「一早要有啦！」—Mercedes-Benz E 200 Estate

文：MenClub John Chan　　圖：MenClub

POSTED ON 24 Jan 2017

以前，講嘅唔係好耐世紀之前，只係上一代E-Class（W212型）嘅時代，當時你想買部E-Class Estate，入場費係719,000元…… 我知，Estate相對地少人買，製作成本亦較四門房車高，所以要賣得貴啲嘅，更何況系出E-Class，唔通大平賣畀你咩！而家，E 200 Estate，賣599,000元，平咗一大截，比房車E 200 Avantgarde只係多35,000元，三個字：好合理。 OK！鍾意Estate/Station Wagon/Touring等等名稱嘅旅行車，好易上癮，一係你就唔好同呢類車有feel，一鍾意就大鑊喇，每當聽到某某著名行政級房車全面轉款，個心就不自覺諗：「想睇睇旅行車係點嘅樣。」唔睇由自可，一睇周身痕，結果又換車。

我唔算係旅行車粉，但我鍾意置物空間大嘅車，不過，對SUV或MPV始終有啲抗拒：「唔使買到咁大部啩！」，畀我同太太揀，平治C-Class Estate同寶馬3系Touring夠用有凸，最好有埋柴油引擎版，唔該！聽過少部份人質疑中、入門級別嘅德國品牌旅行車「乏力」。「旅行車，用嚟搬嘢嘛，冇力好樣衰。」所謂各有所好，力嘅嘢，點為知夠力，有時真係冇乜準則，阿某某校長退咗休大把時間，仲揸到棍波，你畀部C 200 Estate「四速自皮」佢已覺得夠用有凸。

回望平治、寶馬都未廣泛應用2公升級Turbo引擎嘅年代，買好似E-Class呢類嘅旅行車，「200」咁上下級別嘅動力表現……講得好聽啲，Below average，唔好聽一句到尾，「度力削啲」。去年六月抵港嘅新一代E-Class（W213型），MenClub已試過車。我哋鍾意佢，因為2公升Turbo引擎同9前速自動波箱好配合，時刻都畀到最高水平嘅扭力，電子懸掛系統（冇得畀你揀軟硬度，由電腦發辦）喺快車、慢車、密集凹凸爛路同靚路嘅表現都好好。

E 200 Estate嘅引擎波箱同E 200房車相同，都係配2公升（1991c.c.）直四Turbo引擎，最大馬力184匹，峰值扭力30.6kgm/1200-4000rpm，波箱均屬9G-TRONIC 9前速設計。E 200 Estate車重1750kg，比房車版重約145kg，所以喺0至100km/h加速需要8.1秒，比房車版慢0.6秒。其實，以E 200 Estate配嘅2公升Turbo引擎，馬力唔算好大，峰值扭力又只有約31kgm，兼要背負1750kg，能夠有8.1秒嘅起跑表現，可以話「估佢唔到」，始終波箱波檔多啲，電腦派落嚟嘅波檔就更匹配，加速自然更緊湊、更快。

今次試車只有我同代理工作人員，勉強仲算係「吉車」，如果坐滿五個大人再加幾個「質爆」嘅Rimowa，究竟加速仲有冇咁爽呢？我深信分別唔會太大，始終30kgm嘅扭力嚟得好早，持續性又強，峰值扭力帶幾闊。畀在我，多人負載大嗰刻，行車模式一定揀「Sport」或「Sport＋」。

懸掛表現方面，大體上有我哋去年試揸E 200 Avantgarde房車嘅感覺，AGILITY CONTROL懸掛軟韌俱佳，但要留意今次配咗245/45 R20同275/30 R20前、後輪胎，開車前我幾擔心會大幅削弱早段緩震表現，但喺靚路同輕微凹凸路面，感到E 200 Avantgarde房車唔係相差好遠，都係舒服軟熟，闊大嘅後胎似乎未有帶來額外嘅明顯彈跳。我喺接近三門仔嘅汀角路慢線，遇到一個柏油嚴重老化嘅大坑。「啱晒！一於畀啲油轆過去！」掂，懸掛同輪胎「消化」晒大部份震盪，而且後懸掛冇傳嚟明顯響聲。

不過，我覺得275尾胎實在過火，再者而家係20吋，喺「Comfort」行車模式之下，部車顯得有少少呆笨，去年喺相同路段（吐露港公路廣福邨至康樂園來回）試揸E 200 Avantgarde房車，18吋245頭、尾胎，輕輕印住油門上斜（Comfort模式），你仍然feel到引擎嘅「內勁」隱隱發放。今次呢？一定要篤深啲油門先掂，嫌佢唔夠爽的話，肯定會轉去「Sport＋」。結果……咁咪浪費咗呢套咁好嘅動力傳動系統，變相令自己唔會常用「Comfort」及「Eco」，兼且無法做到「靚」嘅公路巡航耗油表現囉！當然，好多男性車主覺得外形大過天，20吋AMG胎軨魅力難擋嘛……「OKOK！」

