「幾毫子」七座位－Kia Sorento Diesel

文：MenClub John Chan　　圖：MenClub

POSTED ON 22 Aug 2016

今年本港車巿，多咗柴油私家車選擇，不過，多咗還多咗，咁樣唔一定啱你口味。但係，對買車只求「慳油、空間、座位多」，亦都唔拘泥於指定要買某幾個品牌嘅買家，真係有唔少新車值得去試吓揸吓，買與唔買呢啲係閣下決定。 MenClub一向係新世代柴油私家車嘅fans，過去我哋試過幾款德日產品，都好滿意。起亞（Kia）Sorento，屬於中大型SUV，一路喺香港有一批用家追隨，話部車勁靚勁有型，呢類說話留番畀其他人講。接地啲去睇，Kia設計部喺奧迪前設計師Peter Schreyer「揸fit」之後，各款新車建立起實在嘅設計風格，你喺街見到size細少少嘅SUV，係Sportage，大啲嗰部呢，係Sorento。

再實在啲，近兩三年嘅Kia Sportage、Sorento喺動力傳動系統、懸掛調校嘅成熟程度都高咗好多，再睇埋佢哋喺歐洲新車評審計劃（The European New Car Assessment Programme，EuroNCAP）撞擊測試嘅五星最高評級，唔可以話係「別無它選」，但有必要考慮吓。呢款配200匹2.2公升直四柴油Turbo引擎嘅Kia Sorento Diesel，賣$388,880。實有人話，寶馬（BMW）X1 sDrive18d都係賣咁上下價錢，人哋德國車，又係寶馬，有乜理由揀起亞？你有咁嘅睇法，自有你嘅觀點，但循例「介紹返」「留意返」，Sorento比X1大一個size，全車多兩個座位，屬七座設計，而且有四輪驅動系統，未數車廂設備，已經睇得出兩部車唔同類型唔同定位。老早睇中X1 sDrive18d，Go！Go！Go！冇必要格硬拎啲唔同grade嘅車拍埋一齊，嚟鞏固自己嘅決定「係啱嘅」「明智嘅」。
[Youtube]https://youtu.be/FqZU-2hml0E[/Youtube]

呢一代Sorento喺2014年底發表，2015年發售，坐上車揸一陣，feel到佢幾「重磅」，名符其實中大型SUV。講真，買到呢啲噸位嘅車，冇理由唔揀柴油版，以前冇，冇得好怨，而家有，點都要試吓。

懸掛調校方面，完全擺脫以往「浮盪太多」嘅缺點，相對地「硬橋硬馬」，有多少似上代寶馬X5及奧迪Q7味道。另外，座椅嘅墊褥回彈及柔韌度，亦好刻意學德國SUV，唔再係以前「屋企大梳化軟淋淋」嘅坐感，所以，無論係乘客或司機都坐得精精神神。由官塘道、龍翔道西行，Sorento地台隔音幾好，你feel得到佢喺輪拱同地台嘅隔音功夫好足，胎噪低。喺豐力樓附近幾個上斜大彎，懸掛應對密集起伏嘅反應算幾快手，抗拒力充足又未致於繃緊，三十到尾嘅SUV有咁嘅表現，算係夠交功課有凸。

引擎，峰值扭力45kgm，由1750rpm供應至2750rpm，「最肥」嘅區域雖然只有1000rpm，但1500rpm以內嘅扭力已相當夠用。我相信喺坐滿七個情況下，45kgm扭力仍然充裕，而且頭段好好力。買家最關心嘅耗油表現，每6.6公升柴油可行駛100km，假設你有折扣卡，$9左右一公升，除開都係6毫子一公里，我再假設你有隻「黃金右腳」，腳腳攞命，唔大踩唔舒服，9毫子一公里好未？咁大空間咁重嘅SUV，9毫子一公里，老兄，你賺晒㗎喇。

