邁向90－HONDA NSX(NA1)

文：MenClub John Chan　　

POSTED ON 18 Sep 2015

Photos & Video：Heat Production 本田喺年頭發表全新NSX，香港代理喺五月話會引入行貨，但唔會係今年內嘅事，但快要等到2016。新NSX雖然keep住V6引擎格局，但已改配Twin Turbo，又有Hyrbid功能，兼且有Dual Clutch自動波箱，睇個specs，仲以為歐洲頂級超跑，好多車迷喺汽車科技潮流上跟得好貼，咁嘅配搭當然得到佢哋歡心。但係新NSX將唔再喺日本高根沢工場製造，而係轉咗去美國生產，再冇Made in Japan嘅NSX。 So sad！連「日本製造」呢個金漆招牌都保唔住，真係有少少感慨，亦都唔係主流NSX fans所樂意見到嘅畫面。

呢一刻未認同新NSX嘅「配方」，無所謂，有feel嘅，可以搵部舊嘅玩吓。目前，本田仍然穩定供應由1990年至2005年NSX嘅零件，雖然部份零件因為供應商停產某類物料（基於環保或安全原因）而無得保留原有設計，例如具彈性嘅軟膠擾流小副翼或頭唇，但廠方仍有生產「替代品」，咁細緻嘅安排，算係咁。所以，你即管可以當你自己仍然活喺日本跑車最輝煌嘅九零年代初，繼續玩你嘅舊「N仔」。
[Youtube]https://youtu.be/yIwI95vhT44[/Youtube]

「N仔」，好多人想擁有，但要喺本地搵部靚嘅，唔易，應該話幾難。畢竟，當年來港嘅行貨NSX，以自動波居多，自動波N仔嘅客路相對地廣，未必對本田跑車或NSX有濃厚感情與使命感，所謂使命感，就係要將部車keep到最佳狀態。所以，有人索性唔再喺香港浪費時間，直接去日本或當地網上汽車拍賣場搵盤。

睇番近一年成交價走勢，目前喺日本買部高質素低咪同有詳細紀錄嘅前期型NSX，一般約為40多萬，番到香港打稅出牌之後，埋單計數約55萬。

55萬其實唔算大數目。不過，好多畀得起呢個價嘅車迷都認為：「我大可加多些少，玩同期嘅保時捷911（如964棍波或993棍波）？」佢哋有部份人亦覺得：「NSX呢啲日本車邊度值咁貴啊？頂盡三十零萬！」最麻煩係，呢類要近50萬嘅「舊車」冇得上會分期付款，都令不少有心人緣慳一面。唔怪得同期日本跑車/高性能汽車，仍然以日產R32 Skyline GT-R嘅曝光率最高。

NSX喺1989年4月於美國芝加哥車展發表，翌年9月14日發售，一直賣到2005年尾12月底。嚴格嚟講，NSX只有兩代，第一代由1990年至2005年，而第二代就喺今年初發表。第一代又細分為NA1（1990-1997年）及NA2（1997-2005年），有啲車迷索性將NA1及NA2，各以「前期」及「後期」分類。

另外，NA2又可再拆細分類為NA2 早期型（1997-2001年）及NA2後期型（2001-2005年）。NSX有高性能版，分別為1992年11月發表，生產至1995年嘅NSX Type R及2002年5月發表嘅NSX-R（留意：NSX-R無沿用NSX Type-R一名）。

今次呢部90年NSX嘅車主阿一，對前期型嘅NSX情有獨鍾。佢話因為前期型NSX可以唔要風油軚（泛指1990年至1992年，日本廠方喺1993年升級部份配搭，例如增設乘客安全氣袋，動力輔助轉向/風油軚列為5前速棍波版標準配搭，全新設計嘅防盜系統等），軚感自然直接得多。另外，車身採用鋁合金製造，喺當時國際車壇，只有德國奧迪及本田具備呢種技術，真正劃時代，好巴閉。

從實際方面諗，91年之前出廠嘅NSX，運到番香港，喺每年驗車都冇咁煩。因為按照目前法例，91年之前生產嘅汽車，所面對嘅廢氣測試標準相對地低，較易「過關」。不過，喺阿一嘅case，佢好明顯唔係貪驗車方便啲，而真係想搵部冇風油軚嘅。

