最忠於原著－Mazda Roadster(MX-5)

文：MenClub John Chan　　

POSTED ON 01 Sep 2015

Photo & Video: Heat Production Special Thanks: Mazda Europe Press 叫得做萬事得Roadster，一睇就知係日本水貨，呢份稿刊出翌日，配160匹2公升直四引擎嘅行貨MX-5，就正式喺香港代理陳列室展出，棍波版賣37萬。37萬有啲乜？有Bilstein避震、真皮座椅、Bose高級音響等配備。印象中，2003年萬事得旗艦RX-8嘅抵港價，不過係40萬元（$399,000）有找，而家「五仔」逼近「四字頭」，只能歎句香港乜都貴晒。時代唔同咗，而家買間一手蝸居都400萬，不過，香港冇以前咁好景，難撈咗好多，「搵錢風咁快，洗錢快過風」嘅疏爽日子俱往矣。手頭有三十到尾嘅budget，夠買部啱啱facelift嘅寶馬1系，又或者福士Golf GTI。「喂！咁樣比較唔公平，始終係兩類唔同嘅車。」除非你非MX-5不買，否則，對大多數選擇無定向嘅消費者，都係揀部好玩之餘又夠實用嘅，有Turbo有自動波嘅更好，更何況1系同GTI都係德國車添，真係好大吸引力㗎。

MX-5喺好多香港人，以至全球主流開篷車用家心目中，仍然係大眾化嘅日本開篷車，日本版，亦即係今次測試嘅Roadster，由250萬日圓起錶（折合約16.3萬港元），當然啦，喺香港稅制，點會有呢啲無敵靚價？有水貨商睇準唔係個個車主買到咁豪，引入日本本土版S級別Roadster。今代Raodster只配1.5公升直四引擎，最大馬力130匹，引擎容積及最大扭力分別比行貨MX-5，少500c.c.及30匹。如果你將「水」「行」兩款嘅規格對照，你可能會諗：「畀多七、八萬，有Bilstein避震，又有皮椅，又有綜合式控制鍵，又多30匹，著數喎，冇理由唔買行貨吖。」如果係咁，咁你睇到呢度夠晒喇，有feel嘅話，快啲去代理落訂。

[Youtube]https://www.youtube.com/watch?v=aHgmrRyCYgk[/Youtube]
MenClub認為，今代（即第四代，代號ND）嘅MX-5/Roadster，最值得人欣賞同欣慰嘅係，成部車大幅減磅，回落到只有990kg（即今次測試嘅版本），成日聽到有開篷車用家、追隨MX-5 多年嘅fans、資深汽車傳媒懷愐第一代五仔（代號NA）好輕好正，馬力唔大，部車任你舞，任你捽，畀你徹底感受同享受FR車操控。好嘞！到ND在前，大家又忍唔住，想部車有多啲設備、有皮椅、恒溫冷氣、Bose Hi-Fi、馬力大啲、最好有埋自動頭燈啊等等。哈哈！喺日本，Roadster有三個級別，你係忠於原著簡約，抑或唔豪唔買，都揀到心頭好。今次測試呢部係入門版，棍波、布座椅、以為好「齋」。不過，望近少少，唔難發現軚盤、手掣把手同波棍頭都用真皮包住，仲有埋紅色縫色，手工幾好，再睇真，原來內門板同座椅都有紅線，所以公道啲講，絕對唔「齋」唔hea。喺MenClub嘅角度，簡約之中有少少跑味嘅MX-5最忠於原著。

認識部份揸過今代MX-5（ND）嘅亞洲區記者，都話駕駛感好似第一代（NA）。MenClub對呢種見解有保留，如果你真係揸過原裝（冇改裝）嘅第一代，你會發現部車嘅入彎積極性，車架剛性，明顯遜於第二代。ND回到NA嘅重量水平，當然要開香檳慶祝，但揸落，懸掛嘅反應其實有啲似第二代，柔韌適中，急劇加速或猛烈制動時，車身有自然而合理嘅上仰下潛，過彎傾側幅度，可能會令歐洲掀背車用家覺得「多咗啲」，用心去feel吓，車架抗扭度其實比第三代至少高一倍（純感覺），懸掛喺應對起伏大嘅路面，亦有充足嘅抵禦力。所以，如果你真係揸過一、二、三、四代嘅原裝MX-5/Roadster，相信你會認同：第四代以第一代重量為設定基準，重塑第二代懸掛柔韌兼備嘅個性，再配一個比第三代更牢固嘅車身及底盤。

