好玩四驅大作戰—Subaru XV 2.0i-S

文：MenClub John Chan　　

POSTED ON 06 Jul 2017

Photos: Heat Production 我喺2012年試揸過Subaru上一代XV 2.0。當時覺得佢外形獨特，車廂隔音靜，我睇返當時自己寫嘅試車後感，讚過佢廿零萬車價，整體表現比得上三十幾萬嘅產品。月初到過台北出席Subaru全新 XV試車活動，再加上返港後再次試車，整體覺得呢款新車有好大進步。事隔5年多，新XV依然物有所值，應該話，有少少物超所值。

新XV依然好有Crossover汽車嘅味道，五門掀背五座格局，車廂闊落，我覺得揸咗歐、日掀背車或傳統SUV一段長時間嘅用家，可以試揸好似XV呢類兼有兩種性格嘅新車，畀啲刺激自己。今次試揸呢部，車身配Cool Grey Khaki卡其色，好少見呢種顏色，揸出街，夠晒凸出。如果你問我，會揀Sunshine Orange，抑或呢款卡其色，我諗我都幾難下抉擇，因為兩隻我都Like。啞黑色Coating泵把、新款LED頭尾燈，幾Sharp醒。

我覺得稍為有多少少用車或玩車經驗，尤其是日本車用家，當試過車之後都會認同，新XV比過往四、五年，以至十年內嘅Subaru汽車硬淨紮實得多。喺台北嘅新XV發表會，抑或你睇睇香港代理、以至日本嘅Subaru網頁，都唔難見到SGP（Subaru Global Platform）平台呢個字。點解要成日提住？真係咁正？

籠統咁講，採用SGP平台製作嘅新車（包括我哋去年底喺新加坡測試嘅新Impreza），喺高速過彎、直進，以至係高速輾過密集起伏點，車架、車身扭擺都比已往大幅減輕，好硬淨，亦都唔多覺有來自車底或懸掛伸縮時嘅雜噪。老實講，去到呢個階段嘅Subaru主流型號（唔計WRX STI呢啲高性能），的確有著一陣陣嘅「歐洲車味」。

SGP強調喺吸收撞擊力方面嘅表現，比非SGP平台嘅Subaru型號高40%，而新XV喺JNCAP日本新車評審計劃嘅撞擊測試中，亦取得有史以來最高分數，咁又的確係幾威，亦都好唔簡單。

雖然話Subaru喺SGP平台落足本，提升剛性及抵禦撞擊力，但XV揸落仍算係輕巧。今次拍攝，我哋駛經多個迴旋處，呢款車先天嘅重量分布得幾平均（我相信普羅汽車用家都感受到），「進」與「出」都好輕快，唔論盡，完全唔似一部有1.4噸嘅汽車。

香港發售嘅XV配2公升水平對向直噴自然吸氣引擎，最大馬力156匹，峰值扭力20kgm，波箱屬Lineartronic無段變速，可作7速手動轉波。以XV嘅車種同用途嚟講，呢個引擎馬力輸出水平係餘裕之中帶Sporty味道，雖然只係自然吸氣引擎，但低扭好飽滿，比上一代XV嘅2公升平四機器固然好得多，我甚至覺得佢可能係日本同級車之中，最高質素嘅2公升機器。你有機會試車，不妨留意佢由2500rpm至5000rpm，運轉好穩定，動力同轉數上升嘅比例好清晰，短途大油加速都算靜，我唔想就咁簡單一句歸功「水平對向引擎」機器，總之你慢慢feel吓，自己判斷啦！

另一項我好滿意嘅係Lineartronic自動波箱，揸落冇晒以往CVT嗰種，由踩油門踏板至你感受到引擎發力嗰刻，再冇明顯時滯，你右腳嘅介入同佢嘅作出反應，兩者幾乎同步，唔話你知，你仲以為佢係傳統扭力轉換器自動波箱。我認為，新XV能夠喺擁有更牢固、紮實嘅汽車剛性同時，又做到每7公升汽油可行駛100km嘅油耗表現，好大原因同Lineartronic自動波箱嘅高效傳遞，以至直噴燃油供應系統好有關，動力傳送得快、準、實淨，低扭出現得早，上斜同短途加速都無需刻意深踏油門，盡用引擎動力。

