豪裝常餐－Volkswagen Passat 150PS Highline

文：MenClub John Chan　　圖：MenClub

POSTED ON 06 Jul 2015

我先後喺2005年和2010年到過西班牙及德國，測試第六代（B6）及第七代（B7）型福士Passat。身為亞洲人，試車期間於當地少住數天，對這款來自德國嘅Passat有咩感覺？感覺其實唔多。不過，我好記得當時嘅試車感覺，我覺得呢款車好舒服，好坐，好揸好玩嗎？普普通通啦，呢種載自己番工放工，載一家人去街，空間至上，車廂設計有心思但唔誇張嘅德國房車，係唔會好好揸，要好揸，揀棍波Golf GTI、Scirocco或Golf R，Passat唔係賣呢樣。

2010年到德國住了約一星期，嗰次主要試揸Passat柴油版同Passat Variant電油版（好像是2.0T），揸住佢，我喺禾夫斯堡附近約100公里範圍試車，兜來兜去，食吓雪糕，揸住包熊仔糖食食食，睇吓人爬艇，去禾夫斯堡Autostadt玩咗大半日，買咗好多1:43車仔，仲去埋當地唯一嘅中菜館，聽住鄧麗君食德國式咖哩牛腩。結論係：簡簡單單嘅生活係最好，簡單嘅人，少啲是非，可靠嘅車，慳油嘅柴油引擎，安全紮實嘅底盤，可以嘅話，買部棍波嘅車（嗰個星期我仲試埋福士Sharan 1.4棍波，呢部好嘢！）

如果我喺德國或歐洲生活，我一定會揀Passat柴油棍波版，唔係信唔過DSG波箱，係喺呢類恬靜國家或地區生活，根本冇需要咁多自動化嘅設計，多啲細藝，有更多機會畀你感到自己存在，咁絕對好事。

咁嗰兩代Passat有冇地方需要改進？其實，由B6進化到B7，乘坐感到駕駛感已無乜空間可以挑剔，尤其是後座空間，好闊落，腳位好充足。Passat係「賣量」嘅汽車，唔會有咁多「稜角」得罪客仔。但造車，總有改進空間，車身輕巧啲，軚感多番啲就更好。

新一代Passat，以福士集團嘅新底盤為基礎，淨重只有約1340kg，加上油液，只重1413kg，以Passat接近4.8米長，1.8米闊嘅身型，1400多13kg嘅重量，其實好輕。輕嘅好處係可以配搭動力輸出相對低嘅引擎，唔使用咁大power嘅引擎，耗油自然相對地低。

2005年，我喺西班牙，試過第六代Passat嘅入門級別－1.6 FSI棍波版，配1.6公升直四FSI缸內直噴自然吸氣電油引擎，冇Turbo，115匹/6000rpm，峰值扭力只有15.8kgm/4000rpm，0至100km/h加速11.4秒，極速200km/h。有部份亞洲區行家都避開呢款車，因為power細，又棍波，一定唔會嚟亞洲區，覺得試嚟都浪費時間，早啲試完去「鳩嗚」好過。但呢種spec嘅Passat，喺英國賣好多，有必要了解吓點解咁「吃香」。試車結論係，引擎其實已好夠用，上高速公路中段加速，120km/h至160km/h呢段絕無氣來氣喘。就算巿區用，都係每100公里用10升電油，10年前有咁嘅表現，你仲想點？

今次測試嘅150匹版本（全名為Passat ACT 150PS Highline），配1.4公升（1390c.c.）直四TSI渦輪增壓引擎，最大馬力150匹/5000-6000rpm，峰值扭力25.5kgm/1500-3500rpm。ACT（Active Cyclinder Management），其實係汽缸休止系統，當引擎處於低負荷狀態，例如大直路放開油門溜車，引擎自動關閉第2及第3汽缸運作，減省不必要耗油及動力消耗。我喺長青隧道至青馬收費區一段平坦道路試過，放開油門後，慣性衝力仍被7速DSG波箱好好善用，車速未有因部份汽缸暫時停止運作而快速回落。大油起步或短途急勁加速，幾好力，1500rpm至3000rpm有25.5kgm，幫到手喺頭中段「谷一谷」，然後畀你印住油門巡航，將轉速keep住喺1400rpm至1700rpm左右，講真，呢啲先至係慳油駕駛王道。0至100km/h加速8.4秒，個人認為可接受，請記住，呢架唔係跑車。

