人生遇到幾多次E仔筍盤－Mercedes-Benz E 200 Sport

文：MenClub John Chan　　圖：MenClub

POSTED ON 08 Jun 2016

我喺MenClub工作咗就快兩年，多得好多讀者幫忙，借車，報料，關心，畀意見，令我哋得著好大，真係要衷心多謝大家。最近有讀者華dee醒我哋，話平治（Mercedes-Benz）E-Class facelift版嘅E 200 Sport個package幾吸引，賣緊$469,000起。睇過……啲設備都算幾齊

其實呢款facelift所講嘅係幾時嘅facelift，因為上網睇，代號W213嘅E-Class喺歐洲發表咗唔係好耐，邊部打邊部呀？喂！原來呢部E 200 Sport所指嘅facelift係指2013年嘅6月嘅facelift。W212型E-Class喺2009年3月喺瑞士日內瓦車展發表，話咁快已經7年。據知，代號W213型全新E-Class最快可於六月底率先喺部份亞洲區巿場發售。換句話，呢部47賣有找嘅E-Class四門房車，算係W212型嘅「壓軸版」、「告別版」，仲有啲咩版，請盡量發揮你嘅網絡文采。

好多人介意買「款尾車」，望望今次試揸嘅E 200 Sport，個樣好舊咩？真係好舊？唔覺啫。其實，舊與唔舊，都係睇你自己，講到「款尾」，大多數消費者都想喺呢個timing攞到著數，最起碼，車價要吸引。目前，E 200 Sport售價由$469,000起，47萬買到E-Class，係唔係好超值？唔算，但的確吸引。

E 200配2公升直四Turbo引擎及7G-Tronic自動波箱，最大馬力184匹/5500rpm，峰值扭力30.6kgm/1200-4000rpm，0至100km/h加速7.9秒。睇數字睇配搭，唔算突出，如果你覺得最大輸出211匹嘅E 250都係「margin啱啱好」，甚至係underpowered的話，咁就唔嘥你時間，勸你唔好再睇落去。

47萬有找車價，唔想加option的話，有啲咩係隨車附帶先？ 18吋AMG雙柱五幅式輪圈、AMG Sports Package、加減波撥片、真皮座椅、泊車感應、KEYLESS GO系統……數數吓，好似唔算好特別，呢啲項目，Benz好應份要有。

Option方面，泊車感應系統唔包後波泊車鏡頭，想有，請剔呢項option（$5500）、天幕活動天窗亦要加錢（$8300）、防盜系統（$5800）、兒童座椅感應器（$650），總之呢，有啲option你一定會加。若然，你堅決企硬，唔會大加option，其實都唔係冇著數，因為AMG軨喺唔少人心目中都覺得係「勁有So」，另外套AMG包圍套裝（裙腳、頭唇）都幾好睇，而且懸掛low低咗，又係Sport setting，諗得過。

實際試車，E 200喺Economy模式真係偏柔，再加上配咗265/35 R18後胎同245/40 R18頭胎，喺慢車蠕動及早段加速兩方面，消化咗唔少動力。恕我多事，頭尾胎都太闊喇！雖然套18吋AMG好夾部車同套AMG包圍，望落係幾sporty嘅。試車當日有雨，轉去Sport模式，由85km/h上100km/h的加速阻力比想像中的大，講真，E 200有184匹馬力，低中轉區域又有30.6kgm扭力，而部車只重1655kg，加速反應理應優於目前水平。算啦！唉！大家咁鍾意AMG軨，而家又包埋，我唔再厚多士做醜人喇，大家enjoy啦。

