開學喇！－ HONDA Stepwgn Spada

文：MenClub John Chan　　圖：MenClub

POSTED ON 30 Jul 2015

點解每當放完暑假，車行又用「開學喇！」呢招嚟叫人換新車？特別係MPV。撐呢套嘅人會話：「喂！阿John，啲小朋友放完暑假，高咗大咗肥咗，舊嗰部MPV唔啱坐，timing啱㗎嘞！」我好懷疑有幾多人真係因為喺開學前，想到有必要為子女「升級」，走去換過部MPV。當然啦，從事汽車營銷，總要有啲理由（可能係藉口），先推得郁啲客換車。而家先試Stepwgn，真係好遲，啊可！

睇咗我多年寫汽車評論嘅讀者都知，我係好buy本田Stepwgn，呢樣我唔怕大大聲講，係鍾意就唔怕畀人知。點解呢？因為當你真係有仔有女，有樓要供，養埋老豆老媽子，每個月手頭鬆動嘅錢（可能係男人私己錢），只夠養部/供部MPV、加三、四缸油同停車場月租錢，咁嘅話，即係你再冇乜多餘錢，喺出面收埋個「二奶」（例如MX-5啊，R34 GT-R啊，E46 M3啊，一代TT啊，等等）兼間中同佢出去「玩」。

所以，當「選擇其實得一個」，喺焗揀焗買同焗養MPV嘅情況下，點都要揀部係「操控反應盡可能唔悶」嘅。恕我睇得太認真執著，你自問仲係鍾意揸車嘅男人，一定要堅守呢道「最後防線」。

雖然話，本田Stepwgn徹頭徹尾不過係普通MPV，但揸落總係比Noah同Serena順隨心意，入彎turn-in嘅積極程度，彎心抗傾能力，懸掛韌淨程度，body roll control嘅表現，都唔難令一般人認同：本田係有認真度過、計過、細緻調校過先賣出街，Stepwgn肯定唔會係「悶棍」到會「釣魚」嘅日本MPV。

2005年嘅第三代Stepwgn，由本田第二代Civic Type-R(EP3)總工程師蓮子末大擔大旗，數月前有機會再揸，雖然搖臂膠有啲老化有啲響，但部車整體動態仲算活潑（相比同期對手），喺西貢（大網仔附近）嘅彎路揸快少少，都冇「左跪右跪」論論盡盡。 Stepwgn變得好揸嘅歷史，要由2005年第三代數起，背後功臣之一就係負責底盤及懸掛設計嘅蓮子末大（Suehiro Hasshi），佢係第二代Civic Type-R(EP3)及最新一代Civic Type-R總工程師。講咗好多Stepwgn車系優點，好似over咗。 Chiu！有乜所謂，難得你睇到呢一段。用今日標準，回望昔日Stepwgn嘅不同（呢啲亦係同級日本產品嘅缺點），就係欠缺一個低扭更肥美嘅引擎同醒目波箱。所謂嘅更好，係指，歐洲車進步到downsizing Turbo引擎喺低轉瞬間發放峰值扭力，你啲日本MPV仲配副2公升或2.4公升自然吸氣引擎搭舊式CVT波箱，一「扯」高轉數上3000rpm至4000rpm轉，個CVT波箱就「vee嘩鬼叫」⋯⋯

咁樣唔好喎，過時喎，你畀廿幾三十萬，都係想有好啲嘅汽車生活，車廂間格舒適性固然要有改善，動力同傳動系統嘅設計，都要因應汽車嘅科技而upgrade，如果唔係咁諗，我同你都仲坐緊三菱第一代Space Wagon，唔使換車啦。所以，當我知道Stepwgn轉用1.5公升Turbo引擎，我係開心嘅。講真，Honda就係應該有吉士，show啲新技術出嚟，夠膽突破框框行到最前，咁Honda有冇試過因循苟且，「夠籌」賺番咁上下就炒冷飯呢？點會冇啊，但唔係呢期囉。