Passat 150PS Highline配235/45 R18尺碼輪胎，外觀不俗，但輪胎接觸路面面積始終偏大，我認為不太利於營造低耗油表現，要喺香港呢個咁地獄嘅車多繁忙環境，做到接近廠方測試嘅5.1L/100km耗油數字，絕對唔容易。翻開廠方嘅Passat Catalog一睇，有唔少16吋及17吋式樣，當然，好多香港買家唔會理，唔在乎，甚至唔知輪胎尺碼與耗油關係，靚、型、有跑味就OK，畀在我，首選16吋或17吋。

試完Passat之後，最深印象唔係多到有啲超班嘅設備，可tilt up滑動嘅天幕玻璃、3區冷氣、有按摩椅功能嘅駕駛席、8喇叭音響⋯⋯仲有N樣。而係車廂隔音比上代靜咗好多，具體啲講，上代Passat（包括Passat CC）嘅後懸掛噪音幾明顯，行經一啲起伏較大嘅凹凸路，就大大聲「bor lor bor lor」，耳仔會唔舒服，同期嘅凌志IS 250邊會咁。好，到今代Passat，地台、後座接近兩側後輪拱嘅隔音都好細緻，駛過密集嘅凹凸面或天橋駁口，都算靜。講真，Passat喺上代（B7）就應該咁，呢個年代，稍為養過一、兩部房車嘅用家，要判別一部新房車高級與否，都識得聽聽車廂隔音，而呢類巴打，愈來愈多。

文首提過上兩代Passat嘅軚感唔明顯，一味輔助力夠大，扭軚夠晒舒服，但路訊欠奉。新Passat軚感大有進步，扭落幾似Golf，係唔係同一套系統，我冇深究，就算係，亦冇所謂，喺大集團，共用部件好正常，最緊要配得恰當。上兩代Passat喺彎路快跑嘅車身滾動（Body Roll）幅度有時幾大，揸開3系、C-Class或A4嘅用家，會嫌佢「側得多啲」，今代再唔多見類似情況，儘管Highline版冇sport suspension setting，座椅嘅hip point亦較高，但彎路快劈，成部車動態幾貼服，上半身仍算穩定。Passat不改務實德國房車風格，所以冇將呢樣嘢煲大Hard Sell，換轉其他車廠，肯定喺電台廣告鋪天蓋地，日講夜講，講到你想嘔。

Passat ACT 150PS Highline賣$341,880，大體上我覺得定價合理。不過，呢期唔知點解突然多番唔少新款房車，部份嘅耗油表現及定價，都同Passat咁上下，甚至好過添。揀歐洲最大汽車集團旗艦品牌嘅皇牌中型房車，抑或試其他新嘢，梗係交番個波畀你，你大個仔嘞嘛！令壽堂都唔會幫你揀老婆啦。

Volkswagen Passat ACT 150PS Highline規格售價：$341,880 代理：Volkswagen Hong Kong www.vw.com.hk 車型：四門五座體積：（長）4767mm x （闊）1832mm x （高）1456mm 軸距：2791mm 引擎：1390c.c. 直列4汽缸Turbo，前置引擎馬力：150匹/5000-6000rpm 扭力：25.5kgm/1500-3500rpm 波箱：7前速雙離合器自動，前輪驅動懸掛：（前）麥花臣支柱；（後）四連桿制動：（前）透氣碟；（後）實心碟車重：1413kg 0至100km/h：8.4秒極速：220km/h 耗油：5.1L/100km（巿區公路混合測計模式）輪胎：Continental ContiSportContact 235/45 R18 94W（前、後）

