「喂！！仲唔轉波！」－Subaru S207

文：MenClub John Chan　　

POSTED ON 29 May 2016

Photos & Video: Heat Production Archived Pics: Subaru Japan Media 最近歐洲有兩宗富士（Subaru） Impreza 22B STi拍賣及易手車成交個案，經傳媒報道之後，大家又再對呢款喺1998年限量製造嘅經典Subaru提起興趣，間中又會聽到車迷拎出嚟講。 22B呢類咁特別嘅project，相信喺可見將來都唔會有。一來，呢期嘅世界越野錦標賽（WRC）真係冇九十年代中晚期咁精彩刺激，甚至可以話係低潮。二來，富士廠隊已闊別咗WRC好一段時間，想睇到佢哋短期內重返，唔樂觀喇！
S201，2000年4月發表，總產量300部
2000年4月誕生嘅「S20」系列（第一款為S201），唔知你點睇佢，有啲人視佢為22B後嘅「最強Impreza」，有啲人話會：「喂！兩回事嚟過喎，唔好亂講呀！」，我亦聽過有巴打對22B與「S20」車系嘅關係，有啲好精闢，應該話係聽完後查書都唔多明嘅見解。冇緊要，大家各抒己見，唔係詆譭人哋就得。

講真，S201個樣真係幾誇張，套「大包圍」嘅style亦都幾另類兼小眾。2002嘅S202開始似樣，之後嘅S203，我更覺得係「S20」家族之中最有型、最襟睇嘅一部，眨吓眼，已經嚟到S207。
S203，2004年12月發表總產量555部 S204，2005年12月發表總產量600部
2015年，MenClub採訪東京車展，S207係咁多參展車之中，其中一部我好like嘅新車，尤其係黃色嘅NBR Challenge Package Yellow Edition，勁搶眼。唔知係唔係因為限量製造100部，因此吸引更多人要得到佢，去年底一開售，轉眼賣清，S207總產量400部，其餘均為藍色、黑色及其他車身顏色。

感覺上，高性能Impreza近五六年喺本地馬路嘅曝光率冇十幾年前咁高，都係，因為高性能四驅對手多咗好多。不過，好似S207呢類咁特別嘅日本版Impreza，仍然吸引到香港車迷，山長水遠，左搭呢個，右搭嗰個，點要要喺日本買一部返香港玩。有香港讀者好錫我哋，最近揸咗部S207出嚟畀我哋體驗吓最新嘅「S20」系列發展成點。
[Youtube]https://youtu.be/IiB19Srbvk4[/Youtube]

S207依然配編號EJ20嘅兩公升水平對向四汽缸Turbo引擎，最大馬力328匹/7200rpm，峰值扭力44kgm/3200rpm-4800rpm。有說接近24年歷史嘅EJ20系列機器將會喺短期內停產，可惜呀可？唔怪得咁快賣晒啦！一如以往日版Impreza STI嘅設定，S207嘅波箱都係密齒比設計，3、4、5波好密，總係覺得部車好似成日同你講：「轉波啦，快啲轉！」嗱！係唔係要轉得咁密呢？好睇你駕駛風格或口味，不過，咁嘅setting喺啲勺鑽嘅彎路或彎位，更方便你揀個最合適嘅波段，例如喺啲本來「二波又唔啱，三波又多咗啲」嘅彎路，S207嘅表現絕對係一等一。

Impreza STI自2001年開始配6速棍波，佢哋嘅檔閘冇好似豐田或萬事得嘅出品咁，有如「將波棍吸啜入檔位」嘅推拉行程操作質感，去到S207，呢種特點大體不變，但我覺得S207嘅檔閘推拉比以往暢順，爽咗。喺2、3、4或4、3、2咁轉波，仍然feel到有少少粗獷味，但唔過份，幾好！