講返引擎，我覺得呢個自2013年6月facelift至今嘅「後W212型」E-Class，引擎運轉滑溜程度，以及引擎艙與駕駛艙之間嘅隔音水平都好咗唔少，我仲好記得2009年喺西班牙W212型E-Class國際傳媒試車活動上，試揸過當時最新嘅E 250，引擎唔夠靜，震盪亦較大。配咗闊胎，起步冇咁爽，但呢套Sport懸掛嘅寬容度幾高，喺新娘潭、汀角路一帶起伏較多嘅路段，算幾舒服，喺山路揸快啲呢，算係Sport嘅，但唔好因為「Sport」呢個字而期望過高。

搞咁多嘢揸部車出嚟，講到有幾抵幾抵，有冇邊方面可以數吓不足之處先？有！座椅算舒服，但造型太過「老正踏實」，幾乎「乖」過W124年代嘅尾期E-Class座椅，論視覺效果，跑味近乎零。畀在我自己，我會收聲，咁奄尖聲悶多要求做乜。

2016年就快過咗一半，巿道唔好、裁員、消費力轉弱，年尾會唔會通縮都未知，唔少預測都話：「最大鑊嘅情形仲未出現」。不過，對於唔少知慳識儉，用開德國細c.c.中型行政房車嘅實力派用家，車舊咗始終要換，與其耐不耐「進貢」車房又煩排期驗車，點解唔趁款尾車有得平，食住個浪把握機會，反正個天跌落嚟都唔關你事啦！
Mercedes-Benz E 200 Sport規格售價：$469,900起代理：Zung Fu www.zungfu.com 車型：四門五座體積：（長）4879mm x （闊）1854mm x （高）1474mm 軸距：2874mm 引擎：1991c.c. 直4汽缸渦輪增壓，前置引擎馬力：184匹/5500rpm 扭力：30.6kgm/1200-4000rpm 波箱：7前速自動，後輪驅動懸掛：（前）多連桿；（後）多連桿制動：（前）透氣碟；（後）透氣碟 0至100km/h加速：7.9秒極速：230km/h 車重：1655kg 耗油：7.5L-7.7L/100km（巿區行車測計模式）輪胎：Continental ContiSportContact 3 245/40 R18 97Y（前）265/30 R18 97Y（後）

MERCEDES-BENZ E500 AMG

LAND ROVER DISCOVERY SPORT SE

download menclub auto

我喺MenClub工作咗就快兩年，多得好多讀者幫忙，借車，報料，關心，畀意見，令我哋得著好大，真係要衷心多謝大家。最近有讀者華dee醒我哋，話平治（Mercedes-Benz）E-Class facelift版嘅E 200 Sport個package幾吸引，賣緊$469,000起。睇過……啲設備都算幾齊

其實呢款facelift所講嘅係幾時嘅facelift，因為上網睇，代號W213嘅E-Class喺歐洲發表咗唔係好耐，邊部打邊部呀？喂！原來呢部E 200 Sport所指嘅facelift係指2013年嘅6月嘅facelift。W212型E-Class喺2009年3月喺瑞士日內瓦車展發表，話咁快已經7年。據知，代號W213型全新E-Class最快可於六月底率先喺部份亞洲區巿場發售。換句話，呢部47賣有找嘅E-Class四門房車，算係W212型嘅「壓軸版」、「告別版」，仲有啲咩版，請盡量發揮你嘅網絡文采。

好多人介意買「款尾車」，望望今次試揸嘅E 200 Sport，個樣好舊咩？真係好舊？唔覺啫。其實，舊與唔舊，都係睇你自己，講到「款尾」，大多數消費者都想喺呢個timing攞到著數，最起碼，車價要吸引。目前，E 200 Sport售價由$469,000起，47萬買到E-Class，係唔係好超值？唔算，但的確吸引。

E 200配2公升直四Turbo引擎及7G-Tronic自動波箱，最大馬力184匹/5500rpm，峰值扭力30.6kgm/1200-4000rpm，0至100km/h加速7.9秒。睇數字睇配搭，唔算突出，如果你覺得最大輸出211匹嘅E 250都係「margin啱啱好」，甚至係underpowered的話，咁就唔嘥你時間，勸你唔好再睇落去。

