【預咗解畫】Ford Mustang 2.3 EcoBoost 6AT

文：MenClub John Chan　　圖：MenClub

POSTED ON 04 Nov 2016

問十個車迷，有九個都覺得Ford喺Mustang推出2.3 EcoBoost級別係多餘，覺得「四汽缸Muscle Car」唔會有人買。理由係：Mustang一定要有大容積（c.c.）V8引擎，冇嘅話，就好似食蛇羮冇「薄脆」，又或者熱狗冇咗條腸咁。

我大致上認同呢90%巴打嘅睇法。喺香港，你唔會當Mustang係「腳車」，日日揸，所以即使5.0 V8自然吸氣引擎版本嘅耗油量係高啲，咁又有乜所謂。既然No Problem，2.3 EcoBoost版本真係唔使試。

車迷有車迷諗嘅一套，車廠亦有佢哋嘅算盤，全世界唔係好多地方好似美國咁，有「開心價」嘅油價，事實上，福特（Ford）好有心要從今代Mustang開始，將佢變成一款Global Sports Car，即係話要賣多啲車。老土嗰句：要迎合國際合味，唔可以再淨係牛仔靴、牛仔褲加牛仔帽。

所謂「國際味」，起碼喺5.0 V8以外有其他引擎選擇，亦即係c.c.細啲，耗油量低啲嘅引擎，目前歐洲相近大小嘅Coupe都配搭直四Turbo引擎，福特跟大隊照去，Mustang 2.3 EcoBoost呢副2.3公升直四Turbo機器，與Focus RS嗰副2.3公升直四Turbo容積相同，但後者嘅中冷器、水箱同部份配置略有不同。

馬力輸出方面，Mustang 2.3 EcoBoost最大馬力317匹/5700rpm，比5.0 V8細99匹，峰值扭力44.1kgm/3000rpm，比5.0 V8版本少8.9kgm。今次試駕嘅波箱係六前速自動（扭力轉換器），代理亦有引入六前速手波版本。大家好like Mustang嘅V8引擎，我理解，但我喺幾個月前試過車後發現：「都滿意嘅！轉數算肯上，聲都幾好，氣氛係OK嘅！」「但未至於驚喜，以至無懈可擊」嘅程度。

小弟唔係食美國車奶水長大，實在難以從心出發理解同投入美式大c.c. V8引擎文化。我哋呢啲長年畀日本車同歐洲車縱壞，總覺得引擎運轉爽快，轉數上得快嘅先啱feel。呢副2.3公升直四Turbo引擎，無V8引擎「wub wub wub wub……」嘅低頻，著咗車怠速算幾靜，V8友實話佢「冇聲冇氣」。喺一般巿區嘅「街坊彎」兜幾個圈，已發覺2.3 EcoBoost車頭負磅明顯低，入彎動態輕鬆得多，冇5.0 V8嗰種「重Dub Dub」。

試揸過5.0 V8再試2.3 EcoBoost，會覺得後者嘅駕駛艙「怪怪哋」，「點解咁靜嘅」，2500rpm以內嘅動力質感同大家慣常揸開嘅四汽缸Turbo寶馬或平治冇大分別，唯一特別之處，福特喺2.3 EcoBoost嘅排氣喉落咗少少功夫，令到佢喺3000rpm以內嘅低頻變得特別啲，令你覺得佢有意模仿V8自然吸氣機器嘅味道。不過，模仿還模仿，唔似㗎，大家唔好太認真。由3000rpm大油踩上6000rpm呢段，好爽，力大，推背感呢？都有啲啲嘅，但唔算強烈，始終Mustang係「大隻仔」，負重磅，接近1.7噸，加速感尚算Sporty，但一定唔係High Performance。如果你長年揸慣V6、V8引擎「大車」，又或者有揸過V8引擎嘅Mustang，一定會覺得Mustang 2.3 EcoBoost嘅配搭好怪，又可能係好新奇，明明係反應快上快落嘅四汽缸Turbo引擎，偏偏出現喺座墊厚度好似屋企梳化，中控台、中槽「大大份」嘅Mustang身上，情況就似林雪大哥某日一開口，竟然有林海峰嘅醒神聲線同爽快節奏。

波箱方面，表現只算中規中矩，情況同5.0 V8版本嘅6前速自動波箱相似，順暢佢一定做得到，D波kickdown反應亦都可以畀到85分，只係覺得波箱未能跟得上本身係高性能tuning嘅引擎，你會覺得，手動轉波可以再快啲喎（至少快30%），D波（Sport Mode）嘅智能度可以再敏感啲喎。但係話分兩頭，如果你鍾意Mustang，純粹係因為佢美國肌肉車味嘅外形，好似呢部黃色咁搶眼，轉波慢少少又有乜所謂，借用本地車迷最常用嗰一句：「貪佢個殼夠特別啫！」