我幾鍾意今代E-Class嘅中控台，尤其係四個出風口對落與中槽接鑲嗰部份，有Concept Car味道，賣相亦都幾Grand，座椅乘坐舒適程度與寶馬5系難分高低，雙玻璃天幕連天窗屬標準配搭，我泊喺樹底，校斜前座椅背降低窗hea咗一陣，呢啲天時，一陣就會瞓著。

後排座椅採用40:20:40分割比例，中間部份嘅「肩膊位」有雙重安全暗掣，置物好方便，椅背又有鎖住捲軸式遮簾嘅金屬扣，好方便。但係，捲軸式遮簾好「重磅」，我一個人裝拆都覺吃力，老婆或女友最好幫幫手托住另一邊，唔好淨係掛住玩手機。

實際空間數字，未放平椅背為620公升，比房車版多80公升，放平後座椅背激增至1820公升，目前同級車之中最大係佢。實有人話，歐洲同香港都有靈柩車以E-Class Estate改裝而成，啫係咁，你硬係要將堂軚扭去靈柩車呀、殯儀呀、白事呀、哥連臣角呀嗰邊，我係冇你符嘅，但係，人生在世，點解唔諗多啲開心愉快嘅事呢？

Mercedes-Benz E 200 Estate規格售價：$599,000 代理：Zung Fu www.zungfu.com 車型：五門五座體積：（長）4933mm x （闊）1852mm x （高）1475mm 軸距：2940mm 引擎：1991c.c. 直4汽缸渦輪增壓，前置引擎壓縮比：9.8：1 馬力：184匹/5500rpm 扭力：30.6kgm/1200-4000rpm 波箱：9前速自動，後輪驅動懸掛：（前）多連桿；（後）多連桿制動：（前）透氣碟；（後）透氣碟 0至100km/h加速：8.1秒極速：231km/h 油缸容積：50公升行李艙容積：620公升—1820公升車重：1750kg（淨重）耗油：8.2L-7.8L/100km（巿區行車測計模式）輪胎：GoodYear Eagle F1 245/45 R20 95Y（前）275/30 R20 97Y（後）

MERCEDES-BENZ E500 AMG

LAND ROVER DISCOVERY SPORT SE

download menclub auto

以前，講嘅唔係好耐世紀之前，只係上一代E-Class（W212型）嘅時代，當時你想買部E-Class Estate，入場費係719,000元…… 我知，Estate相對地少人買，製作成本亦較四門房車高，所以要賣得貴啲嘅，更何況系出E-Class，唔通大平賣畀你咩！而家，E 200 Estate，賣599,000元，平咗一大截，比房車E 200 Avantgarde只係多35,000元，三個字：好合理。 OK！鍾意Estate/Station Wagon/Touring等等名稱嘅旅行車，好易上癮，一係你就唔好同呢類車有feel，一鍾意就大鑊喇，每當聽到某某著名行政級房車全面轉款，個心就不自覺諗：「想睇睇旅行車係點嘅樣。」唔睇由自可，一睇周身痕，結果又換車。

我唔算係旅行車粉，但我鍾意置物空間大嘅車，不過，對SUV或MPV始終有啲抗拒：「唔使買到咁大部啩！」，畀我同太太揀，平治C-Class Estate同寶馬3系Touring夠用有凸，最好有埋柴油引擎版，唔該！聽過少部份人質疑中、入門級別嘅德國品牌旅行車「乏力」。「旅行車，用嚟搬嘢嘛，冇力好樣衰。」所謂各有所好，力嘅嘢，點為知夠力，有時真係冇乜準則，阿某某校長退咗休大把時間，仲揸到棍波，你畀部C 200 Estate「四速自皮」佢已覺得夠用有凸。

回望平治、寶馬都未廣泛應用2公升級Turbo引擎嘅年代，買好似E-Class呢類嘅旅行車，「200」咁上下級別嘅動力表現……講得好聽啲，Below average，唔好聽一句到尾，「度力削啲」。去年六月抵港嘅新一代E-Class（W213型），MenClub已試過車。我哋鍾意佢，因為2公升Turbo引擎同9前速自動波箱好配合，時刻都畀到最高水平嘅扭力，電子懸掛系統（冇得畀你揀軟硬度，由電腦發辦）喺快車、慢車、密集凹凸爛路同靚路嘅表現都好好。

