007 205/45 R17 84W（前、後）