新XV都有X Mode，呢項喺Forester好玩又好用嘅裝置，終於被應用到28萬有找嘅XV。撳個掣，落斜唔使畀油，亦唔使踩Brake，交晒畀電腦執行。對一啲住喺新界偏遠，又或西貢區村屋，斜路同豪雨水浸情況都勁多嘅車主，非常實用。住巿區嘅，偶爾揸去新界幾條著名長命斜玩玩，都好過癮㗎。

如果你近年都有留意新車消息或試車，亦都仲記得上代XV嘅車廂佈局，當你坐上新XV之後，都會認同Subaru今次幾捨得落本。 8吋Hi Fi機頭嘅觸控屏幕、操作界面同字款都有Hi Tech味。原廠真皮座椅配橙色縫線，隔住窗望入去，以為係Executive Sports Sedan嘅車廂。睇真啲，碳纖質感同鋁質飾件嘅賣相都幾有跑味。 Hi Fi機頭支援Apple CarPlay同Android Android Auto，開齊兩瓣，「韓機」「日系」「國產機」，以至iPhone都對應晒，免煩。其他輸港嘅歐、日同級對手真係要學吓嘢喇！

新XV，車價279,800元，呢個定價水平絕對係近期嘅話題之作。代理向我表示，7月8至9日喺奧海城嘅首展，將會有特別推廣優惠，記得去睇吓同試車！

Subaru XV 2.0i-S規格售價：$279,800 代理：Motor Image www.subaru.asia/hk 電話：2828 2488 車型：五門五座體積：（長）4465mm x （闊）1800mm x （高）1550mm 軸距：2670mm 引擎：1995c.c. 水平對向4汽缸DIT，前置引擎馬力：156匹/5600rpm 扭力：20kgm/4000rpm 波箱：Lineartronic CVT無段變速自動傳動：全時間四輪驅動，配主動扭力分配系統懸掛：（前）獨立麥花臣支柱；（後）獨立雙搖臂耗油：7.0L/100km 輪胎：Bridgestone Dueler H/P Sport 225/55 R18（前、後）

MERCEDES-BENZ E500 AMG

LAND ROVER DISCOVERY SPORT SE

download menclub auto

Photos: Heat Production 我喺2012年試揸過Subaru上一代XV 2.0。當時覺得佢外形獨特，車廂隔音靜，我睇返當時自己寫嘅試車後感，讚過佢廿零萬車價，整體表現比得上三十幾萬嘅產品。月初到過台北出席Subaru全新 XV試車活動，再加上返港後再次試車，整體覺得呢款新車有好大進步。事隔5年多，新XV依然物有所值，應該話，有少少物超所值。

新XV依然好有Crossover汽車嘅味道，五門掀背五座格局，車廂闊落，我覺得揸咗歐、日掀背車或傳統SUV一段長時間嘅用家，可以試揸好似XV呢類兼有兩種性格嘅新車，畀啲刺激自己。今次試揸呢部，車身配Cool Grey Khaki卡其色，好少見呢種顏色，揸出街，夠晒凸出。如果你問我，會揀Sunshine Orange，抑或呢款卡其色，我諗我都幾難下抉擇，因為兩隻我都Like。啞黑色Coating泵把、新款LED頭尾燈，幾Sharp醒。

我覺得稍為有多少少用車或玩車經驗，尤其是日本車用家，當試過車之後都會認同，新XV比過往四、五年，以至十年內嘅Subaru汽車硬淨紮實得多。喺台北嘅新XV發表會，抑或你睇睇香港代理、以至日本嘅Subaru網頁，都唔難見到SGP（Subaru Global Platform）平台呢個字。點解要成日提住？真係咁正？

籠統咁講，採用SGP平台製作嘅新車（包括我哋去年底喺新加坡測試嘅新Impreza），喺高速過彎、直進，以至係高速輾過密集起伏點，車架、車身扭擺都比已往大幅減輕，好硬淨，亦都唔多覺有來自車底或懸掛伸縮時嘅雜噪。老實講，去到呢個階段嘅Subaru主流型號（唔計WRX STI呢啲高性能），的確有著一陣陣嘅「歐洲車味」。