47萬有找車價，唔想加option的話，有啲咩係隨車附帶先？ 18吋AMG雙柱五幅式輪圈、AMG Sports Package、加減波撥片、真皮座椅、泊車感應、KEYLESS GO系統……數數吓，好似唔算好特別，呢啲項目，Benz好應份要有。

Option方面，泊車感應系統唔包後波泊車鏡頭，想有，請剔呢項option（$5500）、天幕活動天窗亦要加錢（$8300）、防盜系統（$5800）、兒童座椅感應器（$650），總之呢，有啲option你一定會加。若然，你堅決企硬，唔會大加option，其實都唔係冇著數，因為AMG軨喺唔少人心目中都覺得係「勁有So」，另外套AMG包圍套裝（裙腳、頭唇）都幾好睇，而且懸掛low低咗，又係Sport setting，諗得過。

實際試車，E 200喺Economy模式真係偏柔，再加上配咗265/35 R18後胎同245/40 R18頭胎，喺慢車蠕動及早段加速兩方面，消化咗唔少動力。恕我多事，頭尾胎都太闊喇！雖然套18吋AMG好夾部車同套AMG包圍，望落係幾sporty嘅。試車當日有雨，轉去Sport模式，由85km/h上100km/h的加速阻力比想像中的大，講真，E 200有184匹馬力，低中轉區域又有30.6kgm扭力，而部車只重1655kg，加速反應理應優於目前水平。算啦！唉！大家咁鍾意AMG軨，而家又包埋，我唔再厚多士做醜人喇，大家enjoy啦。

講返引擎，我覺得呢個自2013年6月facelift至今嘅「後W212型」E-Class，引擎運轉滑溜程度，以及引擎艙與駕駛艙之間嘅隔音水平都好咗唔少，我仲好記得2009年喺西班牙W212型E-Class國際傳媒試車活動上，試揸過當時最新嘅E 250，引擎唔夠靜，震盪亦較大。配咗闊胎，起步冇咁爽，但呢套Sport懸掛嘅寬容度幾高，喺新娘潭、汀角路一帶起伏較多嘅路段，算幾舒服，喺山路揸快啲呢，算係Sport嘅，但唔好因為「Sport」呢個字而期望過高。

搞咁多嘢揸部車出嚟，講到有幾抵幾抵，有冇邊方面可以數吓不足之處先？有！座椅算舒服，但造型太過「老正踏實」，幾乎「乖」過W124年代嘅尾期E-Class座椅，論視覺效果，跑味近乎零。畀在我自己，我會收聲，咁奄尖聲悶多要求做乜。

2016年就快過咗一半，巿道唔好、裁員、消費力轉弱，年尾會唔會通縮都未知，唔少預測都話：「最大鑊嘅情形仲未出現」。不過，對於唔少知慳識儉，用開德國細c.c.中型行政房車嘅實力派用家，車舊咗始終要換，與其耐不耐「進貢」車房又煩排期驗車，點解唔趁款尾車有得平，食住個浪把握機會，反正個天跌落嚟都唔關你事啦！
Mercedes-Benz E 200 Sport規格售價：$469,900起代理：Zung Fu www.zungfu.com 車型：四門五座體積：（長）4879mm x （闊）1854mm x （高）1474mm 軸距：2874mm 引擎：1991c.c. 直4汽缸渦輪增壓，前置引擎馬力：184匹/5500rpm 扭力：30.6kgm/1200-4000rpm 波箱：7前速自動，後輪驅動懸掛：（前）多連桿；（後）多連桿制動：（前）透氣碟；（後）透氣碟 0至100km/h加速：7.9秒極速：230km/h 車重：1655kg 耗油：7.5L-7.7L/100km（巿區行車測計模式）輪胎：Continental ContiSportContact 3 245/40 R18 97Y（前）265/30 R18 97Y（後）