貪心．矛盾．有趣－Subaru Forester 2.0XT

POSTED ON 10 Jun 2016

Photos & Video: Heat Production 無論你認唔認同有冇地產霸權，車位售價同車位租金喺過去一年多的確係咁升。你可能話，再係咁，我唔再養車㗎喇！賣晒啲車囉，轉搭港鐵算。講！就幾時都咁易！但係，當冇車喺手，想去遠啲，周末周日或長假期想走多幾個地方，做多幾件事，淨係花喺轉車等車都浪費唔少時間。最慘係，好快就覺得成個生活圈子「大縮水」，friend叫你去踩單車，no喇！去遠少少撐枱腳再直落西貢糖水局呢？都冇嘞！呢種堅持通常都頂到3至4個月嘅，但到第6個月，你唔投降，女友或老婆都咋晒你型。

[Youtube]https://youtu.be/dSOtwCnYjAA[/Youtube]
睇返唔少因為車位或其他原因而唔再養車嘅case，好多時都係因為部車唔夠實用，你話部車夠載一家幾口，行李艙夠大，又幾好揸，慳油得嚟又有高性能嘅一面，咁多「留低佢」嘅理由，稍為醒少少攤開衡量，一望就知點計都係著數，死都Keep住啦，使鬼怕車位加價咩！要揀啲駕駛感豐富啲，兼顧到操控表現同配搭到大馬力引擎嘅車種，一定唔會叫你揀MPV，應該將焦點放喺SUV。 SUV呢個名詞出現咗廿幾年，而家可謂各門各派，各有精彩，但仍然喺製作理念上有堅持，會企硬，又做得出色，呼應到節能大氣候嘅例子，唔算多。 1997年發表嘅Subaru Forester車系，即將踏入20周年，發展到而家已經係第四代。唔少揸過日本Turbo快車，又鍾意Subaru四驅系統嘅巴打，可能都擁有過或揸過其中一、兩代。

2016年版Forester 2.0XT有多項新設計同重點升級，外觀上，車頭車尾燈組、鬼面罩、新款合金輪圈同一眼望埋去就見到嘅SRH轉向感應頭燈。2016年版採用2公升水平對向四汽缸DIT引擎，DIT，即是Direct Injection Turbo，最大馬力達241匹/5600rpm，峰值扭力350Nm/2400rpm-3600rpm，配附有主動扭力分配嘅全時間四輪驅動系統。

動力方面，以2公升Turbo引擎嚟講，極之充沛，你視之為一台已踏入高性能級數門檻嘅Turbo引擎絕無不可。不過，Subaru冇過份強調引擎喺高性能嘅表現，試揸過後你或會認同，呢款水平對向機器好刻意要兼顧城巿用車時嘅扭力輸出，佢喺2000rpm內嘅靜止起動力相當好，而且韌力夠強，遇到啲斜路，唔想畀油畀得太勁（可能你望緊有冇錶位），陰柔啲對待油門，佢已經能力輕鬆應付，而且內勁十足，想突然變調加快，腳掌印深少少就掂。整體感覺，呢副水平四汽缸Turbo引擎喺日常使用好輕鬆，好爽。

一如其他Subaru水平對向引擎，呢款輸出達241匹嘅Turbo引擎，運轉質感幾滑，由低轉至高轉，刻意陰柔或急激對待，震盪都好輕微，而且夠靜。廠方話2016年版喺車廂隔音方面有多項upgrade，例如全車轉用較厚嘅玻璃，喺隧道拍住巴士同貨櫃車行車，即使耳仔靠近重型車嘅「巨轆」，都好靜喎。其實，你認真少少feel吓，車門、引擎與駕駛艙之間，以至車廂地台嘅隔音，都好咗好多，我覺得佢好過唔少相近價位、以至售價貴五至八萬嘅德日行政房車。