阿一呢部NSX咁多年嚟只係行咗七千幾公里，有齊日本廠方嘅維修紀錄。聽落阿一真係執到筍盤，其實，NSX推出初期日本泡沫經濟仲未爆煲，好多實力派車迷，又或者係「炒家」，揸一部，儲一部，甚至兩三部。呢啲車，經過四份一世紀逐步出現喺高級易手車巿場。要買，唔係太難。
MenClub嘅編輯坐入去feel吓，中控台新淨到難以置信，冷氣好夠凍，送風寧靜，張櫈嘅軟墊仍然挺中帶軟，難怪阿一話：「當佢係本田Legend Coupe咁用！」仲有，打開引擎艙，乾淨到好似新車，油液壼亦有定期更換，冇漏冇滲。
NSX雖然係雙座位跑車，但一啲都唔侷促。阿一今次唔得閒，搵兩個肥仔老友記揸部車出嚟，見佢哋上落車好輕鬆。掀起個車尾行李廂，大到可以當房車咁用，咁請問車頭有冇得擺嘢呢？有，放士啤軚同電池囉。
原裝維修套裝，25年來原封不動。
前期NSX配一副編號C30A嘅3公升V6 VTEC引擎，最大馬力280匹/7300rpm，峰值扭力30.0kgm/5400rpm。雖然話係6汽缸引擎，但九十年代初嘅日本V6自然吸氣引擎，低轉扭力仍然唔算突出，再加上C30A屬短衝程設計（78mm），引擎調校亦偏向注重中高轉表現，因此喺三波車狀態，遇上且放且留嘅車龍或情況尷尬嘅斜路，你以為佢夠內勁「淆」番起，乘機懶得拖波，偏偏佢又勉勉強強，少少呆滯，儘管未至於「打冷震」，但你已恨不得快啲「啪低一粒」，轉低一個波，扯上高轉。好在，C30A運轉好滑溜，瞬間回到精力最旺盛嘅段落。無論喺駕駛艙或者做路人甲乙丙，都會認同C30A嘅聲好吸引，甚至有少少挑釁味道。
（上圖、下圖）夾角90度V6自然吸氣引擎剖視圖
駕駛感方面，堂軚喺慢車真係重咗啲，但一有少少速度已好輕鬆，clutch踏板重量好合理，波檔閘行程係短啲，但好準確易入，四波上五波要向右上角推入啲。 NSX嘅座位離地距好低，揸住佢，就好似直接坐喺馬路。

用今日標準睇前期NSX嘅操控反應，佢嘅懸掛始終柔啲、軟啲。日常揸會好舒服易控，但要喺啲類似新娘潭，或鹿頸嘅中彎窄彎揸快啲，就要集中精神，主動用駕駛方式配合。
前雙搖臂剖視圖後雙搖臂剖視圖
因為入彎初段係會有少少轉向不足，扭軚幅度唔需要太多，亦唔好咁輕易喺彎放晒油門，出彎亦唔好太早起油，揸吓揸吓，就覺得NSX愈嚟愈好玩，有啲車主索性upgrade轉玩NSX-R。

阿一話，其實有部簡簡單單嘅NSX已好滿足，前期型、紅色、棍波，冇風油軚、低咪、原裝車。嘩！你真係講得簡單。

Honda NSX（NA1）規格車型：雙門兩座體積：（長）4430mm x （闊）1810mm x （高）1170mm 軸距：2530mm 跨距：（前）1510mm（後）1530mm 車底離地距：135mm 引擎：2977c.c. C30A型V型6汽缸雙頂凸輪軸24活瓣，橫臥，中置引擎口徑 x 衝程：90.0mm x 78.0mm 壓縮比：10.2:1 燃油供應：電子燃油噴注（PGM-FI）潤滑油容量：6.3公升馬力：280匹/7300rpm 扭力：30.0kgm/5400rpm 波箱：5前速手動，後輪驅動波箱傳動比：1波：3.071；2波：1.952；3波：1.400；4波：1.033；5波：0.771；後波：3.186；最終傳動比：4.062 懸掛：（前）雙搖臂；（後）雙搖臂制動：（前）透氣碟；（後）透氣碟車重：1350kg（5前速手波）；1390kg（4前速自動波，動力輔助轉向/風油軚）耗油：8.3km/L（10 Mode－日本運輸省1991年審查值）；16km/L（60km/h定速測試）最少迴轉半徑：5.8米 50km/h制動至停止：13米油缸容量：70公升輪胎：（前）205/50 ZR15 （後）225/50 ZR 16