S207嘅引擎係唔係勁好多呢？數字上同實際揸落，分別唔係話大得好緊要，畢竟只係多咗28匹同2.5kgm，但係因為１至5波都好密（5波約為1:1），所以，只要稍為揸快少少，已經覺得部車好似發咗癲咁，由約3500rpm至6000rpm呢一段，上得好快，好急，力好猛，喺高速公路玩玩「2、3、4」，推背力之大同嗰份急激，令你即刻醒一醒，嘭嘭聲加快自己節奏迎擊。呢個狀態嘅S207，有少少似廿幾年前仲好好火嘅北野武，你轉波轉遲啲，佢即刻「發老脾」用棍兜嘢「車」落你「後枕」，呢種擺明先出手，挑起你把火，逼你還手對打嘅氣氛，野蠻，但有趣。

S201喺千禧年初面世時，已經有300匹，而EJ20系列機器喺呢十幾年嘅改良升級實在好大，不過，Subaru同STI，冇喺最大馬力數字上搞埋晒啲嘩眾取寵嘢，事實上，喺原裝廠車（即使係STI嘅complete car）同日本廢氣排放標準嘅角度，目前328匹嘅最大馬力輸出調校已接近見頂。 S207另一驚喜係懸掛調校得好貼服，佢唔單止喺啲起伏少少嘅柏油路，同啲摺紋較多嘅石屎路好「服」，懸掛活動時亦唔多覺有雜音及震盪傳入車廂。另外，喺早段嘅緩震表現亦相當理想，整體ride quality甚至直逼中高性能級別嘅寶馬快車，真係好意外。睇睇車胎規格，255/35 R19尺碼嘅Dunlop SP Sport Maxx RT，配薄胎、跑胎，竟然有條友同你講，話S207坐得舒服，載得未來外母。咁嘅結論，一係有鬼，二係你睇錯，第三個可能係：呢個係事實。

不加思索，一面倒將「功勞」歸晒Bilstein嘅DampMatic II吸震筒，咁嘅講法包穩陣，應該冇人會駁你，但係，可以睇得再深入啲嘅。 S207嘅車架毫無疑問好硬，但STI就係想佢喺適當時候唔好太硬，撐得太繃緊，所以喺前懸塔頂，接近後軸嘅車底，同埋副車架，裝咗具延展性嘅塔頂桿及撐桿。我覺得，如果只係單純得Bilstein吸震筒同STI嘅杯士「發功」，一定搞唔到好似而家咁好嘅質素。

S207入彎turn-in反應，雖然冇「車頭好似索入彎心」咁誇張，但車頭對彎心指向嘅積極性加埋11:1嘅快速轉向比率，的確能夠由軚盤畀到好清晰嘅信息：「頭轆好大力，好多力，但又唔算推頭」呢種幾平衡而討好嘅感覺。 S207裝有主動扭力轉向（Active Torque Vectoring）系統，礙於拍攝時天雨關係，時間有限，未能深入感受主動扭力轉向系統嘅表現，以及該系統與DCCD（Driver Controlled Center Differential）喺自動及手動調校模式嘅分野。睇見咁多組合，咁多嘢玩，真係愈來愈鍾意呢部車。

想知S207缺點？部車大咗啲囉，車長4.6米嘅S207，揸落雖然已比一般同等體積及比例嘅車靈活好多，但我覺得，S207對大部份揸過近代Impreza同Legacy嘅車迷嚟講，佢依然係大部咗啲，令人不自覺懷念十幾年前嘅S203同S204。冇辦法，大勢所趨，玩得新車就要「硬食」呢個現實。

Subaru S207規格車型：四門五座體積：（長）4635mm x （闊）1795mm x （高）1470mm 軸距：2650mm 跨距：1535mm（前）/1550mm（後）引擎：1994c.c. 水平對向四汽缸渦輪增壓（Dual AVCS，Twin Scroll Turbo），前置引擎壓縮比：8.0:1 馬力：328匹/7200rpm 扭力：44kgm/3200rpm-4800rpm 波箱：6前速手動，四輪驅動 1波）3.636:1 2波）2.375:1 3波）1.761:1 4波）1.346:1 5波）1.062:1 6波）0.842:1 最終傳動比）3.900 懸掛：（前）麥花臣支柱；（後）雙搖臂制動：（前）透氣碟；（後）透氣碟車重：1510kg 油缸容積：60公升輪胎：Dunlop SP Sport Maxx RT 255/35 R19 92Y（前、後）