行車模式方面，有Eco、Normal同Sport，Eco最柔，但又未至於柔到「試過之後唔再用」，用嚟應付放工時間嘅「長命塞」，啱晒。 Sport嘅反應最爽，試車時只有我同代理人員，印住油門踏板行程3分1，已經有「湧住湧住去」嗰種上斜勁度，撥去手動轉波模式，係可以「快得吓」。 0至100km/h加速有幾快呢？我冇check，我淨係記得之前睇過英國行家試手波版，約9.2秒。

波箱係六前速自動，轉波速度唔算快，亦無需快，因為而家呢個「beat」，同呢副柴油引擎好夾，喺啲一、二波慢彎上斜，又或者地下停車場上地面等出閘，轉波幾順，唔「chok」。

講吓駕駛艙，工整企理簡潔有餘，但係賣相普通咗啲，試完車已唔記得佢個中控台係點樣。雖然係咁，坐落摸落之後發現，中控台同中槽嘅線條幾圓滑，觸感亦幾滑溜。我覺得起亞喺呢個階段仲未使喺車廂設計搞咁多「花臣」嘢，實實際際搞一個坐感舒適同視覺開揚順眼嘅空間已足夠。

前座椅背右邊有按掣，第二排想上落方便，又或者想雙腿伸得盡啲，㩒粒掣就掂，司機亦可代勞，我like呢樣。第二排座椅摺合能力唔錯，但略嫌座椅摺合活動部份偏緊（唔知同仲係新車有冇關），反而企喺車尾，掀起尾門，拉起第二排座椅摺合掣就輕鬆得多，亦都摺得好靚。第三排座椅唔算undersize，純粹目測，坐墊橫向空間夠兩名體重約60kg嘅男人，少少貼大髀就實會有㗎喇。
放平第二及第三排座椅，車廂空間增至1662公升，呢個級數拍得住寶馬5系旅行車（Touring）
今次試車嘅屬Platinum版，算幾「齊料」，天幕天窗，轉向式Xenon頭燈、19吋輪圈、車門兩側金屬腳踏、前座各有3段冷暖氣座椅，尾排又有獨立冷氣控制（連空氣淨化），咁嘅specs同配搭，同價位嘅車，相信唔會有。

六、七年前，如果香港有柴油版（白牌）起亞SUV，而又係我試車的話，我好大機會喺結語搭一兩句：「南韓SUV轉手價都仲係輸蝕啲，阿支阿Jor……」而家仲會唔會咁講呢？唔會。唔講唔係因為佢哋而家嘅易手價好靚，承接力好強，係我覺得呢類兼備SUV同MPV功能嘅柴油私家車，唔應該揸兩、三年後就諗住賣。試過車，睇過係啱feel，一揸就要揸佢五、六、七年，用盡佢「柴油價平柴油襟燒兼續航力夠長」嘅優勢。與其用盡精神念力，希望三年後賣車嗰刻蝕得冇咁慘，不如趁而家有柴油私家車賣（呢項可能係車民眼中嘅特區唯一德政），拿拿淋慳咗先，賺咗先。
Kia Sorento Diesel（6AT）規格售價：$388,880 代理：Kia Motors(HK) www.kia.com.hk 車型：五門七座體積：（長）4780mm x （闊）1890mm x （高）1685mm 軸距：2780mm 引擎：2199c.c. 直列4汽缸柴油渦輪增壓，前置引擎口徑 x 衝程：85.4mm x 96.0mm 壓縮比：16.0：1 馬力：200匹/3800rpm 扭力：45kgm/1750rpm-2750rpm 波箱：6前速自動，四輪驅動懸掛：（前）麥花臣支柱；（後）雙搖臂 0至100km/h加速：9.6秒極速：203km/h 制動：（前）320mm 透氣碟；（後）314mm 透氣碟行李艙容積：142公升（三排座椅）、605公升（兩排座椅）車重：1849kg 油缸容積：71公升耗油：6.6L/100km 輪胎：Hankook Ventus Prime 2 235/55 R19 （前、後）

