本田喺聖誕節前剛發布，可能係近五年車廂設計「去得咁盡」嘅日本原廠新車N-BOX SLASH。

先不大話西遊，N-BOX是普通過普通的日本660c.c. K-Car，售價由138萬日圓至193萬日圓。一睇就知，本田N-BOX要走類似元祖豐田bB那種「美式小盒子」路線，性能當然不是賣點，最重要將1950至1960年代那種常見於生活雜貨或家電嘅「美國味」玩出嚟。

好耐冇見過咁有heart去design嘅日本原裝平價車

擺到明要抄美式Diner Style

為此N-BOX開發團隊親自到美國取經，去當地嘅Diner（美式餐廳，常見於Long Island、New York及New Jeresy）、Cafe、Bar，參考當地食肆嘅室內設計，又到當地的改裝車工作室取經，而負責為N-BOX的「揀色」的，更是只有20多歲的本田女設計師半澤小百合。由八、九十後設計的汽車，理應更體貼八、九十後所需及喜好。

如果N-BOX SLASH係一部1.5公升級車仔，又或者由豐田推出，一定賣到通街都係

好鬼靚仔啫

白色軚盤，擺到明考你耐性清潔，靚係要付出，但好多車迷會好樂意

咦！呢條軨可能啱Jazz用喎

車匙都靚過人，死未？

咁有幾美式呢？以N-BOX SLASH的X版為例，紅色主調車廂配一條縱橫車廂的粗身黑白格飾條，一睇就知有Diner卡位座椅味道，仲配埋乜乜Sound Mapping System，廠方話到明呢套HiFi專爆重低音，8個喇叭加一個Sub Woofer。咁幾好吖，一收車就即係有得「爆機」，肯加錢，仲可以有無線充電系統。唉！得個羡慕，日本版，無我份，慘！

廠方專登派成team人去美國考察取經，「參考」「抄考」。喂！講真成品效果真係幾好，要讚！

尾門採用隱藏式開門把手設計，扮晒兩門版咁款

N-BOX SLASH奉行本田一貫「平車都可以好精彩先進」嘅設䚳，有電子parking brake，電動輔助轉向系統亦有模式選擇，鍾意「輕軚」或「重少少」都有得揀。