今代MX-5 Project Manager山本修弘（Nobuhiro Yamamoto）講過，佢覺得ND配195/50 R16車胎最恰當，用家可以感受到最豐富嘅路感同軚感，呢部Roadster當然按照山本先生「口味」炮製，配195/50 R16 84V Yokohama Advan Sports車胎。
山本修弘（Nobuhiro Yamamoto）
我承認我討厭尺碼過大或太闊嘅車胎，山本先生喺ND嘅配胎原則，我好認同，ND嘅電力輔助轉向系統，雖然偏輕，但唔過份，一般喺城巿街道慢車嘅路感只算普通，但快速過彎或喺S彎往還路段，軚盤嘅回饋力度與路訊就變得豐富，真心講，我揸得好開心，好滿足。

汽車工程界有所謂「引擎快過底盤」，又或者「底盤快過引擎」呢類行頭術語，MenClub認為，ND嘅引擎同底盤嘅協調性好好，底盤略微快過引擎少少，所以，除非你唔要命，又或者刻意逼迫（例如拉一拉手掣急扭軚之類），否則喺原裝車情況下，唔係咁易揸到「車尾曉走」，甚至甩尾。我哋話今代Roadster「最忠於原著」，除咗欣賞佢積極減磅，重量回到一噸以內，更要一讚引擎容積只有1500c.c.，與NA面世時所配嘅1600c.c.機器容積好接近，當年嘅日本版最大馬力為115匹，四份一世紀後，稍微增大至130匹/7000rpm，峰值扭力15.3kgm/4800rpm，成件事，令你覺得萬事得好有心去追源溯本，喺力求保留原著精神同時，用新技術將原著嘅經典配方重新「玩」一次。

過往兩代MX-5嘅1.8公升同2公升機器喺中高轉上得唔夠快，聲亦普普通通。轉用Skyactiv技術之後，由5000rpm起去到7000rpm前都好順。動力發放得異常實淨，冇晒以前喺高轉度力好似散散哋嘅感覺，好大改進。喺直路轟一轉，把聲真係唔錯。1500c.c.直四自然吸氣引擎有咁嘅表現，要大讚。

如果你問MenClub最like邊代MX-5，一定唔會係第一代，雖然佢嘅跳燈好吸引，亦唔會係第三代，唔係嫌佢重，只係嫌佢動態唔夠生鬼，軚感普普通通。最鍾意嘅一定係第二代同今代，理由係：今代好成功重現二代MX-5懸掛嗰份柔韌適中嘅感覺，路感亦好豐富，更重要嘅係，呢副1.5公升130匹引擎同車架好協調，畀到你真真正正享受操控表現，多於速度上嘅快感。即使未試2公升行貨，我哋都可以大膽肯定，日本版係最好，最忠於原著。

Mazda Roadster(MX-5)規格售價：$289,800 進口商：Skybright Automotive(2692 6274/9102 8491) 車型：雙門兩座體積：（長）3915mm x （闊）1735mm x （高）1235mm 軸距：2310mm 跨距：（前）1495mm（後）1505mm 車底離地距：140mm 引擎形式：P5-VP(RS)型，1496c.c. 直列4汽缸，缸內直噴，前置引擎口徑 x 衝程：74.5mm x 85.8mm 壓縮比：13.0:1 馬力：130.5匹/7000rpm 扭力：15.3kgm/4800rpm 波箱：6前速手動，後輪驅動懸掛：（前）雙搖臂；（後）多連桿制動：（前）透氣碟；（後）實心碟車重：990kg 0至100km/h：約7.2秒（英國汽車雜誌《CAR》測試輸英日版水貨測計值）波箱齒比：5.087（1波）2.991（2波）2.035（3波）1.594（4波）1.286（5波） 1.000（6波）4.969（後波）2.866（尾牙）最小迴轉半徑：4.7米耗油：17.2km/L（日本JC08燃費測計模式）輪胎：Advan Sports 195/50 R16 84V（前、後）