MERCEDES-BENZ E500 AMG

LAND ROVER DISCOVERY SPORT SE

download menclub auto

今年本港車巿，多咗柴油私家車選擇，不過，多咗還多咗，咁樣唔一定啱你口味。但係，對買車只求「慳油、空間、座位多」，亦都唔拘泥於指定要買某幾個品牌嘅買家，真係有唔少新車值得去試吓揸吓，買與唔買呢啲係閣下決定。 MenClub一向係新世代柴油私家車嘅fans，過去我哋試過幾款德日產品，都好滿意。起亞（Kia）Sorento，屬於中大型SUV，一路喺香港有一批用家追隨，話部車勁靚勁有型，呢類說話留番畀其他人講。接地啲去睇，Kia設計部喺奧迪前設計師Peter Schreyer「揸fit」之後，各款新車建立起實在嘅設計風格，你喺街見到size細少少嘅SUV，係Sportage，大啲嗰部呢，係Sorento。

再實在啲，近兩三年嘅Kia Sportage、Sorento喺動力傳動系統、懸掛調校嘅成熟程度都高咗好多，再睇埋佢哋喺歐洲新車評審計劃（The European New Car Assessment Programme，EuroNCAP）撞擊測試嘅五星最高評級，唔可以話係「別無它選」，但有必要考慮吓。呢款配200匹2.2公升直四柴油Turbo引擎嘅Kia Sorento Diesel，賣$388,880。實有人話，寶馬（BMW）X1 sDrive18d都係賣咁上下價錢，人哋德國車，又係寶馬，有乜理由揀起亞？你有咁嘅睇法，自有你嘅觀點，但循例「介紹返」「留意返」，Sorento比X1大一個size，全車多兩個座位，屬七座設計，而且有四輪驅動系統，未數車廂設備，已經睇得出兩部車唔同類型唔同定位。老早睇中X1 sDrive18d，Go！Go！Go！冇必要格硬拎啲唔同grade嘅車拍埋一齊，嚟鞏固自己嘅決定「係啱嘅」「明智嘅」。
[Youtube]https://youtu.be/FqZU-2hml0E[/Youtube]

呢一代Sorento喺2014年底發表，2015年發售，坐上車揸一陣，feel到佢幾「重磅」，名符其實中大型SUV。講真，買到呢啲噸位嘅車，冇理由唔揀柴油版，以前冇，冇得好怨，而家有，點都要試吓。

懸掛調校方面，完全擺脫以往「浮盪太多」嘅缺點，相對地「硬橋硬馬」，有多少似上代寶馬X5及奧迪Q7味道。另外，座椅嘅墊褥回彈及柔韌度，亦好刻意學德國SUV，唔再係以前「屋企大梳化軟淋淋」嘅坐感，所以，無論係乘客或司機都坐得精精神神。由官塘道、龍翔道西行，Sorento地台隔音幾好，你feel得到佢喺輪拱同地台嘅隔音功夫好足，胎噪低。喺豐力樓附近幾個上斜大彎，懸掛應對密集起伏嘅反應算幾快手，抗拒力充足又未致於繃緊，三十到尾嘅SUV有咁嘅表現，算係夠交功課有凸。

引擎，峰值扭力45kgm，由1750rpm供應至2750rpm，「最肥」嘅區域雖然只有1000rpm，但1500rpm以內嘅扭力已相當夠用。我相信喺坐滿七個情況下，45kgm扭力仍然充裕，而且頭段好好力。買家最關心嘅耗油表現，每6.6公升柴油可行駛100km，假設你有折扣卡，$9左右一公升，除開都係6毫子一公里，我再假設你有隻「黃金右腳」，腳腳攞命，唔大踩唔舒服，9毫子一公里好未？咁大空間咁重嘅SUV，9毫子一公里，老兄，你賺晒㗎喇。