頭先提過，「慳油又高性能」……好大矛盾喎！你實會話我吹水唔抹咀，實情係，Forester 2.0XT嘅DIT燃油噴注系統、SI Drive駕駛模式選擇功能同Lineartronic無段變速自動波箱，喺兼顧慳油同高性能呢兩方面都起咗非常關鍵作用。SI Drive嘅Sport Sharp同Intelligent模式，令到引擎同轉波反應，既可以凌厲，亦可以揸得輕輕鬆鬆，以最低嘅耗油應付長途路程。我哋幾鍾意Lineartronic嘅手動轉波模式，將波棍撥去左邊，即刻分成8個段落，跑山路彎路，畀油同轉波嘅自主性大咗好多，最正係，加減轉波反應快，動力嚟得結實，冇晒十幾二十年前無段變速自動波箱嘅缺點。睇睇耗油數字，只係8.5L/100km，以執筆時汽油每公升$14.59（正價）計算，每公里都係$1.2，計埋減價優惠，$1公里絕非難事。
軚盤右方為SRH轉向感應頭燈掣、掀背尾門高度設定、掀背尾門電動開關等功能鍵
睇Forester 2.0XT，廠方冇過份高調提及改良懸掛設定同乘坐質素。其實，2016年版已經再強化前懸掛，例如換上硬度更高嘅前橫杆、新款嘅避震機。喺抗傾同支承力都改善最大。以駕駛者角度睇，Forester 2.0XT喺轉向系統嘅改良最為深印象，轉向比率由之前的15.5:1降至14.0:1，turn-in入彎sharp咗，扭動軚盤的回饋力比以前更實在。做乘客，懸掛系統喺高速駛過起伏大嘅路面，能夠好有效控制車身浮盪，唔會坐到浮吓浮吓，意想唔到帶少少歐洲SUV嘅硬朗味道。

2016年嘅今日，仲喺度將四輪驅動汽車嘅優點細說從頭，實在嘥時間，好多人都知四驅系統先天抓著力好，亦因SI Drive、Lineartronic、DIT呢類能夠發揮節能新技術，四輪驅動嘅汽車都可以好慳油。所以，唔好再人云亦云：「四驅？好大食喎！」 2016年版Forester 2.0XT裝有X-Mode駕駛模式，喺波箱前面撳個掣，電腦會更細緻控制引擎、波箱、四輪驅動系統，另外，電腦亦會結合車輛動態控制系統（Vehicle Dynamic Control，VDC），更精細應對車輪因濕滑路面引致嘅打滑現象。你話：「我唔多識車，點去feel X-Mode？」咁樣答你：「喺啲崎嶇或起伏較大嘅村路或泥路試一試，會覺得動力發放，以至動力傳遞都緊緻紮實咗好多，誇張啲講，成個底盤都好似硬淨咗好多咁。」揸落，信心大咗，出門豪雨雷劈都話之佢。

最鍾意X-Mode設有嘅斜坡緩降控制功能（Hill Decent Control）設計，間中去新界啲超級長命斜玩玩落斜，切換至X-Mode，放晒油門放晒brake，控穩軚盤，成部車慢慢落斜，過癮！

今次試車，雖然冇帶埋Rimowa行李喼同Mountain Bike放上行李艙，但只要放平椅背同望望行李艙「樓底」，都已覺得置物空間相當闊落，冇多餘凸出間隔，將攝影師嗰個成60磅嘅器材喼拉來拉去，提存感覺好輕鬆，亦有大量「轉手位」，搬大型物件，唔怕一吓唔夠力撞花車廂。掀背尾門仲有稱為PIN code access嘅登入系統，放低車匙喺車廂，然後鎖車，返到嚟，喺掀背尾門暗掣輸入預先設定嘅密碼，代理人員教過我一次就識用，算幾易學。呢套系統，好啱啲鍾意戶外/水上活動又成日唔見鎖匙同車匙嘅用家。不過，循例都要講句：貴重物品要跟身。
雙管排氣喉車頂擾流器及鯊魚鰭天線
SUV喺當今車壇，幾乎係每間車廠打開門口必造車種，但唔少都顧此失彼，想兼顧慳油、大馬力、車廂大，剛性高，又唔可以揸落論盡兼太重，四驅先進得嚟又要易用……咁數落去，真係好貪心。但係唔大貪啲，唔奄尖多要求，點會有進步呀，2016年版Forester 2.0XT show到畀外界睇，30零萬級嘅日本高水平SUV可以玩到有幾盡。

Subaru Forester 2.0XT規格售價：$329,800 代理：Motor Image www.subaru.asia/hk 電話：2828 2488 車型：五門五座體積：（長）4610mm x （闊）1795mm x （高）1735mm 軸距：2640mm 引擎：1998c.c. 水平對向4汽缸DIT渦輪增壓，前置引擎馬力：241匹/5600rpm 扭力：350Nm/2400rpm-3600rpm 波箱：Lineartronic CVT無段變速自動傳動：全時間四輪驅動，配主動扭力分配系統懸掛：（前）獨立麥花臣支柱；（後）獨立雙搖臂耗油：8.5L/100km 輪胎：Bridgestone Dueler 400 225/55 R18 98V（前、後）