實際試車，發現Stepwgn新款嘅Turbo引擎，喺2500rpm已足夠用嚟爬山（由龍翔道天馬苑往畢架山一段），喺2500rpm以內引擎自身噪音水平唔明顯，甚至算係靜，只係喺3500rpm至4200rpm呢段嘈啲。我相信，即使多載幾個人，又要喺斜路kickdown爬頭，只需要keep住3500rpm以內，乜都夠晒力。

當知道本田要喺今代Stepwgn將「Turbo引擎同CVT」撈埋一齊，我有擔心過，怕個CVT波箱夾唔到引擎，大油踩會唔會「跣」住上轉數？好在冇，而且傳遞動力嘅質感好穩，可以講係我近年試過咁多款日本CVT波箱之中，最滿意嘅一款，尤其喺「電視台背脊」一段，即由天馬苑上到獅子山隧道出入口行車天橋，橫跨龍翔道前嗰幾百米，Stepwgn好肯去，就好似裝咗傳統六、七前速扭力轉換器自動波箱咁，同Turbo引擎gear得好合拍，大力踩落油門，加速力「頂住頂住嚟」。撥去手動轉波模式，先後喺平路、爬坡、落斜快速連升或連拖幾個波，反應算快，據知，新波箱加裝咗兩組摩打，令改變齒比嘅滑輪（Pulley）起動得更快。車壇好多車廠，成日口口聲聲話自己啲車要更有動感，點知都係得吧咀。Honda呢款CVT，真正有能力改變外界對MPV CVT波箱「姐手姐腳」嘅睇法。Honda好嘢！
新設計嘅A柱廣角鏡好好用，泊路邊位，攞位攞到盡都唔怕刮花套合金軨。仲有，方便check清楚有冇「盲毛」衝出嚟。
轉用Turbo引擎後，唔需要靠推高轉數至三、四千轉先獲得峰值扭力，引擎嘅峰值扭力數字唔算好標青，只不過20.7kgm，但輸出範圍非常之廣，由1600-5000rpm，睇睇呢個扭力mapping，大概了解到本田工程師對新世代本田Turbo引擎（本田曾在八十年代生產民用車引擎）嘅視野，就係唔盲目追求高峰值扭力，而係強調峰值扭力有廣闊嘅供應範圍，亦都切合本田目前以CVT作為MPV、入門級房車唯一款式波箱配搭嘅實情。講真，我真係好滿意呢套動力及傳動組合，暫時未搵到缺點，請諒。

我唔打算由駕駛席一路數到去中排座椅，畢竟，呢啲都係必備配置，你落showroom可以試清楚。值得講嘅係，掀背尾門，既可上揭，亦可橫開，橫開又有3個角度嘅關節停頓位，喺啲窄位開「後門」，都唔怕「一推一拉」嗰度無情力撞到牆、其他車或家人，好體貼細心。另外，坐喺尾排後座，可以單手閂埋門，呢樣設計，喺啲繁忙校區接番放學最用得著，方便人又唔會阻到其他家長。最正係，當中排放咗兩張兒童安全座椅，中排座椅無法覆摺，咁後排乘客可以喺「後門」落車，真係好方便。不過，喺車尾落車，都係望多兩眼，睇清楚交通情況，小心啲好。

Honda Stepwgn Spada規格售價：$339,880 代理：Reliance Motors www.honda.com.hk 車型：五門七座，掀背尾門可上揭或橫開體積：（長）4735mm x （闊）1695mm x （高）1840mm 軸距：2890mm 跨距：（前）1470mm（後）1485mm 引擎形式：1496c.c. 直列4汽缸，缸內直噴，前置引擎壓縮比：10.6:1 馬力：150匹/5500rpm 扭力：20.7kgm/1600-5000rpm 波箱：無段變速自動（附7速手動加減功能）前輪驅動懸掛：（前）麥花臣支柱；（後）扭力桿制動：（前）透氣碟；（後）實心碟車重：1691-1705kg 油缸容量：約52公升最小迴轉半徑：5.7米耗油：15.7km/L（日本JC08燃費測計模式）輪胎：Bridgestone Turanza ER33 205/55 R17 91V（前、後）