MERCEDES-BENZ E500 AMG

LAND ROVER DISCOVERY SPORT SE

download menclub auto

Photo & Video: Heat Production Special Thanks: Mazda Europe Press 叫得做萬事得Roadster，一睇就知係日本水貨，呢份稿刊出翌日，配160匹2公升直四引擎嘅行貨MX-5，就正式喺香港代理陳列室展出，棍波版賣37萬。37萬有啲乜？有Bilstein避震、真皮座椅、Bose高級音響等配備。印象中，2003年萬事得旗艦RX-8嘅抵港價，不過係40萬元（$399,000）有找，而家「五仔」逼近「四字頭」，只能歎句香港乜都貴晒。時代唔同咗，而家買間一手蝸居都400萬，不過，香港冇以前咁好景，難撈咗好多，「搵錢風咁快，洗錢快過風」嘅疏爽日子俱往矣。手頭有三十到尾嘅budget，夠買部啱啱facelift嘅寶馬1系，又或者福士Golf GTI。「喂！咁樣比較唔公平，始終係兩類唔同嘅車。」除非你非MX-5不買，否則，對大多數選擇無定向嘅消費者，都係揀部好玩之餘又夠實用嘅，有Turbo有自動波嘅更好，更何況1系同GTI都係德國車添，真係好大吸引力㗎。

MX-5喺好多香港人，以至全球主流開篷車用家心目中，仍然係大眾化嘅日本開篷車，日本版，亦即係今次測試嘅Roadster，由250萬日圓起錶（折合約16.3萬港元），當然啦，喺香港稅制，點會有呢啲無敵靚價？有水貨商睇準唔係個個車主買到咁豪，引入日本本土版S級別Roadster。今代Raodster只配1.5公升直四引擎，最大馬力130匹，引擎容積及最大扭力分別比行貨MX-5，少500c.c.及30匹。如果你將「水」「行」兩款嘅規格對照，你可能會諗：「畀多七、八萬，有Bilstein避震，又有皮椅，又有綜合式控制鍵，又多30匹，著數喎，冇理由唔買行貨吖。」如果係咁，咁你睇到呢度夠晒喇，有feel嘅話，快啲去代理落訂。

[Youtube]https://www.youtube.com/watch?v=aHgmrRyCYgk[/Youtube]
MenClub認為，今代（即第四代，代號ND）嘅MX-5/Roadster，最值得人欣賞同欣慰嘅係，成部車大幅減磅，回落到只有990kg（即今次測試嘅版本），成日聽到有開篷車用家、追隨MX-5 多年嘅fans、資深汽車傳媒懷愐第一代五仔（代號NA）好輕好正，馬力唔大，部車任你舞，任你捽，畀你徹底感受同享受FR車操控。好嘞！到ND在前，大家又忍唔住，想部車有多啲設備、有皮椅、恒溫冷氣、Bose Hi-Fi、馬力大啲、最好有埋自動頭燈啊等等。哈哈！喺日本，Roadster有三個級別，你係忠於原著簡約，抑或唔豪唔買，都揀到心頭好。今次測試呢部係入門版，棍波、布座椅、以為好「齋」。不過，望近少少，唔難發現軚盤、手掣把手同波棍頭都用真皮包住，仲有埋紅色縫色，手工幾好，再睇真，原來內門板同座椅都有紅線，所以公道啲講，絕對唔「齋」唔hea。喺MenClub嘅角度，簡約之中有少少跑味嘅MX-5最忠於原著。

認識部份揸過今代MX-5（ND）嘅亞洲區記者，都話駕駛感好似第一代（NA）。MenClub對呢種見解有保留，如果你真係揸過原裝（冇改裝）嘅第一代，你會發現部車嘅入彎積極性，車架剛性，明顯遜於第二代。ND回到NA嘅重量水平，當然要開香檳慶祝，但揸落，懸掛嘅反應其實有啲似第二代，柔韌適中，急劇加速或猛烈制動時，車身有自然而合理嘅上仰下潛，過彎傾側幅度，可能會令歐洲掀背車用家覺得「多咗啲」，用心去feel吓，車架抗扭度其實比第三代至少高一倍（純感覺），懸掛喺應對起伏大嘅路面，亦有充足嘅抵禦力。所以，如果你真係揸過一、二、三、四代嘅原裝MX-5/Roadster，相信你會認同：第四代以第一代重量為設定基準，重塑第二代懸掛柔韌兼備嘅個性，再配一個比第三代更牢固嘅車身及底盤。

