難忘黑白好時代－Toyota Sprinter Trueno(AE86)

文：MenClub John Chan　　

POSTED ON 24 Aug 2015

Photos & Video：Heat Productions Special Thanks: トヨタ自動車（株）モータースポーツ部，Toyota GB Media 間中又會聽到有人講，豐田冇跑車。嘩！唔係吖，豐田幾年前唔係出咗部86咩？不過，都唔怪得有車迷會咁諗，事關吒咤一時嘅豐田Supra、MR2、Celica，仲有啲飛得吓嘅Chaser、Altezza、冚罷唥停產咗十幾年，而家得番86同Mark X支撐大局，個勢又真係弱咗啲。
呢部鬼面罩有「Hot Version」字章嘅AE86，你應該估到邊個係車主。
86嘅入門級FR跑車配方能夠咸魚翻生，同大家仲好掛住80年代豐田廉價跑車仔AE86有好大關係，仲有漫畫《頭文字D》令好多人都想試吓，變身做藤原拓海嘅感覺大概會係點。
[Youtube]https://youtu.be/x28tj4JQ-us[/Youtube]
過去嗰十幾年都好多人做過或做仲緊AE86車主。講真正嘅《頭文字D》86，可能要問叮噹借度時空門入去動漫裏面先搵到，而家喺日本街道見到嘅《頭文字D》AE86，少數係屬於早期配黑白two tone車身嘅最高級別GT-APEX版本，其餘大多數都係參照拓海部車去模仿改造。不過，模仿還模仿，拓海所揸嘅Sprinter Trueno AE86，係屬於前期型。

聽唔明？唔緊要，同你睇番AE86嘅歷史，1983年5月，豐田推出轉用前驅佈局嘅Corolla同Sprinter呢對姊妹車系，但喺轎跑版，即係Levin同Trueno，仍然保留後驅佈局，Levin同Trueno最大分別係Trueno採用跳燈設計，引擎方面，兩款車都可以配當時由Yamaha全新開發，編號4A-GEU嘅130匹1.6公升直四Twin Cam 16活瓣引擎。由於後懸掛採用非獨立嘅四連桿佈局，車身後半部嘅貼地同穩定性只係普普通通，不過，呢種配搭，再加上lock to lock只係3圈嘅快軚設計，造就咗佢先天容易甩尾嘅特性，唔知係唔係因為咁，畀《頭文字D》作者重野秀一睇中嘞。
豐田搵躍馬（Yamaha）設計4A-GEU引擎嘅原因之一，係因為2T-GEU引擎「年事已高」。4A-GEU係豐田首批進入Multi-Valve（當年又稱多活瓣）年代嘅新引擎。
今次呢部87年嘅AE86車主Ricky，原來買咗部車只係幾個月，佢話咁多年嚟都係揸棍波車，包括本田Civic同豐田Altezza，搵咗AE86放盤有一段長時間，最近先喺本哋搵到呢部嚟咗香港好多年嘅日本版。
點解叫AE86？有說是咁的，A係代表呢款車採用嘅A系列（4A-GEU）引擎，E代表呢一代Corolla/Sprinter（E80），而6就係該代Corolla/Sprinter嘅轎跑車型代號。
佢話買AE86，好大程度受《頭文字D》動漫影響，不過，實在啲，好鍾意成部車外形，夠經典，尤其係跳燈，呢種deisgn，基於保護行人安全法例，相信以後冇可能再喺新車見到。佢話好like AE86嘅駕駛感，原始又直接。問佢鍾意最近嘅86，佢笑住咁話，唔啦。

Ricky叫我哋試吓坐入車廂，打開車門，上落位好闊，車廂空間算大，可惜嘅係，後座因為冇三點式安全帶，所以只可以坐兩個人。掀背尾門攞嘢好方便，行李艙算幾大，有晒豐田跑車型得嚟都不忘實用性嘅優點。

MenClub嘅同事，多年嚟都試揸過多部AE86，有啲配元祖4AGE引擎，有啲就喺部車嚟香港前已經改裝咗20活瓣嘅尾期4AGE機器。呢款停產接近30年嘅車，揸起仲好緊湊，雖然引擎馬力唔算大，喺燈位idling又或者著車嗰陣，都幾大浸電油味，但部車輕，得940公斤，起步仲算幾爽，引擎聲粗得嚟又好有性格，呢幾項咁獨特元素形成嘅化學反應，令你即使揸得唔算快，喺視覺、聽覺、嗅覺都好有新鮮感同震撼力。
豐田喺八十年代初，已十分注重車廂人體工學設計，確保大部份顧客可以坐、揸都咁就手舒服。
最正嘅係，豐田嘅driving position同成個駕駛艙嘅人體工學設計水平都好高，clutch位，波箱閘位都好清晰，就算你啱啱接觸AE86，都可以好快上手。大膽啲講，就算《頭文字D》冇出現過，AE86都肯肯定會係日本車壇嘅經典。