MERCEDES-BENZ E500 AMG

LAND ROVER DISCOVERY SPORT SE

download menclub auto

點解每當放完暑假，車行又用「開學喇！」呢招嚟叫人換新車？特別係MPV。撐呢套嘅人會話：「喂！阿John，啲小朋友放完暑假，高咗大咗肥咗，舊嗰部MPV唔啱坐，timing啱㗎嘞！」我好懷疑有幾多人真係因為喺開學前，想到有必要為子女「升級」，走去換過部MPV。當然啦，從事汽車營銷，總要有啲理由（可能係藉口），先推得郁啲客換車。而家先試Stepwgn，真係好遲，啊可！

睇咗我多年寫汽車評論嘅讀者都知，我係好buy本田Stepwgn，呢樣我唔怕大大聲講，係鍾意就唔怕畀人知。點解呢？因為當你真係有仔有女，有樓要供，養埋老豆老媽子，每個月手頭鬆動嘅錢（可能係男人私己錢），只夠養部/供部MPV、加三、四缸油同停車場月租錢，咁嘅話，即係你再冇乜多餘錢，喺出面收埋個「二奶」（例如MX-5啊，R34 GT-R啊，E46 M3啊，一代TT啊，等等）兼間中同佢出去「玩」。

所以，當「選擇其實得一個」，喺焗揀焗買同焗養MPV嘅情況下，點都要揀部係「操控反應盡可能唔悶」嘅。恕我睇得太認真執著，你自問仲係鍾意揸車嘅男人，一定要堅守呢道「最後防線」。

雖然話，本田Stepwgn徹頭徹尾不過係普通MPV，但揸落總係比Noah同Serena順隨心意，入彎turn-in嘅積極程度，彎心抗傾能力，懸掛韌淨程度，body roll control嘅表現，都唔難令一般人認同：本田係有認真度過、計過、細緻調校過先賣出街，Stepwgn肯定唔會係「悶棍」到會「釣魚」嘅日本MPV。

2005年嘅第三代Stepwgn，由本田第二代Civic Type-R(EP3)總工程師蓮子末大擔大旗，數月前有機會再揸，雖然搖臂膠有啲老化有啲響，但部車整體動態仲算活潑（相比同期對手），喺西貢（大網仔附近）嘅彎路揸快少少，都冇「左跪右跪」論論盡盡。 Stepwgn變得好揸嘅歷史，要由2005年第三代數起，背後功臣之一就係負責底盤及懸掛設計嘅蓮子末大（Suehiro Hasshi），佢係第二代Civic Type-R(EP3)及最新一代Civic Type-R總工程師。講咗好多Stepwgn車系優點，好似over咗。 Chiu！有乜所謂，難得你睇到呢一段。用今日標準，回望昔日Stepwgn嘅不同（呢啲亦係同級日本產品嘅缺點），就係欠缺一個低扭更肥美嘅引擎同醒目波箱。所謂嘅更好，係指，歐洲車進步到downsizing Turbo引擎喺低轉瞬間發放峰值扭力，你啲日本MPV仲配副2公升或2.4公升自然吸氣引擎搭舊式CVT波箱，一「扯」高轉數上3000rpm至4000rpm轉，個CVT波箱就「vee嘩鬼叫」⋯⋯

咁樣唔好喎，過時喎，你畀廿幾三十萬，都係想有好啲嘅汽車生活，車廂間格舒適性固然要有改善，動力同傳動系統嘅設計，都要因應汽車嘅科技而upgrade，如果唔係咁諗，我同你都仲坐緊三菱第一代Space Wagon，唔使換車啦。所以，當我知道Stepwgn轉用1.5公升Turbo引擎，我係開心嘅。講真，Honda就係應該有吉士，show啲新技術出嚟，夠膽突破框框行到最前，咁Honda有冇試過因循苟且，「夠籌」賺番咁上下就炒冷飯呢？點會冇啊，但唔係呢期囉。