MERCEDES-BENZ E500 AMG

LAND ROVER DISCOVERY SPORT SE

download menclub auto

Photos & Video: Heat Production 無論你認唔認同有冇地產霸權，車位售價同車位租金喺過去一年多的確係咁升。你可能話，再係咁，我唔再養車㗎喇！賣晒啲車囉，轉搭港鐵算。講！就幾時都咁易！但係，當冇車喺手，想去遠啲，周末周日或長假期想走多幾個地方，做多幾件事，淨係花喺轉車等車都浪費唔少時間。最慘係，好快就覺得成個生活圈子「大縮水」，friend叫你去踩單車，no喇！去遠少少撐枱腳再直落西貢糖水局呢？都冇嘞！呢種堅持通常都頂到3至4個月嘅，但到第6個月，你唔投降，女友或老婆都咋晒你型。

[Youtube]https://youtu.be/dSOtwCnYjAA[/Youtube]
睇返唔少因為車位或其他原因而唔再養車嘅case，好多時都係因為部車唔夠實用，你話部車夠載一家幾口，行李艙夠大，又幾好揸，慳油得嚟又有高性能嘅一面，咁多「留低佢」嘅理由，稍為醒少少攤開衡量，一望就知點計都係著數，死都Keep住啦，使鬼怕車位加價咩！要揀啲駕駛感豐富啲，兼顧到操控表現同配搭到大馬力引擎嘅車種，一定唔會叫你揀MPV，應該將焦點放喺SUV。 SUV呢個名詞出現咗廿幾年，而家可謂各門各派，各有精彩，但仍然喺製作理念上有堅持，會企硬，又做得出色，呼應到節能大氣候嘅例子，唔算多。 1997年發表嘅Subaru Forester車系，即將踏入20周年，發展到而家已經係第四代。唔少揸過日本Turbo快車，又鍾意Subaru四驅系統嘅巴打，可能都擁有過或揸過其中一、兩代。

2016年版Forester 2.0XT有多項新設計同重點升級，外觀上，車頭車尾燈組、鬼面罩、新款合金輪圈同一眼望埋去就見到嘅SRH轉向感應頭燈。2016年版採用2公升水平對向四汽缸DIT引擎，DIT，即是Direct Injection Turbo，最大馬力達241匹/5600rpm，峰值扭力350Nm/2400rpm-3600rpm，配附有主動扭力分配嘅全時間四輪驅動系統。

動力方面，以2公升Turbo引擎嚟講，極之充沛，你視之為一台已踏入高性能級數門檻嘅Turbo引擎絕無不可。不過，Subaru冇過份強調引擎喺高性能嘅表現，試揸過後你或會認同，呢款水平對向機器好刻意要兼顧城巿用車時嘅扭力輸出，佢喺2000rpm內嘅靜止起動力相當好，而且韌力夠強，遇到啲斜路，唔想畀油畀得太勁（可能你望緊有冇錶位），陰柔啲對待油門，佢已經能力輕鬆應付，而且內勁十足，想突然變調加快，腳掌印深少少就掂。整體感覺，呢副水平四汽缸Turbo引擎喺日常使用好輕鬆，好爽。

一如其他Subaru水平對向引擎，呢款輸出達241匹嘅Turbo引擎，運轉質感幾滑，由低轉至高轉，刻意陰柔或急激對待，震盪都好輕微，而且夠靜。廠方話2016年版喺車廂隔音方面有多項upgrade，例如全車轉用較厚嘅玻璃，喺隧道拍住巴士同貨櫃車行車，即使耳仔靠近重型車嘅「巨轆」，都好靜喎。其實，你認真少少feel吓，車門、引擎與駕駛艙之間，以至車廂地台嘅隔音，都好咗好多，我覺得佢好過唔少相近價位、以至售價貴五至八萬嘅德日行政房車。