E 200 Estate嘅引擎波箱同E 200房車相同，都係配2公升（1991c.c.）直四Turbo引擎，最大馬力184匹，峰值扭力30.6kgm/1200-4000rpm，波箱均屬9G-TRONIC 9前速設計。E 200 Estate車重1750kg，比房車版重約145kg，所以喺0至100km/h加速需要8.1秒，比房車版慢0.6秒。其實，以E 200 Estate配嘅2公升Turbo引擎，馬力唔算好大，峰值扭力又只有約31kgm，兼要背負1750kg，能夠有8.1秒嘅起跑表現，可以話「估佢唔到」，始終波箱波檔多啲，電腦派落嚟嘅波檔就更匹配，加速自然更緊湊、更快。

今次試車只有我同代理工作人員，勉強仲算係「吉車」，如果坐滿五個大人再加幾個「質爆」嘅Rimowa，究竟加速仲有冇咁爽呢？我深信分別唔會太大，始終30kgm嘅扭力嚟得好早，持續性又強，峰值扭力帶幾闊。畀在我，多人負載大嗰刻，行車模式一定揀「Sport」或「Sport＋」。

懸掛表現方面，大體上有我哋去年試揸E 200 Avantgarde房車嘅感覺，AGILITY CONTROL懸掛軟韌俱佳，但要留意今次配咗245/45 R20同275/30 R20前、後輪胎，開車前我幾擔心會大幅削弱早段緩震表現，但喺靚路同輕微凹凸路面，感到E 200 Avantgarde房車唔係相差好遠，都係舒服軟熟，闊大嘅後胎似乎未有帶來額外嘅明顯彈跳。我喺接近三門仔嘅汀角路慢線，遇到一個柏油嚴重老化嘅大坑。「啱晒！一於畀啲油轆過去！」掂，懸掛同輪胎「消化」晒大部份震盪，而且後懸掛冇傳嚟明顯響聲。

不過，我覺得275尾胎實在過火，再者而家係20吋，喺「Comfort」行車模式之下，部車顯得有少少呆笨，去年喺相同路段（吐露港公路廣福邨至康樂園來回）試揸E 200 Avantgarde房車，18吋245頭、尾胎，輕輕印住油門上斜（Comfort模式），你仍然feel到引擎嘅「內勁」隱隱發放。今次呢？一定要篤深啲油門先掂，嫌佢唔夠爽的話，肯定會轉去「Sport＋」。結果……咁咪浪費咗呢套咁好嘅動力傳動系統，變相令自己唔會常用「Comfort」及「Eco」，兼且無法做到「靚」嘅公路巡航耗油表現囉！當然，好多男性車主覺得外形大過天，20吋AMG胎軨魅力難擋嘛……「OKOK！」

我幾鍾意今代E-Class嘅中控台，尤其係四個出風口對落與中槽接鑲嗰部份，有Concept Car味道，賣相亦都幾Grand，座椅乘坐舒適程度與寶馬5系難分高低，雙玻璃天幕連天窗屬標準配搭，我泊喺樹底，校斜前座椅背降低窗hea咗一陣，呢啲天時，一陣就會瞓著。

後排座椅採用40:20:40分割比例，中間部份嘅「肩膊位」有雙重安全暗掣，置物好方便，椅背又有鎖住捲軸式遮簾嘅金屬扣，好方便。但係，捲軸式遮簾好「重磅」，我一個人裝拆都覺吃力，老婆或女友最好幫幫手托住另一邊，唔好淨係掛住玩手機。

實際空間數字，未放平椅背為620公升，比房車版多80公升，放平後座椅背激增至1820公升，目前同級車之中最大係佢。實有人話，歐洲同香港都有靈柩車以E-Class Estate改裝而成，啫係咁，你硬係要將堂軚扭去靈柩車呀、殯儀呀、白事呀、哥連臣角呀嗰邊，我係冇你符嘅，但係，人生在世，點解唔諗多啲開心愉快嘅事呢？

Mercedes-Benz E 200 Estate規格售價：$599,000 代理：Zung Fu www.zungfu.com 車型：五門五座體積：（長）4933mm x （闊）1852mm x （高）1475mm 軸距：2940mm 引擎：1991c.c. 直4汽缸渦輪增壓，前置引擎壓縮比：9.8：1 馬力：184匹/5500rpm 扭力：30.6kgm/1200-4000rpm 波箱：9前速自動，後輪驅動懸掛：（前）多連桿；（後）多連桿制動：（前）透氣碟；（後）透氣碟 0至100km/h加速：8.1秒極速：231km/h 油缸容積：50公升行李艙容積：620公升—1820公升車重：1750kg（淨重）耗油：8.2L-7.8L/100km（巿區行車測計模式）輪胎：GoodYear Eagle F1 245/45 R20 95Y（前）275/30 R20 97Y（後）