今代MX-5 Project Manager山本修弘（Nobuhiro Yamamoto）講過，佢覺得ND配195/50 R16車胎最恰當，用家可以感受到最豐富嘅路感同軚感，呢部Roadster當然按照山本先生「口味」炮製，配195/50 R16 84V Yokohama Advan Sports車胎。
山本修弘（Nobuhiro Yamamoto）
我承認我討厭尺碼過大或太闊嘅車胎，山本先生喺ND嘅配胎原則，我好認同，ND嘅電力輔助轉向系統，雖然偏輕，但唔過份，一般喺城巿街道慢車嘅路感只算普通，但快速過彎或喺S彎往還路段，軚盤嘅回饋力度與路訊就變得豐富，真心講，我揸得好開心，好滿足。

汽車工程界有所謂「引擎快過底盤」，又或者「底盤快過引擎」呢類行頭術語，MenClub認為，ND嘅引擎同底盤嘅協調性好好，底盤略微快過引擎少少，所以，除非你唔要命，又或者刻意逼迫（例如拉一拉手掣急扭軚之類），否則喺原裝車情況下，唔係咁易揸到「車尾曉走」，甚至甩尾。我哋話今代Roadster「最忠於原著」，除咗欣賞佢積極減磅，重量回到一噸以內，更要一讚引擎容積只有1500c.c.，與NA面世時所配嘅1600c.c.機器容積好接近，當年嘅日本版最大馬力為115匹，四份一世紀後，稍微增大至130匹/7000rpm，峰值扭力15.3kgm/4800rpm，成件事，令你覺得萬事得好有心去追源溯本，喺力求保留原著精神同時，用新技術將原著嘅經典配方重新「玩」一次。

過往兩代MX-5嘅1.8公升同2公升機器喺中高轉上得唔夠快，聲亦普普通通。轉用Skyactiv技術之後，由5000rpm起去到7000rpm前都好順。動力發放得異常實淨，冇晒以前喺高轉度力好似散散哋嘅感覺，好大改進。喺直路轟一轉，把聲真係唔錯。1500c.c.直四自然吸氣引擎有咁嘅表現，要大讚。

如果你問MenClub最like邊代MX-5，一定唔會係第一代，雖然佢嘅跳燈好吸引，亦唔會係第三代，唔係嫌佢重，只係嫌佢動態唔夠生鬼，軚感普普通通。最鍾意嘅一定係第二代同今代，理由係：今代好成功重現二代MX-5懸掛嗰份柔韌適中嘅感覺，路感亦好豐富，更重要嘅係，呢副1.5公升130匹引擎同車架好協調，畀到你真真正正享受操控表現，多於速度上嘅快感。即使未試2公升行貨，我哋都可以大膽肯定，日本版係最好，最忠於原著。

Mazda Roadster(MX-5)規格售價：$289,800 進口商：Skybright Automotive(2692 6274/9102 8491) 車型：雙門兩座體積：（長）3915mm x （闊）1735mm x （高）1235mm 軸距：2310mm 跨距：（前）1495mm（後）1505mm 車底離地距：140mm 引擎形式：P5-VP(RS)型，1496c.c. 直列4汽缸，缸內直噴，前置引擎口徑 x 衝程：74.5mm x 85.8mm 壓縮比：13.0:1 馬力：130.5匹/7000rpm 扭力：15.3kgm/4800rpm 波箱：6前速手動，後輪驅動懸掛：（前）雙搖臂；（後）多連桿制動：（前）透氣碟；（後）實心碟車重：990kg 0至100km/h：約7.2秒（英國汽車雜誌《CAR》測試輸英日版水貨測計值）波箱齒比：5.087（1波）2.991（2波）2.035（3波）1.594（4波）1.286（5波） 1.000（6波）4.969（後波）2.866（尾牙）最小迴轉半徑：4.7米耗油：17.2km/L（日本JC08燃費測計模式）輪胎：Advan Sports 195/50 R16 84V（前、後）