MERCEDES-BENZ E500 AMG

LAND ROVER DISCOVERY SPORT SE

download menclub auto

Photos & Video：Heat Production 本田喺年頭發表全新NSX，香港代理喺五月話會引入行貨，但唔會係今年內嘅事，但快要等到2016。新NSX雖然keep住V6引擎格局，但已改配Twin Turbo，又有Hyrbid功能，兼且有Dual Clutch自動波箱，睇個specs，仲以為歐洲頂級超跑，好多車迷喺汽車科技潮流上跟得好貼，咁嘅配搭當然得到佢哋歡心。但係新NSX將唔再喺日本高根沢工場製造，而係轉咗去美國生產，再冇Made in Japan嘅NSX。 So sad！連「日本製造」呢個金漆招牌都保唔住，真係有少少感慨，亦都唔係主流NSX fans所樂意見到嘅畫面。

呢一刻未認同新NSX嘅「配方」，無所謂，有feel嘅，可以搵部舊嘅玩吓。目前，本田仍然穩定供應由1990年至2005年NSX嘅零件，雖然部份零件因為供應商停產某類物料（基於環保或安全原因）而無得保留原有設計，例如具彈性嘅軟膠擾流小副翼或頭唇，但廠方仍有生產「替代品」，咁細緻嘅安排，算係咁。所以，你即管可以當你自己仍然活喺日本跑車最輝煌嘅九零年代初，繼續玩你嘅舊「N仔」。
[Youtube]https://youtu.be/yIwI95vhT44[/Youtube]

「N仔」，好多人想擁有，但要喺本地搵部靚嘅，唔易，應該話幾難。畢竟，當年來港嘅行貨NSX，以自動波居多，自動波N仔嘅客路相對地廣，未必對本田跑車或NSX有濃厚感情與使命感，所謂使命感，就係要將部車keep到最佳狀態。所以，有人索性唔再喺香港浪費時間，直接去日本或當地網上汽車拍賣場搵盤。

睇番近一年成交價走勢，目前喺日本買部高質素低咪同有詳細紀錄嘅前期型NSX，一般約為40多萬，番到香港打稅出牌之後，埋單計數約55萬。

55萬其實唔算大數目。不過，好多畀得起呢個價嘅車迷都認為：「我大可加多些少，玩同期嘅保時捷911（如964棍波或993棍波）？」佢哋有部份人亦覺得：「NSX呢啲日本車邊度值咁貴啊？頂盡三十零萬！」最麻煩係，呢類要近50萬嘅「舊車」冇得上會分期付款，都令不少有心人緣慳一面。唔怪得同期日本跑車/高性能汽車，仍然以日產R32 Skyline GT-R嘅曝光率最高。

NSX喺1989年4月於美國芝加哥車展發表，翌年9月14日發售，一直賣到2005年尾12月底。嚴格嚟講，NSX只有兩代，第一代由1990年至2005年，而第二代就喺今年初發表。第一代又細分為NA1（1990-1997年）及NA2（1997-2005年），有啲車迷索性將NA1及NA2，各以「前期」及「後期」分類。

另外，NA2又可再拆細分類為NA2 早期型（1997-2001年）及NA2後期型（2001-2005年）。NSX有高性能版，分別為1992年11月發表，生產至1995年嘅NSX Type R及2002年5月發表嘅NSX-R（留意：NSX-R無沿用NSX Type-R一名）。

今次呢部90年NSX嘅車主阿一，對前期型嘅NSX情有獨鍾。佢話因為前期型NSX可以唔要風油軚（泛指1990年至1992年，日本廠方喺1993年升級部份配搭，例如增設乘客安全氣袋，動力輔助轉向/風油軚列為5前速棍波版標準配搭，全新設計嘅防盜系統等），軚感自然直接得多。另外，車身採用鋁合金製造，喺當時國際車壇，只有德國奧迪及本田具備呢種技術，真正劃時代，好巴閉。

從實際方面諗，91年之前出廠嘅NSX，運到番香港，喺每年驗車都冇咁煩。因為按照目前法例，91年之前生產嘅汽車，所面對嘅廢氣測試標準相對地低，較易「過關」。不過，喺阿一嘅case，佢好明顯唔係貪驗車方便啲，而真係想搵部冇風油軚嘅。