行車模式方面，有Eco、Normal同Sport，Eco最柔，但又未至於柔到「試過之後唔再用」，用嚟應付放工時間嘅「長命塞」，啱晒。 Sport嘅反應最爽，試車時只有我同代理人員，印住油門踏板行程3分1，已經有「湧住湧住去」嗰種上斜勁度，撥去手動轉波模式，係可以「快得吓」。 0至100km/h加速有幾快呢？我冇check，我淨係記得之前睇過英國行家試手波版，約9.2秒。

波箱係六前速自動，轉波速度唔算快，亦無需快，因為而家呢個「beat」，同呢副柴油引擎好夾，喺啲一、二波慢彎上斜，又或者地下停車場上地面等出閘，轉波幾順，唔「chok」。

講吓駕駛艙，工整企理簡潔有餘，但係賣相普通咗啲，試完車已唔記得佢個中控台係點樣。雖然係咁，坐落摸落之後發現，中控台同中槽嘅線條幾圓滑，觸感亦幾滑溜。我覺得起亞喺呢個階段仲未使喺車廂設計搞咁多「花臣」嘢，實實際際搞一個坐感舒適同視覺開揚順眼嘅空間已足夠。

前座椅背右邊有按掣，第二排想上落方便，又或者想雙腿伸得盡啲，㩒粒掣就掂，司機亦可代勞，我like呢樣。第二排座椅摺合能力唔錯，但略嫌座椅摺合活動部份偏緊（唔知同仲係新車有冇關），反而企喺車尾，掀起尾門，拉起第二排座椅摺合掣就輕鬆得多，亦都摺得好靚。第三排座椅唔算undersize，純粹目測，坐墊橫向空間夠兩名體重約60kg嘅男人，少少貼大髀就實會有㗎喇。
放平第二及第三排座椅，車廂空間增至1662公升，呢個級數拍得住寶馬5系旅行車（Touring）
今次試車嘅屬Platinum版，算幾「齊料」，天幕天窗，轉向式Xenon頭燈、19吋輪圈、車門兩側金屬腳踏、前座各有3段冷暖氣座椅，尾排又有獨立冷氣控制（連空氣淨化），咁嘅specs同配搭，同價位嘅車，相信唔會有。

六、七年前，如果香港有柴油版（白牌）起亞SUV，而又係我試車的話，我好大機會喺結語搭一兩句：「南韓SUV轉手價都仲係輸蝕啲，阿支阿Jor……」而家仲會唔會咁講呢？唔會。唔講唔係因為佢哋而家嘅易手價好靚，承接力好強，係我覺得呢類兼備SUV同MPV功能嘅柴油私家車，唔應該揸兩、三年後就諗住賣。試過車，睇過係啱feel，一揸就要揸佢五、六、七年，用盡佢「柴油價平柴油襟燒兼續航力夠長」嘅優勢。與其用盡精神念力，希望三年後賣車嗰刻蝕得冇咁慘，不如趁而家有柴油私家車賣（呢項可能係車民眼中嘅特區唯一德政），拿拿淋慳咗先，賺咗先。
Kia Sorento Diesel（6AT）規格售價：$388,880 代理：Kia Motors(HK) www.kia.com.hk 車型：五門七座體積：（長）4780mm x （闊）1890mm x （高）1685mm 軸距：2780mm 引擎：2199c.c. 直列4汽缸柴油渦輪增壓，前置引擎口徑 x 衝程：85.4mm x 96.0mm 壓縮比：16.0：1 馬力：200匹/3800rpm 扭力：45kgm/1750rpm-2750rpm 波箱：6前速自動，四輪驅動懸掛：（前）麥花臣支柱；（後）雙搖臂 0至100km/h加速：9.6秒極速：203km/h 制動：（前）320mm 透氣碟；（後）314mm 透氣碟行李艙容積：142公升（三排座椅）、605公升（兩排座椅）車重：1849kg 油缸容積：71公升耗油：6.6L/100km 輪胎：Hankook Ventus Prime 2 235/55 R19 （前、後）