SGP強調喺吸收撞擊力方面嘅表現，比非SGP平台嘅Subaru型號高40%，而新XV喺JNCAP日本新車評審計劃嘅撞擊測試中，亦取得有史以來最高分數，咁又的確係幾威，亦都好唔簡單。

雖然話Subaru喺SGP平台落足本，提升剛性及抵禦撞擊力，但XV揸落仍算係輕巧。今次拍攝，我哋駛經多個迴旋處，呢款車先天嘅重量分布得幾平均（我相信普羅汽車用家都感受到），「進」與「出」都好輕快，唔論盡，完全唔似一部有1.4噸嘅汽車。

香港發售嘅XV配2公升水平對向直噴自然吸氣引擎，最大馬力156匹，峰值扭力20kgm，波箱屬Lineartronic無段變速，可作7速手動轉波。以XV嘅車種同用途嚟講，呢個引擎馬力輸出水平係餘裕之中帶Sporty味道，雖然只係自然吸氣引擎，但低扭好飽滿，比上一代XV嘅2公升平四機器固然好得多，我甚至覺得佢可能係日本同級車之中，最高質素嘅2公升機器。你有機會試車，不妨留意佢由2500rpm至5000rpm，運轉好穩定，動力同轉數上升嘅比例好清晰，短途大油加速都算靜，我唔想就咁簡單一句歸功「水平對向引擎」機器，總之你慢慢feel吓，自己判斷啦！

另一項我好滿意嘅係Lineartronic自動波箱，揸落冇晒以往CVT嗰種，由踩油門踏板至你感受到引擎發力嗰刻，再冇明顯時滯，你右腳嘅介入同佢嘅作出反應，兩者幾乎同步，唔話你知，你仲以為佢係傳統扭力轉換器自動波箱。我認為，新XV能夠喺擁有更牢固、紮實嘅汽車剛性同時，又做到每7公升汽油可行駛100km嘅油耗表現，好大原因同Lineartronic自動波箱嘅高效傳遞，以至直噴燃油供應系統好有關，動力傳送得快、準、實淨，低扭出現得早，上斜同短途加速都無需刻意深踏油門，盡用引擎動力。

新XV都有X Mode，呢項喺Forester好玩又好用嘅裝置，終於被應用到28萬有找嘅XV。撳個掣，落斜唔使畀油，亦唔使踩Brake，交晒畀電腦執行。對一啲住喺新界偏遠，又或西貢區村屋，斜路同豪雨水浸情況都勁多嘅車主，非常實用。住巿區嘅，偶爾揸去新界幾條著名長命斜玩玩，都好過癮㗎。

如果你近年都有留意新車消息或試車，亦都仲記得上代XV嘅車廂佈局，當你坐上新XV之後，都會認同Subaru今次幾捨得落本。 8吋Hi Fi機頭嘅觸控屏幕、操作界面同字款都有Hi Tech味。原廠真皮座椅配橙色縫線，隔住窗望入去，以為係Executive Sports Sedan嘅車廂。睇真啲，碳纖質感同鋁質飾件嘅賣相都幾有跑味。 Hi Fi機頭支援Apple CarPlay同Android Android Auto，開齊兩瓣，「韓機」「日系」「國產機」，以至iPhone都對應晒，免煩。其他輸港嘅歐、日同級對手真係要學吓嘢喇！

新XV，車價279,800元，呢個定價水平絕對係近期嘅話題之作。代理向我表示，7月8至9日喺奧海城嘅首展，將會有特別推廣優惠，記得去睇吓同試車！

Subaru XV 2.0i-S規格售價：$279,800 代理：Motor Image www.subaru.asia/hk 電話：2828 2488 車型：五門五座體積：（長）4465mm x （闊）1800mm x （高）1550mm 軸距：2670mm 引擎：1995c.c. 水平對向4汽缸DIT，前置引擎馬力：156匹/5600rpm 扭力：20kgm/4000rpm 波箱：Lineartronic CVT無段變速自動傳動：全時間四輪驅動，配主動扭力分配系統懸掛：（前）獨立麥花臣支柱；（後）獨立雙搖臂耗油：7.0L/100km 輪胎：Bridgestone Dueler H/P Sport 225/55 R18（前、後）