MERCEDES-BENZ E500 AMG

LAND ROVER DISCOVERY SPORT SE

download menclub auto

我先後喺2005年和2010年到過西班牙及德國，測試第六代（B6）及第七代（B7）型福士Passat。身為亞洲人，試車期間於當地少住數天，對這款來自德國嘅Passat有咩感覺？感覺其實唔多。不過，我好記得當時嘅試車感覺，我覺得呢款車好舒服，好坐，好揸好玩嗎？普普通通啦，呢種載自己番工放工，載一家人去街，空間至上，車廂設計有心思但唔誇張嘅德國房車，係唔會好好揸，要好揸，揀棍波Golf GTI、Scirocco或Golf R，Passat唔係賣呢樣。

2010年到德國住了約一星期，嗰次主要試揸Passat柴油版同Passat Variant電油版（好像是2.0T），揸住佢，我喺禾夫斯堡附近約100公里範圍試車，兜來兜去，食吓雪糕，揸住包熊仔糖食食食，睇吓人爬艇，去禾夫斯堡Autostadt玩咗大半日，買咗好多1:43車仔，仲去埋當地唯一嘅中菜館，聽住鄧麗君食德國式咖哩牛腩。結論係：簡簡單單嘅生活係最好，簡單嘅人，少啲是非，可靠嘅車，慳油嘅柴油引擎，安全紮實嘅底盤，可以嘅話，買部棍波嘅車（嗰個星期我仲試埋福士Sharan 1.4棍波，呢部好嘢！）

如果我喺德國或歐洲生活，我一定會揀Passat柴油棍波版，唔係信唔過DSG波箱，係喺呢類恬靜國家或地區生活，根本冇需要咁多自動化嘅設計，多啲細藝，有更多機會畀你感到自己存在，咁絕對好事。

咁嗰兩代Passat有冇地方需要改進？其實，由B6進化到B7，乘坐感到駕駛感已無乜空間可以挑剔，尤其是後座空間，好闊落，腳位好充足。Passat係「賣量」嘅汽車，唔會有咁多「稜角」得罪客仔。但造車，總有改進空間，車身輕巧啲，軚感多番啲就更好。

新一代Passat，以福士集團嘅新底盤為基礎，淨重只有約1340kg，加上油液，只重1413kg，以Passat接近4.8米長，1.8米闊嘅身型，1400多13kg嘅重量，其實好輕。輕嘅好處係可以配搭動力輸出相對低嘅引擎，唔使用咁大power嘅引擎，耗油自然相對地低。

2005年，我喺西班牙，試過第六代Passat嘅入門級別－1.6 FSI棍波版，配1.6公升直四FSI缸內直噴自然吸氣電油引擎，冇Turbo，115匹/6000rpm，峰值扭力只有15.8kgm/4000rpm，0至100km/h加速11.4秒，極速200km/h。有部份亞洲區行家都避開呢款車，因為power細，又棍波，一定唔會嚟亞洲區，覺得試嚟都浪費時間，早啲試完去「鳩嗚」好過。但呢種spec嘅Passat，喺英國賣好多，有必要了解吓點解咁「吃香」。試車結論係，引擎其實已好夠用，上高速公路中段加速，120km/h至160km/h呢段絕無氣來氣喘。就算巿區用，都係每100公里用10升電油，10年前有咁嘅表現，你仲想點？

今次測試嘅150匹版本（全名為Passat ACT 150PS Highline），配1.4公升（1390c.c.）直四TSI渦輪增壓引擎，最大馬力150匹/5000-6000rpm，峰值扭力25.5kgm/1500-3500rpm。ACT（Active Cyclinder Management），其實係汽缸休止系統，當引擎處於低負荷狀態，例如大直路放開油門溜車，引擎自動關閉第2及第3汽缸運作，減省不必要耗油及動力消耗。我喺長青隧道至青馬收費區一段平坦道路試過，放開油門後，慣性衝力仍被7速DSG波箱好好善用，車速未有因部份汽缸暫時停止運作而快速回落。大油起步或短途急勁加速，幾好力，1500rpm至3000rpm有25.5kgm，幫到手喺頭中段「谷一谷」，然後畀你印住油門巡航，將轉速keep住喺1400rpm至1700rpm左右，講真，呢啲先至係慳油駕駛王道。0至100km/h加速8.4秒，個人認為可接受，請記住，呢架唔係跑車。