歐洲版沿用Levin「明燈」設計，圖為輸出至英國嘅右軚版本，稱為Corolla GT。翻查1986年4月豐田香港代理皇冠車行（Crown Motors）嘅Corolla GT售價為$91,500元， Special版為$118,500，咁MR2（AW11）呢？$142,500 出口版最大馬力稍微低於日本本土版，只有122至124匹（視乎出口地區及所使用規格之汽油）。
AE86曾參加英國房車錦標賽（BTCC）上圖為1986年度北美版，當地稱為Corolla GT-S，採用Trueno嘅跳燈設計。 AE86曾參加1999-2001年賽季嘅JGTC（GT300組別），但已改用2公升嘅3S-GTE Turbo引擎。上下兩款都係來自BP Kraft車隊嘅AE86賽車，只係贊助商唔同咗。
Toyota Sprinter Trueno（AE86）規格車型：三門四座體積：（長）4180mm x （闊）1625mm x （高）1335mm 軸距：2400mm 跨距：（前）1355mm（後）1345mm 引擎：1587c.c. 4A-GEU型直列4汽缸雙頂凸輪軸16活瓣，前置引擎口徑 x 衝程：81.0mm x 77.0mm 壓縮比：9.4:1 燃油供應：電子燃油噴注（EFI-D）馬力：130匹/6600rpm 扭力：15.2kgm/5200rpm 波箱：5前速手動（85年5月追加四前速自動），後輪驅動懸掛：（前）獨立；麥花臣支柱；（後）固定；四連桿（又被稱為硬軸）制動：（前）透氣碟；（後）實心碟最小迴轉半徑：4.7米車重： 940kg 油缸容量：50公升輪胎：（前、後）185/70 HR13（1983年規格）

MERCEDES-BENZ E500 AMG

LAND ROVER DISCOVERY SPORT SE

download menclub auto

Photos & Video：Heat Productions Special Thanks: トヨタ自動車（株）モータースポーツ部，Toyota GB Media 間中又會聽到有人講，豐田冇跑車。嘩！唔係吖，豐田幾年前唔係出咗部86咩？不過，都唔怪得有車迷會咁諗，事關吒咤一時嘅豐田Supra、MR2、Celica，仲有啲飛得吓嘅Chaser、Altezza、冚罷唥停產咗十幾年，而家得番86同Mark X支撐大局，個勢又真係弱咗啲。
呢部鬼面罩有「Hot Version」字章嘅AE86，你應該估到邊個係車主。
86嘅入門級FR跑車配方能夠咸魚翻生，同大家仲好掛住80年代豐田廉價跑車仔AE86有好大關係，仲有漫畫《頭文字D》令好多人都想試吓，變身做藤原拓海嘅感覺大概會係點。
[Youtube]https://youtu.be/x28tj4JQ-us[/Youtube]
過去嗰十幾年都好多人做過或做仲緊AE86車主。講真正嘅《頭文字D》86，可能要問叮噹借度時空門入去動漫裏面先搵到，而家喺日本街道見到嘅《頭文字D》AE86，少數係屬於早期配黑白two tone車身嘅最高級別GT-APEX版本，其餘大多數都係參照拓海部車去模仿改造。不過，模仿還模仿，拓海所揸嘅Sprinter Trueno AE86，係屬於前期型。