阿一呢部NSX咁多年嚟只係行咗七千幾公里，有齊日本廠方嘅維修紀錄。聽落阿一真係執到筍盤，其實，NSX推出初期日本泡沫經濟仲未爆煲，好多實力派車迷，又或者係「炒家」，揸一部，儲一部，甚至兩三部。呢啲車，經過四份一世紀逐步出現喺高級易手車巿場。要買，唔係太難。
MenClub嘅編輯坐入去feel吓，中控台新淨到難以置信，冷氣好夠凍，送風寧靜，張櫈嘅軟墊仍然挺中帶軟，難怪阿一話：「當佢係本田Legend Coupe咁用！」仲有，打開引擎艙，乾淨到好似新車，油液壼亦有定期更換，冇漏冇滲。
NSX雖然係雙座位跑車，但一啲都唔侷促。阿一今次唔得閒，搵兩個肥仔老友記揸部車出嚟，見佢哋上落車好輕鬆。掀起個車尾行李廂，大到可以當房車咁用，咁請問車頭有冇得擺嘢呢？有，放士啤軚同電池囉。
原裝維修套裝，25年來原封不動。
前期NSX配一副編號C30A嘅3公升V6 VTEC引擎，最大馬力280匹/7300rpm，峰值扭力30.0kgm/5400rpm。雖然話係6汽缸引擎，但九十年代初嘅日本V6自然吸氣引擎，低轉扭力仍然唔算突出，再加上C30A屬短衝程設計（78mm），引擎調校亦偏向注重中高轉表現，因此喺三波車狀態，遇上且放且留嘅車龍或情況尷尬嘅斜路，你以為佢夠內勁「淆」番起，乘機懶得拖波，偏偏佢又勉勉強強，少少呆滯，儘管未至於「打冷震」，但你已恨不得快啲「啪低一粒」，轉低一個波，扯上高轉。好在，C30A運轉好滑溜，瞬間回到精力最旺盛嘅段落。無論喺駕駛艙或者做路人甲乙丙，都會認同C30A嘅聲好吸引，甚至有少少挑釁味道。
（上圖、下圖）夾角90度V6自然吸氣引擎剖視圖
駕駛感方面，堂軚喺慢車真係重咗啲，但一有少少速度已好輕鬆，clutch踏板重量好合理，波檔閘行程係短啲，但好準確易入，四波上五波要向右上角推入啲。 NSX嘅座位離地距好低，揸住佢，就好似直接坐喺馬路。

用今日標準睇前期NSX嘅操控反應，佢嘅懸掛始終柔啲、軟啲。日常揸會好舒服易控，但要喺啲類似新娘潭，或鹿頸嘅中彎窄彎揸快啲，就要集中精神，主動用駕駛方式配合。
前雙搖臂剖視圖後雙搖臂剖視圖
因為入彎初段係會有少少轉向不足，扭軚幅度唔需要太多，亦唔好咁輕易喺彎放晒油門，出彎亦唔好太早起油，揸吓揸吓，就覺得NSX愈嚟愈好玩，有啲車主索性upgrade轉玩NSX-R。

阿一話，其實有部簡簡單單嘅NSX已好滿足，前期型、紅色、棍波，冇風油軚、低咪、原裝車。嘩！你真係講得簡單。

Honda NSX（NA1）規格車型：雙門兩座體積：（長）4430mm x （闊）1810mm x （高）1170mm 軸距：2530mm 跨距：（前）1510mm（後）1530mm 車底離地距：135mm 引擎：2977c.c. C30A型V型6汽缸雙頂凸輪軸24活瓣，橫臥，中置引擎口徑 x 衝程：90.0mm x 78.0mm 壓縮比：10.2:1 燃油供應：電子燃油噴注（PGM-FI）潤滑油容量：6.3公升馬力：280匹/7300rpm 扭力：30.0kgm/5400rpm 波箱：5前速手動，後輪驅動波箱傳動比：1波：3.071；2波：1.952；3波：1.400；4波：1.033；5波：0.771；後波：3.186；最終傳動比：4.062 懸掛：（前）雙搖臂；（後）雙搖臂制動：（前）透氣碟；（後）透氣碟車重：1350kg（5前速手波）；1390kg（4前速自動波，動力輔助轉向/風油軚）耗油：8.3km/L（10 Mode－日本運輸省1991年審查值）；16km/L（60km/h定速測試）最少迴轉半徑：5.8米 50km/h制動至停止：13米油缸容量：70公升輪胎：（前）205/50 ZR15 （後）225/50 ZR 16