MERCEDES-BENZ E500 AMG

LAND ROVER DISCOVERY SPORT SE

download menclub auto

Photos & Video: Heat Production Archived Pics: Subaru Japan Media 最近歐洲有兩宗富士（Subaru） Impreza 22B STi拍賣及易手車成交個案，經傳媒報道之後，大家又再對呢款喺1998年限量製造嘅經典Subaru提起興趣，間中又會聽到車迷拎出嚟講。 22B呢類咁特別嘅project，相信喺可見將來都唔會有。一來，呢期嘅世界越野錦標賽（WRC）真係冇九十年代中晚期咁精彩刺激，甚至可以話係低潮。二來，富士廠隊已闊別咗WRC好一段時間，想睇到佢哋短期內重返，唔樂觀喇！
S201，2000年4月發表，總產量300部
2000年4月誕生嘅「S20」系列（第一款為S201），唔知你點睇佢，有啲人視佢為22B後嘅「最強Impreza」，有啲人話會：「喂！兩回事嚟過喎，唔好亂講呀！」，我亦聽過有巴打對22B與「S20」車系嘅關係，有啲好精闢，應該話係聽完後查書都唔多明嘅見解。冇緊要，大家各抒己見，唔係詆譭人哋就得。

講真，S201個樣真係幾誇張，套「大包圍」嘅style亦都幾另類兼小眾。2002嘅S202開始似樣，之後嘅S203，我更覺得係「S20」家族之中最有型、最襟睇嘅一部，眨吓眼，已經嚟到S207。
S203，2004年12月發表總產量555部 S204，2005年12月發表總產量600部
2015年，MenClub採訪東京車展，S207係咁多參展車之中，其中一部我好like嘅新車，尤其係黃色嘅NBR Challenge Package Yellow Edition，勁搶眼。唔知係唔係因為限量製造100部，因此吸引更多人要得到佢，去年底一開售，轉眼賣清，S207總產量400部，其餘均為藍色、黑色及其他車身顏色。

感覺上，高性能Impreza近五六年喺本地馬路嘅曝光率冇十幾年前咁高，都係，因為高性能四驅對手多咗好多。不過，好似S207呢類咁特別嘅日本版Impreza，仍然吸引到香港車迷，山長水遠，左搭呢個，右搭嗰個，點要要喺日本買一部返香港玩。有香港讀者好錫我哋，最近揸咗部S207出嚟畀我哋體驗吓最新嘅「S20」系列發展成點。
[Youtube]https://youtu.be/IiB19Srbvk4[/Youtube]

S207依然配編號EJ20嘅兩公升水平對向四汽缸Turbo引擎，最大馬力328匹/7200rpm，峰值扭力44kgm/3200rpm-4800rpm。有說接近24年歷史嘅EJ20系列機器將會喺短期內停產，可惜呀可？唔怪得咁快賣晒啦！一如以往日版Impreza STI嘅設定，S207嘅波箱都係密齒比設計，3、4、5波好密，總係覺得部車好似成日同你講：「轉波啦，快啲轉！」嗱！係唔係要轉得咁密呢？好睇你駕駛風格或口味，不過，咁嘅setting喺啲勺鑽嘅彎路或彎位，更方便你揀個最合適嘅波段，例如喺啲本來「二波又唔啱，三波又多咗啲」嘅彎路，S207嘅表現絕對係一等一。

Impreza STI自2001年開始配6速棍波，佢哋嘅檔閘冇好似豐田或萬事得嘅出品咁，有如「將波棍吸啜入檔位」嘅推拉行程操作質感，去到S207，呢種特點大體不變，但我覺得S207嘅檔閘推拉比以往暢順，爽咗。喺2、3、4或4、3、2咁轉波，仍然feel到有少少粗獷味，但唔過份，幾好！