頭先提過，「慳油又高性能」……好大矛盾喎！你實會話我吹水唔抹咀，實情係，Forester 2.0XT嘅DIT燃油噴注系統、SI Drive駕駛模式選擇功能同Lineartronic無段變速自動波箱，喺兼顧慳油同高性能呢兩方面都起咗非常關鍵作用。SI Drive嘅Sport Sharp同Intelligent模式，令到引擎同轉波反應，既可以凌厲，亦可以揸得輕輕鬆鬆，以最低嘅耗油應付長途路程。我哋幾鍾意Lineartronic嘅手動轉波模式，將波棍撥去左邊，即刻分成8個段落，跑山路彎路，畀油同轉波嘅自主性大咗好多，最正係，加減轉波反應快，動力嚟得結實，冇晒十幾二十年前無段變速自動波箱嘅缺點。睇睇耗油數字，只係8.5L/100km，以執筆時汽油每公升$14.59（正價）計算，每公里都係$1.2，計埋減價優惠，$1公里絕非難事。
軚盤右方為SRH轉向感應頭燈掣、掀背尾門高度設定、掀背尾門電動開關等功能鍵
睇Forester 2.0XT，廠方冇過份高調提及改良懸掛設定同乘坐質素。其實，2016年版已經再強化前懸掛，例如換上硬度更高嘅前橫杆、新款嘅避震機。喺抗傾同支承力都改善最大。以駕駛者角度睇，Forester 2.0XT喺轉向系統嘅改良最為深印象，轉向比率由之前的15.5:1降至14.0:1，turn-in入彎sharp咗，扭動軚盤的回饋力比以前更實在。做乘客，懸掛系統喺高速駛過起伏大嘅路面，能夠好有效控制車身浮盪，唔會坐到浮吓浮吓，意想唔到帶少少歐洲SUV嘅硬朗味道。

2016年嘅今日，仲喺度將四輪驅動汽車嘅優點細說從頭，實在嘥時間，好多人都知四驅系統先天抓著力好，亦因SI Drive、Lineartronic、DIT呢類能夠發揮節能新技術，四輪驅動嘅汽車都可以好慳油。所以，唔好再人云亦云：「四驅？好大食喎！」 2016年版Forester 2.0XT裝有X-Mode駕駛模式，喺波箱前面撳個掣，電腦會更細緻控制引擎、波箱、四輪驅動系統，另外，電腦亦會結合車輛動態控制系統（Vehicle Dynamic Control，VDC），更精細應對車輪因濕滑路面引致嘅打滑現象。你話：「我唔多識車，點去feel X-Mode？」咁樣答你：「喺啲崎嶇或起伏較大嘅村路或泥路試一試，會覺得動力發放，以至動力傳遞都緊緻紮實咗好多，誇張啲講，成個底盤都好似硬淨咗好多咁。」揸落，信心大咗，出門豪雨雷劈都話之佢。

最鍾意X-Mode設有嘅斜坡緩降控制功能（Hill Decent Control）設計，間中去新界啲超級長命斜玩玩落斜，切換至X-Mode，放晒油門放晒brake，控穩軚盤，成部車慢慢落斜，過癮！

今次試車，雖然冇帶埋Rimowa行李喼同Mountain Bike放上行李艙，但只要放平椅背同望望行李艙「樓底」，都已覺得置物空間相當闊落，冇多餘凸出間隔，將攝影師嗰個成60磅嘅器材喼拉來拉去，提存感覺好輕鬆，亦有大量「轉手位」，搬大型物件，唔怕一吓唔夠力撞花車廂。掀背尾門仲有稱為PIN code access嘅登入系統，放低車匙喺車廂，然後鎖車，返到嚟，喺掀背尾門暗掣輸入預先設定嘅密碼，代理人員教過我一次就識用，算幾易學。呢套系統，好啱啲鍾意戶外/水上活動又成日唔見鎖匙同車匙嘅用家。不過，循例都要講句：貴重物品要跟身。
雙管排氣喉車頂擾流器及鯊魚鰭天線
SUV喺當今車壇，幾乎係每間車廠打開門口必造車種，但唔少都顧此失彼，想兼顧慳油、大馬力、車廂大，剛性高，又唔可以揸落論盡兼太重，四驅先進得嚟又要易用……咁數落去，真係好貪心。但係唔大貪啲，唔奄尖多要求，點會有進步呀，2016年版Forester 2.0XT show到畀外界睇，30零萬級嘅日本高水平SUV可以玩到有幾盡。

Subaru Forester 2.0XT規格售價：$329,800 代理：Motor Image www.subaru.asia/hk 電話：2828 2488 車型：五門五座體積：（長）4610mm x （闊）1795mm x （高）1735mm 軸距：2640mm 引擎：1998c.c. 水平對向4汽缸DIT渦輪增壓，前置引擎馬力：241匹/5600rpm 扭力：350Nm/2400rpm-3600rpm 波箱：Lineartronic CVT無段變速自動傳動：全時間四輪驅動，配主動扭力分配系統懸掛：（前）獨立麥花臣支柱；（後）獨立雙搖臂耗油：8.5L/100km 輪胎：Bridgestone Dueler 400 225/55 R18 98V（前、後）