實際試車，發現Stepwgn新款嘅Turbo引擎，喺2500rpm已足夠用嚟爬山（由龍翔道天馬苑往畢架山一段），喺2500rpm以內引擎自身噪音水平唔明顯，甚至算係靜，只係喺3500rpm至4200rpm呢段嘈啲。我相信，即使多載幾個人，又要喺斜路kickdown爬頭，只需要keep住3500rpm以內，乜都夠晒力。

當知道本田要喺今代Stepwgn將「Turbo引擎同CVT」撈埋一齊，我有擔心過，怕個CVT波箱夾唔到引擎，大油踩會唔會「跣」住上轉數？好在冇，而且傳遞動力嘅質感好穩，可以講係我近年試過咁多款日本CVT波箱之中，最滿意嘅一款，尤其喺「電視台背脊」一段，即由天馬苑上到獅子山隧道出入口行車天橋，橫跨龍翔道前嗰幾百米，Stepwgn好肯去，就好似裝咗傳統六、七前速扭力轉換器自動波箱咁，同Turbo引擎gear得好合拍，大力踩落油門，加速力「頂住頂住嚟」。撥去手動轉波模式，先後喺平路、爬坡、落斜快速連升或連拖幾個波，反應算快，據知，新波箱加裝咗兩組摩打，令改變齒比嘅滑輪（Pulley）起動得更快。車壇好多車廠，成日口口聲聲話自己啲車要更有動感，點知都係得吧咀。Honda呢款CVT，真正有能力改變外界對MPV CVT波箱「姐手姐腳」嘅睇法。Honda好嘢！
新設計嘅A柱廣角鏡好好用，泊路邊位，攞位攞到盡都唔怕刮花套合金軨。仲有，方便check清楚有冇「盲毛」衝出嚟。
轉用Turbo引擎後，唔需要靠推高轉數至三、四千轉先獲得峰值扭力，引擎嘅峰值扭力數字唔算好標青，只不過20.7kgm，但輸出範圍非常之廣，由1600-5000rpm，睇睇呢個扭力mapping，大概了解到本田工程師對新世代本田Turbo引擎（本田曾在八十年代生產民用車引擎）嘅視野，就係唔盲目追求高峰值扭力，而係強調峰值扭力有廣闊嘅供應範圍，亦都切合本田目前以CVT作為MPV、入門級房車唯一款式波箱配搭嘅實情。講真，我真係好滿意呢套動力及傳動組合，暫時未搵到缺點，請諒。

我唔打算由駕駛席一路數到去中排座椅，畢竟，呢啲都係必備配置，你落showroom可以試清楚。值得講嘅係，掀背尾門，既可上揭，亦可橫開，橫開又有3個角度嘅關節停頓位，喺啲窄位開「後門」，都唔怕「一推一拉」嗰度無情力撞到牆、其他車或家人，好體貼細心。另外，坐喺尾排後座，可以單手閂埋門，呢樣設計，喺啲繁忙校區接番放學最用得著，方便人又唔會阻到其他家長。最正係，當中排放咗兩張兒童安全座椅，中排座椅無法覆摺，咁後排乘客可以喺「後門」落車，真係好方便。不過，喺車尾落車，都係望多兩眼，睇清楚交通情況，小心啲好。

Honda Stepwgn Spada規格售價：$339,880 代理：Reliance Motors www.honda.com.hk 車型：五門七座，掀背尾門可上揭或橫開體積：（長）4735mm x （闊）1695mm x （高）1840mm 軸距：2890mm 跨距：（前）1470mm（後）1485mm 引擎形式：1496c.c. 直列4汽缸，缸內直噴，前置引擎壓縮比：10.6:1 馬力：150匹/5500rpm 扭力：20.7kgm/1600-5000rpm 波箱：無段變速自動（附7速手動加減功能）前輪驅動懸掛：（前）麥花臣支柱；（後）扭力桿制動：（前）透氣碟；（後）實心碟車重：1691-1705kg 油缸容量：約52公升最小迴轉半徑：5.7米耗油：15.7km/L（日本JC08燃費測計模式）輪胎：Bridgestone Turanza ER33 205/55 R17 91V（前、後）