上文提過Mustang 2.3 EcoBoost輕巧啲，呢個係事實，無論喺上落斜大彎或者山路窄彎都靈活好多，呢種分野喺歐洲Coupe較少見，但諗唔到5.0 V8同2.3 EcoBoost喺彎路表現嘅分別可以咁大，希望未來嘅福特V8引擎可以有2公升級直四Turbo版本咁輕身就好，希望唔使等到2050年之後啦！

Mustang 2.3 EcoBoost唔係冇缺點。今代Mustang嘅懸掛喺優質鋪裝道路，基本上做到支承力充足、抗傾力好呢兩大要點，而且輪拱同地台附近區域嘅隔音唔錯，底子好，理應有更大進境。但係喺起伏大路段或駛過彈跳嘅天橋接駁口，懸掛對車胎回彈嘅管束唔夠快，唔夠穩，亦唔夠柔韌，車胎當遇到起伏路面嘅衝擊，就好似泵滿氣嘅籃球彈過不停，喺荃錦公路或磨蝕較大嘅吐露港公路慢線行車，經常感到來自車胎與地面碰撞所產生嘅震盪同嘮嘈。籠統同簡單啲講，就係懸掛tuning未夠仔細。

我相信一早想買Mustang嘅車迷，已經收咗車喺街爽緊，又或者快將收車。呢一代Mustang喺香港賣幾多部，唔係重點，反正大家心中有數，值得留意係，新一代Mustang真係向香港主流車迷走近咗，所謂走近咗，就係連我呢類揸開2.5至3.0公升級Coupe嘅用家，都會幻想吓：「咦！唔知遲啲有冇得搵部易手Mustang 2.3玩吓，過吓手癮呢？」喂喂！買咗Mustang 2.3六前速手波嗰批巴打，幾年後賣車麻煩PM小弟，呢度有人想接力！
Ford Mustang 2.3 EcoBoost規格售價：$599,000 代理：Future Motors www.hkford.com 車型：雙門四座體積：（長）4784mm x （闊）1916mm x （高）1381mm 軸距：2720mm 引擎：2261c.c. 直列4汽缸渦輪增壓直噴，前置引擎口徑 x 衝程：87.6mm x 94.0mm 壓縮比：9.5:1 馬力：317匹/5500rpm 扭力：44.1kgm/3500rpm 波箱：6前速自動，後輪驅動懸掛：（前）麥花臣支柱；（後）多連桿 0至100km/h加速：5.8秒（6速手波版）制動：（前）350mm x 32mm透氣碟；（後）330mm x 25mm透氣碟車重：1653kg 行李艙：408公升油缸容積：59公升耗油：9.8l/100km/h 輪胎：Pirelli P Zero 255/40 R19 （前、後）

MERCEDES-BENZ E500 AMG

LAND ROVER DISCOVERY SPORT SE

download menclub auto

問十個車迷，有九個都覺得Ford喺Mustang推出2.3 EcoBoost級別係多餘，覺得「四汽缸Muscle Car」唔會有人買。理由係：Mustang一定要有大容積（c.c.）V8引擎，冇嘅話，就好似食蛇羮冇「薄脆」，又或者熱狗冇咗條腸咁。

我大致上認同呢90%巴打嘅睇法。喺香港，你唔會當Mustang係「腳車」，日日揸，所以即使5.0 V8自然吸氣引擎版本嘅耗油量係高啲，咁又有乜所謂。既然No Problem，2.3 EcoBoost版本真係唔使試。

車迷有車迷諗嘅一套，車廠亦有佢哋嘅算盤，全世界唔係好多地方好似美國咁，有「開心價」嘅油價，事實上，福特（Ford）好有心要從今代Mustang開始，將佢變成一款Global Sports Car，即係話要賣多啲車。老土嗰句：要迎合國際合味，唔可以再淨係牛仔靴、牛仔褲加牛仔帽。

所謂「國際味」，起碼喺5.0 V8以外有其他引擎選擇，亦即係c.c.細啲，耗油量低啲嘅引擎，目前歐洲相近大小嘅Coupe都配搭直四Turbo引擎，福特跟大隊照去，Mustang 2.3 EcoBoost呢副2.3公升直四Turbo機器，與Focus RS嗰副2.3公升直四Turbo容積相同，但後者嘅中冷器、水箱同部份配置略有不同。

馬力輸出方面，Mustang 2.3 EcoBoost最大馬力317匹/5700rpm，比5.0 V8細99匹，峰值扭力44.1kgm/3000rpm，比5.0 V8版本少8.9kgm。今次試駕嘅波箱係六前速自動（扭力轉換器），代理亦有引入六前速手波版本。大家好like Mustang嘅V8引擎，我理解，但我喺幾個月前試過車後發現：「都滿意嘅！轉數算肯上，聲都幾好，氣氛係OK嘅！」「但未至於驚喜，以至無懈可擊」嘅程度。