S207嘅引擎係唔係勁好多呢？數字上同實際揸落，分別唔係話大得好緊要，畢竟只係多咗28匹同2.5kgm，但係因為１至5波都好密（5波約為1:1），所以，只要稍為揸快少少，已經覺得部車好似發咗癲咁，由約3500rpm至6000rpm呢一段，上得好快，好急，力好猛，喺高速公路玩玩「2、3、4」，推背力之大同嗰份急激，令你即刻醒一醒，嘭嘭聲加快自己節奏迎擊。呢個狀態嘅S207，有少少似廿幾年前仲好好火嘅北野武，你轉波轉遲啲，佢即刻「發老脾」用棍兜嘢「車」落你「後枕」，呢種擺明先出手，挑起你把火，逼你還手對打嘅氣氛，野蠻，但有趣。

S201喺千禧年初面世時，已經有300匹，而EJ20系列機器喺呢十幾年嘅改良升級實在好大，不過，Subaru同STI，冇喺最大馬力數字上搞埋晒啲嘩眾取寵嘢，事實上，喺原裝廠車（即使係STI嘅complete car）同日本廢氣排放標準嘅角度，目前328匹嘅最大馬力輸出調校已接近見頂。 S207另一驚喜係懸掛調校得好貼服，佢唔單止喺啲起伏少少嘅柏油路，同啲摺紋較多嘅石屎路好「服」，懸掛活動時亦唔多覺有雜音及震盪傳入車廂。另外，喺早段嘅緩震表現亦相當理想，整體ride quality甚至直逼中高性能級別嘅寶馬快車，真係好意外。睇睇車胎規格，255/35 R19尺碼嘅Dunlop SP Sport Maxx RT，配薄胎、跑胎，竟然有條友同你講，話S207坐得舒服，載得未來外母。咁嘅結論，一係有鬼，二係你睇錯，第三個可能係：呢個係事實。

不加思索，一面倒將「功勞」歸晒Bilstein嘅DampMatic II吸震筒，咁嘅講法包穩陣，應該冇人會駁你，但係，可以睇得再深入啲嘅。 S207嘅車架毫無疑問好硬，但STI就係想佢喺適當時候唔好太硬，撐得太繃緊，所以喺前懸塔頂，接近後軸嘅車底，同埋副車架，裝咗具延展性嘅塔頂桿及撐桿。我覺得，如果只係單純得Bilstein吸震筒同STI嘅杯士「發功」，一定搞唔到好似而家咁好嘅質素。

S207入彎turn-in反應，雖然冇「車頭好似索入彎心」咁誇張，但車頭對彎心指向嘅積極性加埋11:1嘅快速轉向比率，的確能夠由軚盤畀到好清晰嘅信息：「頭轆好大力，好多力，但又唔算推頭」呢種幾平衡而討好嘅感覺。 S207裝有主動扭力轉向（Active Torque Vectoring）系統，礙於拍攝時天雨關係，時間有限，未能深入感受主動扭力轉向系統嘅表現，以及該系統與DCCD（Driver Controlled Center Differential）喺自動及手動調校模式嘅分野。睇見咁多組合，咁多嘢玩，真係愈來愈鍾意呢部車。

想知S207缺點？部車大咗啲囉，車長4.6米嘅S207，揸落雖然已比一般同等體積及比例嘅車靈活好多，但我覺得，S207對大部份揸過近代Impreza同Legacy嘅車迷嚟講，佢依然係大部咗啲，令人不自覺懷念十幾年前嘅S203同S204。冇辦法，大勢所趨，玩得新車就要「硬食」呢個現實。

Subaru S207規格車型：四門五座體積：（長）4635mm x （闊）1795mm x （高）1470mm 軸距：2650mm 跨距：1535mm（前）/1550mm（後）引擎：1994c.c. 水平對向四汽缸渦輪增壓（Dual AVCS，Twin Scroll Turbo），前置引擎壓縮比：8.0:1 馬力：328匹/7200rpm 扭力：44kgm/3200rpm-4800rpm 波箱：6前速手動，四輪驅動 1波）3.636:1 2波）2.375:1 3波）1.761:1 4波）1.346:1 5波）1.062:1 6波）0.842:1 最終傳動比）3.900 懸掛：（前）麥花臣支柱；（後）雙搖臂制動：（前）透氣碟；（後）透氣碟車重：1510kg 油缸容積：60公升輪胎：Dunlop SP Sport Maxx RT 255/35 R19 92Y（前、後）