Passat 150PS Highline配235/45 R18尺碼輪胎，外觀不俗，但輪胎接觸路面面積始終偏大，我認為不太利於營造低耗油表現，要喺香港呢個咁地獄嘅車多繁忙環境，做到接近廠方測試嘅5.1L/100km耗油數字，絕對唔容易。翻開廠方嘅Passat Catalog一睇，有唔少16吋及17吋式樣，當然，好多香港買家唔會理，唔在乎，甚至唔知輪胎尺碼與耗油關係，靚、型、有跑味就OK，畀在我，首選16吋或17吋。

試完Passat之後，最深印象唔係多到有啲超班嘅設備，可tilt up滑動嘅天幕玻璃、3區冷氣、有按摩椅功能嘅駕駛席、8喇叭音響⋯⋯仲有N樣。而係車廂隔音比上代靜咗好多，具體啲講，上代Passat（包括Passat CC）嘅後懸掛噪音幾明顯，行經一啲起伏較大嘅凹凸路，就大大聲「bor lor bor lor」，耳仔會唔舒服，同期嘅凌志IS 250邊會咁。好，到今代Passat，地台、後座接近兩側後輪拱嘅隔音都好細緻，駛過密集嘅凹凸面或天橋駁口，都算靜。講真，Passat喺上代（B7）就應該咁，呢個年代，稍為養過一、兩部房車嘅用家，要判別一部新房車高級與否，都識得聽聽車廂隔音，而呢類巴打，愈來愈多。

文首提過上兩代Passat嘅軚感唔明顯，一味輔助力夠大，扭軚夠晒舒服，但路訊欠奉。新Passat軚感大有進步，扭落幾似Golf，係唔係同一套系統，我冇深究，就算係，亦冇所謂，喺大集團，共用部件好正常，最緊要配得恰當。上兩代Passat喺彎路快跑嘅車身滾動（Body Roll）幅度有時幾大，揸開3系、C-Class或A4嘅用家，會嫌佢「側得多啲」，今代再唔多見類似情況，儘管Highline版冇sport suspension setting，座椅嘅hip point亦較高，但彎路快劈，成部車動態幾貼服，上半身仍算穩定。Passat不改務實德國房車風格，所以冇將呢樣嘢煲大Hard Sell，換轉其他車廠，肯定喺電台廣告鋪天蓋地，日講夜講，講到你想嘔。

Passat ACT 150PS Highline賣$341,880，大體上我覺得定價合理。不過，呢期唔知點解突然多番唔少新款房車，部份嘅耗油表現及定價，都同Passat咁上下，甚至好過添。揀歐洲最大汽車集團旗艦品牌嘅皇牌中型房車，抑或試其他新嘢，梗係交番個波畀你，你大個仔嘞嘛！令壽堂都唔會幫你揀老婆啦。

Volkswagen Passat ACT 150PS Highline規格售價：$341,880 代理：Volkswagen Hong Kong www.vw.com.hk 車型：四門五座體積：（長）4767mm x （闊）1832mm x （高）1456mm 軸距：2791mm 引擎：1390c.c. 直列4汽缸Turbo，前置引擎馬力：150匹/5000-6000rpm 扭力：25.5kgm/1500-3500rpm 波箱：7前速雙離合器自動，前輪驅動懸掛：（前）麥花臣支柱；（後）四連桿制動：（前）透氣碟；（後）實心碟車重：1413kg 0至100km/h：8.4秒極速：220km/h 耗油：5.1L/100km（巿區公路混合測計模式）輪胎：Continental ContiSportContact 235/45 R18 94W（前、後）