小弟唔係食美國車奶水長大，實在難以從心出發理解同投入美式大c.c. V8引擎文化。我哋呢啲長年畀日本車同歐洲車縱壞，總覺得引擎運轉爽快，轉數上得快嘅先啱feel。呢副2.3公升直四Turbo引擎，無V8引擎「wub wub wub wub……」嘅低頻，著咗車怠速算幾靜，V8友實話佢「冇聲冇氣」。喺一般巿區嘅「街坊彎」兜幾個圈，已發覺2.3 EcoBoost車頭負磅明顯低，入彎動態輕鬆得多，冇5.0 V8嗰種「重Dub Dub」。

試揸過5.0 V8再試2.3 EcoBoost，會覺得後者嘅駕駛艙「怪怪哋」，「點解咁靜嘅」，2500rpm以內嘅動力質感同大家慣常揸開嘅四汽缸Turbo寶馬或平治冇大分別，唯一特別之處，福特喺2.3 EcoBoost嘅排氣喉落咗少少功夫，令到佢喺3000rpm以內嘅低頻變得特別啲，令你覺得佢有意模仿V8自然吸氣機器嘅味道。不過，模仿還模仿，唔似㗎，大家唔好太認真。由3000rpm大油踩上6000rpm呢段，好爽，力大，推背感呢？都有啲啲嘅，但唔算強烈，始終Mustang係「大隻仔」，負重磅，接近1.7噸，加速感尚算Sporty，但一定唔係High Performance。如果你長年揸慣V6、V8引擎「大車」，又或者有揸過V8引擎嘅Mustang，一定會覺得Mustang 2.3 EcoBoost嘅配搭好怪，又可能係好新奇，明明係反應快上快落嘅四汽缸Turbo引擎，偏偏出現喺座墊厚度好似屋企梳化，中控台、中槽「大大份」嘅Mustang身上，情況就似林雪大哥某日一開口，竟然有林海峰嘅醒神聲線同爽快節奏。

波箱方面，表現只算中規中矩，情況同5.0 V8版本嘅6前速自動波箱相似，順暢佢一定做得到，D波kickdown反應亦都可以畀到85分，只係覺得波箱未能跟得上本身係高性能tuning嘅引擎，你會覺得，手動轉波可以再快啲喎（至少快30%），D波（Sport Mode）嘅智能度可以再敏感啲喎。但係話分兩頭，如果你鍾意Mustang，純粹係因為佢美國肌肉車味嘅外形，好似呢部黃色咁搶眼，轉波慢少少又有乜所謂，借用本地車迷最常用嗰一句：「貪佢個殼夠特別啫！」


上文提過Mustang 2.3 EcoBoost輕巧啲，呢個係事實，無論喺上落斜大彎或者山路窄彎都靈活好多，呢種分野喺歐洲Coupe較少見，但諗唔到5.0 V8同2.3 EcoBoost喺彎路表現嘅分別可以咁大，希望未來嘅福特V8引擎可以有2公升級直四Turbo版本咁輕身就好，希望唔使等到2050年之後啦！

Mustang 2.3 EcoBoost唔係冇缺點。今代Mustang嘅懸掛喺優質鋪裝道路，基本上做到支承力充足、抗傾力好呢兩大要點，而且輪拱同地台附近區域嘅隔音唔錯，底子好，理應有更大進境。但係喺起伏大路段或駛過彈跳嘅天橋接駁口，懸掛對車胎回彈嘅管束唔夠快，唔夠穩，亦唔夠柔韌，車胎當遇到起伏路面嘅衝擊，就好似泵滿氣嘅籃球彈過不停，喺荃錦公路或磨蝕較大嘅吐露港公路慢線行車，經常感到來自車胎與地面碰撞所產生嘅震盪同嘮嘈。籠統同簡單啲講，就係懸掛tuning未夠仔細。

我相信一早想買Mustang嘅車迷，已經收咗車喺街爽緊，又或者快將收車。呢一代Mustang喺香港賣幾多部，唔係重點，反正大家心中有數，值得留意係，新一代Mustang真係向香港主流車迷走近咗，所謂走近咗，就係連我呢類揸開2.5至3.0公升級Coupe嘅用家，都會幻想吓：「咦！唔知遲啲有冇得搵部易手Mustang 2.3玩吓，過吓手癮呢？」喂喂！買咗Mustang 2.3六前速手波嗰批巴打，幾年後賣車麻煩PM小弟，呢度有人想接力！
Ford Mustang 2.3 EcoBoost規格售價：$599,000 代理：Future Motors www.hkford.com 車型：雙門四座體積：（長）4784mm x （闊）1916mm x （高）1381mm 軸距：2720mm 引擎：2261c.c. 直列4汽缸渦輪增壓直噴，前置引擎口徑 x 衝程：87.6mm x 94.0mm 壓縮比：9.5:1 馬力：317匹/5500rpm 扭力：44.1kgm/3500rpm 波箱：6前速自動，後輪驅動懸掛：（前）麥花臣支柱；（後）多連桿 0至100km/h加速：5.8秒（6速手波版）制動：（前）350mm x 32mm透氣碟；（後）330mm x 25mm透氣碟車重：1653kg 行李艙：408公升油缸容積：59公升耗油：9.8l/100km/h 輪胎：Pirelli P Zero 255/40 R19 （前、後）