聽唔明？唔緊要，同你睇番AE86嘅歷史，1983年5月，豐田推出轉用前驅佈局嘅Corolla同Sprinter呢對姊妹車系，但喺轎跑版，即係Levin同Trueno，仍然保留後驅佈局，Levin同Trueno最大分別係Trueno採用跳燈設計，引擎方面，兩款車都可以配當時由Yamaha全新開發，編號4A-GEU嘅130匹1.6公升直四Twin Cam 16活瓣引擎。由於後懸掛採用非獨立嘅四連桿佈局，車身後半部嘅貼地同穩定性只係普普通通，不過，呢種配搭，再加上lock to lock只係3圈嘅快軚設計，造就咗佢先天容易甩尾嘅特性，唔知係唔係因為咁，畀《頭文字D》作者重野秀一睇中嘞。
豐田搵躍馬（Yamaha）設計4A-GEU引擎嘅原因之一，係因為2T-GEU引擎「年事已高」。4A-GEU係豐田首批進入Multi-Valve（當年又稱多活瓣）年代嘅新引擎。
今次呢部87年嘅AE86車主Ricky，原來買咗部車只係幾個月，佢話咁多年嚟都係揸棍波車，包括本田Civic同豐田Altezza，搵咗AE86放盤有一段長時間，最近先喺本哋搵到呢部嚟咗香港好多年嘅日本版。
點解叫AE86？有說是咁的，A係代表呢款車採用嘅A系列（4A-GEU）引擎，E代表呢一代Corolla/Sprinter（E80），而6就係該代Corolla/Sprinter嘅轎跑車型代號。
佢話買AE86，好大程度受《頭文字D》動漫影響，不過，實在啲，好鍾意成部車外形，夠經典，尤其係跳燈，呢種deisgn，基於保護行人安全法例，相信以後冇可能再喺新車見到。佢話好like AE86嘅駕駛感，原始又直接。問佢鍾意最近嘅86，佢笑住咁話，唔啦。

Ricky叫我哋試吓坐入車廂，打開車門，上落位好闊，車廂空間算大，可惜嘅係，後座因為冇三點式安全帶，所以只可以坐兩個人。掀背尾門攞嘢好方便，行李艙算幾大，有晒豐田跑車型得嚟都不忘實用性嘅優點。

MenClub嘅同事，多年嚟都試揸過多部AE86，有啲配元祖4AGE引擎，有啲就喺部車嚟香港前已經改裝咗20活瓣嘅尾期4AGE機器。呢款停產接近30年嘅車，揸起仲好緊湊，雖然引擎馬力唔算大，喺燈位idling又或者著車嗰陣，都幾大浸電油味，但部車輕，得940公斤，起步仲算幾爽，引擎聲粗得嚟又好有性格，呢幾項咁獨特元素形成嘅化學反應，令你即使揸得唔算快，喺視覺、聽覺、嗅覺都好有新鮮感同震撼力。
豐田喺八十年代初，已十分注重車廂人體工學設計，確保大部份顧客可以坐、揸都咁就手舒服。
最正嘅係，豐田嘅driving position同成個駕駛艙嘅人體工學設計水平都好高，clutch位，波箱閘位都好清晰，就算你啱啱接觸AE86，都可以好快上手。大膽啲講，就算《頭文字D》冇出現過，AE86都肯肯定會係日本車壇嘅經典。

歐洲版沿用Levin「明燈」設計，圖為輸出至英國嘅右軚版本，稱為Corolla GT。翻查1986年4月豐田香港代理皇冠車行（Crown Motors）嘅Corolla GT售價為$91,500元， Special版為$118,500，咁MR2（AW11）呢？$142,500 出口版最大馬力稍微低於日本本土版，只有122至124匹（視乎出口地區及所使用規格之汽油）。
AE86曾參加英國房車錦標賽（BTCC）上圖為1986年度北美版，當地稱為Corolla GT-S，採用Trueno嘅跳燈設計。 AE86曾參加1999-2001年賽季嘅JGTC（GT300組別），但已改用2公升嘅3S-GTE Turbo引擎。上下兩款都係來自BP Kraft車隊嘅AE86賽車，只係贊助商唔同咗。
Toyota Sprinter Trueno（AE86）規格車型：三門四座體積：（長）4180mm x （闊）1625mm x （高）1335mm 軸距：2400mm 跨距：（前）1355mm（後）1345mm 引擎：1587c.c. 4A-GEU型直列4汽缸雙頂凸輪軸16活瓣，前置引擎口徑 x 衝程：81.0mm x 77.0mm 壓縮比：9.4:1 燃油供應：電子燃油噴注（EFI-D）馬力：130匹/6600rpm 扭力：15.2kgm/5200rpm 波箱：5前速手動（85年5月追加四前速自動），後輪驅動懸掛：（前）獨立；麥花臣支柱；（後）固定；四連桿（又被稱為硬軸）制動：（前）透氣碟；（後）實心碟最小迴轉半徑：4.7米車重： 940kg 油缸容量：50公升輪胎：（前、後）185/70 HR13（1983年規格）